Kwamamaza

OPINIONS

Ni iki cyaba cyarasunitse RMC kwihanukira mu guhana Igihe.com n’ingaruka zabyo ?

Yanditswe

kuya

na

Editor1
Ni iki cyaba cyarasunitse RMC  kwihanukira mu guhana Igihe.com n’ingaruka zabyo ?

Nyuma yo guhana ikinyamakuru Igihe.com ku makosa cyarezwe n’umunyamideri Teta Sandra ku kuba yaramusebeje mu nkuru yasohotse mu ntangiriro za Kanama 2015, ifite umutwe ugira uti “Ubucukumbuzi ku bujura, ifungwa, ubutiriganya, ubwambuzi, gukunda iraha kuri Miss Teta Sandra , hakomeje kwibazwa impamvu Urwego rw’abamayamakuru bigenzura rwaba rwarihanukiriye mu guhana ikinyamakuru Igihe.com, mu gihe nyamara iki kinyamakuru cyari cyemeye amakosa, kuyavuguruza no kuyasabira imbabazi.

Nubwo iyi nkuru itagamije gushyigikira amakosa y’umwuga agaragara yakozwe mu nkuru yasohotse y’iki gitangazamakuru, nta n’uwabura kwibaza impamvu Urwego rw’abanyamakuru bigenzura rwahisemo guhanisha ibihano bigera kuri bitatu birimo guca amafaranga agera kuri Miliyoni 4 Igitangazamakuru,Igihano mu by’ukuri gihanitse ugereranyije n’andi makosa ajya gusa nk’aya yagiye aregerwa uru rwego n’uburyo yagiye ahanwa.

Amateka magufi yo guhana y’Urwego rw’Abanyamakuru bigenzura

Kuva Urwego rw’abanayamakuru bigenzura rwashyirwaho tariki 27 Kanama 2013 kugeza mu Ukuboza 2014, uru rwego rwari rumaze kwakira ibirego bigera kuri 49, muri byo hakemuwe ibirego 48.

Muri byo ibirego , 39 byatanzwe n’abaturage basanzwe barega abanyamakuru kubahohotera ndetse no kurengera ku byo bemererwa n’amateko.

Muri iki gihe cyose, ni bwo bwa mbere uru rwego ruhanishije igitangazamakuru ibihano birenze kimwe hageretseho n’amafaranga angana kuriya.

Dusubije amaso inyuma, ubusanzwe mu bihano bishobora gutangwa n’uru rwego harimo kwihanangirizwa, gusaba kuvuguruza inkuru no gusaba imbabazi, Gusa uru rwego rushingwa, intego nyamukuru yarwo kwari ukwigenzura kw’Itangazamakuru, haramuka hagaragaye amakosa hakazamo kunga nubwo bitabujije ko hazamo amande no gusabira igitangamakuru kuba cyahagarikwa mu gihe runaka.

Mu bimenyerewe na Jurisprudence mu mategeko asanzwe, iyo itegeko ntacyo rivuga ku kintu runaka, urubanza rwaciwe mbere rufatwaho nk’urugero ku icyemurwa ry’ikibazo.

Kuba rero igitangazamakuru cyari kirezwe bwa mbere kandi kigategekwa kwandika cyemera gukosora amakosa, kuyasabira imbabazi no kuvuguruza inkuru, byari bihagije ukurikije uko ibindi bitangazamakuru byagiye biregwa muri uru rwego uburyo byagiye bihanwa.

Ibi biri mu bituma hakomeza kwibazwa impamvu yaba yaratumye uru rwego rwihanukira mu kwegeranya ibihano birenze bitatu ku gitangazamakuru kirezwe bwa mbere ku ikosa rimwe, kandi kikemera amakosa.

Amande y’amafranga yashingiye kuki?

Mu mategeko mpanabyaha , buri cyaha giteganyirizwa igihano cy’igifungo cyangwa amande yanditswe kandi azwi cyangwa kimwe muri ibyo bihano. Naho mu mategeko mbonezamubano n’ay’ubucuruzi amafranga y’impozamarira cyangwa amande ashingira ku bintu bifatika byagaragarijwe urukiko byerekana uburemere cyangwa igihombo cyatewe nyir’ukuregera indishyi.

Kuba nyir’ukurega Igihe ari we Sandra Teta yaratse indishyi zigera kuri Miliyoni 40, akemererwa Miliyoni 4, uru rwego rwa RMC ntirwigeze rugaragaza mu rubanza ibyashingiweho nk’ibyo bita igihombo Sandra Teta yaba yaratewe n’iyi nkuru.

Kuvuga ko iyi nkuru yaba yaramwangirije izina bikamuteza igihombo ntibihagije kugira ngo uhite uvuga ko uyu munyamideri koko akwiye izi ndishyi.

