New article No21746

IMIKINO

Andrea Pirlo yagizwe umutoza mukuru wa Juventus

Yanditswe

kuwa

na

Bikorimana Alexis
Andrea Pirlo yagizwe umutoza mukuru wa Juventus

Ikipe ya Juventus yo mu Butaliyani yagize Andrea Pirlo umutoza mukuru nyuma yo kwirukana Mourizio Sarri wasezerewe n’ikipe ya Lyon mu mukino ya Champions League.

Ku itariki 30 y’ukwa karindwi, Pirlo w’imyaka 41 y’amavuko nibwo yari yagizwe umutoza w’ikipe ya Juventus y’abari munsi y’imyaka 23.

Yashyize umukono kuri kontaro yo gutoza Juventus y’abakuru mu gihe cy’imyaka ibiri kugeza mu kwezi kwa gatandatu mu 2022.

Juventus yavuze ko icyemezo cyo kumuzamura mu ntera gishingiye ku kwemera ko Pirlo afite ubushobozi bukenewe bwo kuyobora iyi kipe y’intyoza ikagera ku ntsinzi nshya, ahereye ku kuba yaratangiriye ku ntebe y’abasimbura.

Hagati ya 2011 na 2015, Pirlo yakiniye Juventus imikino 164, yegukana ibikombe bine bya shampiyona ya Serie A.

Pirlo yakiniye ikipe y’igihugu y’Ubutaliyani imikino 116, ayifasha gutsindira igikombe cy’isi cya 2006.

Mu 2017 nibwo yasezeye ku gukina umupira, nyuma yo kumara imyaka ibiri akina muri shampiyona yo muri Amerika ya Major League Soccer mu ikipe ya New York City FC, amaze kuva muri Juventus.

IBITEKEREZO

Tanga igitekerezo


Kwamamaza New article No21943
Kwamamaza New article No21181
Kwamamaza