IBINDI

Umugabo yishwe n’imiti yanyweye azi ko imuvura Coronavirus

Yanditswe

kuwa

na

Makuruki
Umugabo yishwe n’imiti yanyweye azi ko imuvura Coronavirus

Muri leta ya Arizona umugabo yapfuye naho umugore we araremba nyuma y’uko bombi biteye umuti wa chloroquine phosphate, bikekwa ko barimo bikingira Covid-19.

Perezida Donald Trump aheruka kuvuga ko hari ubwoko bwa chloroquine bushobora kuba igisubizo kuri iyi virus.

Gusa ubwoko bw’uwo umugore n’umugabo we bafashe burimo ibinyabutabire kandi wifashishwa mu koza ibyuzi by’amafi.

Nyuma gato y’uko bawiteye bahise barwara nk’uko byatangajwe n’ibitaro bya Banner Health muri Arizona.

Aba bombi bari mu kigero cy’imyaka 60. Umugore yabwiye NBC News ko yabonye kuri televiziyo Bwana Trump aganira ku byiza by’uyu muti mu kuvura Covid-19.

Ikigo cya leta gishinzwe kwemeza ubuziranenge bw’imiti n’ibiribwa muri Amerika cyatangaje ko uyu muti utaremezwa ko uvura cyangwa ukingira iyi virus yo mu bwoko bwa coronavirus.

Uyu mugore yabwiye NBC ati:"Twabonye ikiganiro cye n’abanyamakuru. Cyanyuzeho kenshi, Trump yakomeje kuvuga ko uyu ari umuti. Twari dufite ubwoba bwo kurwara."

Muri leta zunze ubumwe za Amerika abantu barenga 46,000 bamaze kwandura iyi virus, abagera kuri 592 yarabishe.

Uyu mugabo n’umugore we, mbere bakoresheje chloroquine mu kuvura amafi yabo yo mu bwoko bwa Koi, bakaba hari uwo bari bagifite mu rugo.

Gusa uyu bari bafite utandukanye n’usanzwe ukoreshwa mu kuvura malariya.

Bavanze uyu muti n’ibisukika kugira ngo bawitere, ariko mu minota 20 gusa bari batangiye kurwara.

Uyu mugore avuga ko yahise atagira kuruka naho umugabo we akananirwa guhumeka.

Igishushanyo kigaragaza uko COVID-19 ikwirakwira

Bagejejwe kwa muganga umugabo byarangiye naho umugore arembye cyane.

Ibitaro bya Banner Health byasohoye itangazo ribuza abantu bose gukoresha chloroquine mu gushaka kwivura cyangwa kwikingira Covid-19.

Itangazo ryabo rigira riti: "Kuko nta muti uhari kuri Covid-19, twumva ko abantu bashaka inzira zabo mu kwikingira cyangwa kwivura, ariko ubu buryo ntabwo bukwiriye".

IBITEKEREZO

Tanga igitekerezo


Kwamamaza New article No21181
Kwamamaza New article No21181
Kwamamaza