Bibaye kuba yaraseberejwe mu nkuru, ni naho yagakuriweho icyo gisebo, agikuweho n’uwakimushyizeho kuko , amafaranga si yo yaba igisubizo cyakuraho icyasha. Usibye ko nta n’ibifatika byab byaragaragajwe bisobanura icyo gihombo cyavurwa na miliyoni enye.

Ukwihana umukemurampaka mbere y’urubanza, na yo ntiyaba impamvu?

Ikindi umuntu yakwibaza niba kuba ikinyamakuru Igihe.com cyari cyatanze impungenge kuri umwe mu bakemurampaka ari we Prince Bahati, nyuma akaba ari we wemezwa ko agomba kuba umwe mu baca uru rubanza, na byo haribazwa ko bitagira ingaruka ku rubanza.

Ubwo uru rubanza rwatangiraga, Ubuyobozi bw”iki gitangazamakuru bwagaragaje ko umwe mu bagize inteko iburanisha harimo umwe bigeze kugirana ibibazo.

Hakibazwa ukuntu mu bakomiseri 7 b’uru rwego rw’abanyamakuru bigenzura habuze uwasimbura uwakemangagwa n’umuburanyi ariwe Igihe Ltd, kugira ngo urubanza rwe rwo kugirwaho impungenge.

Ese iyi myitwarire ya RMC ntiyaba intandaro yo gutakarizwa icyizere n’abanyamuryango bayo?

Bamwe mu bagaragaza impugenge ku bintu bikomeje guhindura isura mu nzu y’abanyamakuru bigenzura, bahamya ko uru rwego rushobora kugenda rutakarizwa icyizere na bene rwo nk’urwego rwitwaga ko rwigenzura, mu gihe rwaba rutangiye kuba umuyoboro cyangwa igikangisho ku Itangazamakuru, bakurikije impamvu zikurikira:

  • Kuba RMC itarashobora kugira imbaraga zo guhuriza hamwe no kugenzura kimwe itangazamakuru ryaba irya Leta n’iryigenga mu Rwanda cyangwa iry’amahanga rikorera k’ubutaka bw’u Rwanda.
  • Kuba ibyemezo n’ibihano by’uru rwego byubahirizwa na bamwe, bigorana kubishyira mu bikorwa, kandi ntibigire inkurikizi.

Byatuma wibaza muri iyi minsi imbaraga n’ubukana uru rwego ruzanye, mu gihe uru rwego ruri mu nzibacyuho rudafite ubuyobozi bwemewe. Ababirebera ku ruhande basanga haba hari izindi mbaraga zisunikira uru rwego mu byemezo ruri gufata.

Impungenge ku rwego rw’abanyamakuru bigenzura n’uburyo rutangiye kugaragara no gukora nk’urwego rw’ubucamanza, byatuma wibaza niba koko abanyamakuru bazakomeza kurwibonamo nk’urwego rwabo rwo kwigenzura kinyamwuga cyangwa se nk’urwigenzura nka rumwe mu nzego z’ubutabera, mu gihe imbaraga n’ububasha byarwo byibazwaho muri iki gihe rwifitemo ibibazo ubwarwo.

Ingaruka z’ibihano bisa nk’ibitagamije gukebura no kunga, bigaragara nk’ibigamije indonke, bishobora kugira ingaruka zikomeye kuri uru rwego n’ubusanzwe rwari rutarashinga imizi muri bene rwo yewe hari n’ibitangazamakuru bimwe bisa nkaho bitarebwa narwo, byose bikaba biganisha ko uru rwego rwasigara ari urwego rutagifiwe icyizere na bene rwo.

Mu gihe uru rwego rwa RMC rwahitamo kuba umucamanza cyane kuruta guharanira ukwigenzura bw’itangazamakuru, byatuma n’imbaraga ziba nke kurushaho kuri bamwe mu banyamuryango uru rwego rwari rufite.

Ikindi ni uko mu gihe buri wese wajya aregera uru rwego ku makosa y’umwuga yakozwe n’itangazamakuru, yajya asaba indishyi zigamije amafranga agamije indoke cyangwa se bikaba ubundi buryo bw’inkoni bugamije gucecekesha itangamazamakuru.

Bituma hari ababibonamo impungenge no gutinya kuba igitangazamakuru cyacibwa amafranga y’umurengera kigafunga imiryango cyangwa bikaba byaba n’inzira yo kuzimiza neza abazacibwa amande ntibabashe kuyishyura bakaba bahabwa ibirenze amande
. Mu gihe nyamara mu ntego nyamukuru z’uru rwego rw’abanyamakuru bigenzura, kwari ukunga abagiranye ibibazo byo mu mwuga no guteza imbere itangazamakuru mu Rwanda.

Ibitekerezo biri muri iyi nkuru, bishingiye ku busesenguzi by’Ubwanditsi.

IBITEKEREZO

  • kaka Yanditse:

    bagenzi banjye njye nasomye iriya nkuru ya sabin kuri sandra pe mureke dusase inzobe yarakabije ararengera ashyiramo nagasuzuguro kageretse kukandi pe ahubwo pe nuko turi ntamunoza nahubundi byakageze ahantu kure 4m ubusa kuruta kukwangiriza ubumuntu nge sinzi sandra mubona mubinyamakuru ariko pe byarandenze nuumujenocidaire ntiyateshwa agaciro kutuya oya turabyanze pe ahubwo nibakomeza Sandra ajye munkiko zisanzwe abarege bakubitwe akandi kanyafu

  • sudi Yanditse:

    uyumunyamakuru nawe yakabije ahubwo bakagombye guhana IGIHE cg chif editor, bagahana numunyamakuru wayanditse SABINE kandi uyumunyamakuru ararengera nadahanwa nubutaha azasubira kubahanisha kuko usanga inkuruze ntakintu zubaka usibye gusebanya no kwandagaza abantu ubonako harikiba kibyihishe inyuma.yiharira abantu agakabya akanarengera,naho niba RMC ishinzwe kubakingirikibaba ntacyo nayo yaba imaze!

  • Rwandawe Yanditse:

    AHABA UBUCAMANZA NYABWO BAHANA ICYAHA CYAKOZWE KUGIRANGO KITAZASUBIRA WAKWICA UMUNTU WABIGAMBIRIYE WARANGIZA UKABYEMERA UGASABA IMBABAZI BIKARANGIRIRA AHO??

  • Muhima Yanditse:

    Abanyamakuru bo mu Rwanda ubumenyi bwabo buri hasi, igihe.com, rushyashya.net nibinyamakuru ahubwo RMC ibaya ikora yagakwiye gufunga burundu

  • bibambireba Yanditse:

    ukuri kuraryana nonese teta muhera he muvuga ko bamusebeje? kdi bizwi neza ko yatanze black check gsa hacukumburwe icyatumye bashyiraho biriya bihano 4millions kuku bamugira umwere kdi ari umunya ma futi

  • Pacifique Yanditse:

    Uuuuhhhh
    ariko njye muransetsa iyo muvuga ko RMC yarengereye!
    nonec ubundi kuki mudatekereza kuri nyampinga wigihugu mwambitse ubusa kuriya?
    ubu ninkaho abakobwa bose mwabagize ibintu ntazi uko nabyita kubera inkuru yubuswa nkiriya nkaho ntana editeur bagira.
    ubundi ni company yoc kuko ushishoje babaikoze babigambiriye.
    ahubwo na active izabarege kuko barayandagaje.
    ntasoni mukabashyigikira?

  • Adax Yanditse:

    Ariko sinzi impamvu murenganya RMC kdi arimwe mwayishyiriyeho abanyamakuru. igihe.com ibyo cyanditse cyari muri business kdi nuwo cyanditseho inkuru cyanditse kuri we na business ye.niba ibyo igihe cyakoze cyarinjije kuki mwumva ko kitaryozwa ibihuha cyanditse?plz iriya ni business ku mpande zombi.kuvuguruza ibyo cyanditse ntibikuraho isurambi cyamwambitse.kdi koko byanamuteye igihombo kuko byamwiciye izina.

  • Pamela Yanditse:

    Ese niba baravuze ko ari umwambuzi kdi akaba umunyamanyanga ibyo ndabyemera,kuko iyo ataza kuba yarambuye godfrey cg ngo amuhe blank check ntago yari gufungwa gusa bavuga ibigoramye imihoro ikarakara ese

  • Tracy Yanditse:

    ndabona abanyamakuru muri solidaires mugushyigikirana mumafuti yanyu, reka natwe abaturage tube solidaires mukwamagana ubunyamwuga bwanyu buciriritse !! abanyamakuru bo mu Rwanda wagirango indamu zanyu mwese zishingiye kuri byacitse akenshi nakenshi ugasanga ibinyoma mwihimbiye kubera inyungu mubifitemo cyangwa mwasabwe gukora nyuma yo kubaha ruswa n ibindi bimeze nkayo .

    kuki ntanumwe twigeze tubona yamagana iriya nkuru mbere yuko Teta ajyana ikirego ? kuki mutagiriye inama Sabin mugenziwanyu ngo mumusabe kujya yandika ibifasha abantu aho kwandika ibyo kubatesha agaciro kandi anababeshyera ??? ngo millioni 4 ni nyinshi ??? agaciro k umuntu mwebwe mugapimira kuri angahe ??? ahubwo Teta aritonda iyaba arijye banditse kuriya ngo barebe aho tuzagera !!!

    mube abanyamakuru bihesha agaciro ibindi by amateshwa yanyu mubireke kuko bituma tubafata nkabanyamwuga baciriritse nabi cyane !!!

  • Faty Yanditse:

    kwibaza biremewe, reka nanjye nibaze : Ni iki cyaba cyarasunitse Sabin Murungi gusebya no kwandagaza Teta Sandra muburyo buteye isoni n agahinda ????

  • 1 | 2 | 3

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza