Kwamamaza

OPINIONS

Kubera iki Perezida KAGAME kuyobora; indi myaka 7 nyuma ya manda ya 2?

Yanditswe

kuya

na

Editor1
Kubera iki Perezida KAGAME kuyobora; indi myaka 7 nyuma ya manda ya 2?

-* Manda y’imyaka 7 si manda y’umuntu ni manda y’ibikorwa

  • Ntibibujijwe ko n’abandi bazitoza, ufite gahunda nziza uzanayishyira mu bikorwa atorwe

Nyuma y’aho Inteko Ishinga Amategeko/ Umutwe w’abadepite yemeje umushinga w’Ivugururwa ry’Itegeko nshinga, ugomba kwemezwa na Sena mbere y’uko utorerwa muri Referandumu, benshi bakomeje kugaruka ku ngingo ya 172 aho iha Uburenganzira Perezida Uriho mu gihe cy’iri vugururwa, ububasha bwo kongera gutorerwa indi manda y’imyaka 7 nyuma yo gusoza manda ebyiri yemererwaga n’Itegeko Nshinga.

Nubwo nyuma y’Itorwa ry’umushinga w’iri tegeko habayeho ikiganiro n’abanyamakuru mu Nteko asobanura ibirebana n’iyo ngingo ya 172, ntibyabujije ko amasaha make nyuma yaho aviriye muri icyo kiganiro, Perezida w’Umutwe w’abadepite Mukabalisa Donatille ajya gusobanura kuri Televiziyo y’igihugu ibijyanye n’imyaka 7 y’inzibacyuho izatangirana nyuma ya Manda ya 2 ya Perezida wa Repuburika uriho izarangira muri 2017.

Honorable Mukabalisa Donatille asobanura ko manda z’umukuru w’igihugu zavanywe ku myaka 7 zigashyirwa kuri 5 yongerwa rimwe gusa. Mukabalisa avuga ko ariko mbere y’uko hari ingingo z’inzibacyuho harimo iya 172 ivuga ko mbere y’uko hazacamo manda y’imyaka 7, ari nayo ikuraho inzitizi Perezida uriho mu gihe cy’iri vugururwa (Perezida Kagame) kuba yakongera kwiyamamaza, ndetse na nyuma yayo akaba yakubahiriza ibiri mu ngingo y’101, bivuze ko yabasha kuyobora imyaka 17 nyuma ya 2017 nta nzitizi.

Kuki Perezida KAGAME, kuyobora indi myaka 7?

Abajijwe n’umunyamakuru impamvu bashyizemo imyaka 7 y’inzibacyuho nyuma ya 2017, mu gihe kandi Itegeko Nshinga rizaba ryaramaze gutorwa, niba bitarakorewe umuntu umwe.

Mu gusubiza, Honorable Mukabalisa yavuze ko hafi y’amategeko yose ari mu magazeti ya Leta agira ingingo z’inzibacyuho, kandi agira icyo bita portee general, bityo iri Tegeko Nshinga rikaba ritarashyiriweho Perezida Kagame dore ko ataranatanga igisubizo cy’uko azemera kwiyamamaza nyuma ya 2017.

Mukabalisa ntahakana ko bimwe mu byashingiwe muri iyi ngingo harimo ubusabe bw’abaturage.

Ati:"...abaturage badusabye byinshi harimo gukuraho inzitizi zari mu ngingo y’101 zabuzaga Perezida Kagame kuba yakwiyamamaza. Badusaba ko Nyakubahwa Perezida Kagame yabemerera gukomeza kubayobora, icyo ngirango ntaragitangaho igisubizo"

Aha ni ho Perezida w’Umutwe w’abadepite ahera avuga ko imyaka 7 nyuma ya 2017, atari imyaka ya Perezida KAGAME ahubwo ari imyaka y’ibikorwa, kugira ngo ibyatangijwe bisohozwe.

Honorable avuga ko nubwo ibi bisa n’ibiha amahirwe Perezida Kagame yo kongera kuyobora imyaka irindwi, bitazabuza n’abandi kuba bakwiyamamaza ngo kuko bitashyiriweho Kagame wenyine.

Mukabalisa ati : "..uzajya kwiyamamaza akaba afite gahunda bashima, bazatora akaba ashyira mu bikorwa gahunda bamutoreye azatorwa..., ntago ari ukuvuga ngo ni umuntu ni ibikorwa azamarira abaturage

Muri ibyo bikorwa Honorable Mukabalisa avuga byatangijwe birimo EDPRS 2, Vision 2020, Mituel de Sante. Gusa uyu muvugizi w’Inteko Ishinga Amategeko avuga ko nyuma y’iyi myaka igihugu kizaba kimaze kugira stabilite (gutuza) bityo bakaba basubira kuri gahunda y’imyaka 5.

Si manda ya Perezida gusa yorohejwe

Nkuko Honorable Mukabalisa akomeza abisobanura si Manda ya Perezida wa Repuburika yavanyweho inzitizi gusa kuko na Perezida na Visi Perezida b’Urukiko rw’Ikirenga yavanywe ku myaka 8 igashyirwa kuri 5 ishobora kongerwa rimwe gusa.

Bitandukanye ni uko byari bisanzwe aho Perezida na Visi Perezida b’urukiko rw’ikirenga yamaraga imyaka 8 itashoboraga kongerwa.

Bivuze ko Perezida w’Urukiko rw’Ikirenga ari na we warahizaga Perezida wa Repuburika, nyuma y’umwaka umwe yahitaga asoza manda ye, ari kuri ubu si ko bimeze.

Ingingo ya 169 ivuga ko Perezida w’Urukiko rw’Ikirenga na Visi Perezida bariho mu gihe iri Tegeko Nshinga rivuguruwa bariho bakomeza manda zabo bashyiriweho.

ibi bizaha amahirwe Sam Rugege na Zainabu Kayitesi amahirwe yo kuba bakongera kugaruka muri iyi myaka nyuma ya Manda yabo, mu gihe cyose Iteka rya Perezida wa Repuburika ryaba ribashyizeho nkuko biteganywa n’ingingo y’151 y’uyu mushinga.

Abandi bahawe amahirwe ni abagize umutwe wa Sena, batorerwaga manda imwe y’imyaka 8 idashobora kongerwa ariko kuri ubu, imyaka 8 yashyizwe ku myaka 5 ishobora kongerwa.

Twishimiye ko twubahirije ibyo abaturage badusabye...

Mu izina ry’Umutwe w’abadepite, Honorable Mukabalisa avuga ko bishimiye ko bubahirije ibyo abaturage babasabye birimo kuvugurura ingingo y’101 no kureba izindi ngingo.

Gusa uyu mushinga w’Ivugururwa ry’Itegeko Nshinga ugizwe n’ingingo 177, uzashyikirizwa Umutwe wa Sena mbere y’uko utorwa n’abaturage muri Kamparampaka.

Tubibutse ko inkundura y’ivugurwa ry’Itegeko Nshinga yatangiye nyuma y’aho abaturage bagera kuri Miliyoni 3,7 bagejeje amabaruwa ku Nteko Ishinga Amategeko basaba ko ingingo ya 101 yavugururwa kugira Perezida Paul Kagame ahabwe amahirwe yo kongera kuba yayobora abanyarwanda bakimushaka.

Ese ingingo nk’iyi irasanzwe mu yandi mategeko Nshinga

Nubwo nta bushakashatsi bwimbitse bwakozwe ku mategeko nshinga shinga menshi y’ibindi bihugu, ariko hari aho byakozwe mu gihugu cya Tunizia, aho ingingo isa nk’iyi ya 172 yigeze gushyirwa mu Itegeko Nshinga rya Tunisia ryo muri 1861 ryavuguruwe muri 1959, aho abaturage bari bakunze Perezida wabo Habibu Bourgiba kugira ngo azababere Perezida w’ibihe byose kubera aho yari amaze kubageza.

Uyu Habib Bourgiba yabaye Perezida w’agateganyo wa Tunisia kuva 1957-1959, nyuma yo kuvugurura itegeko nshinga atorwa ku buryo bwemewe n’Itegeko nshinga aba Perezida wa Repuburika 1959- 1975.

Muri 1975 yemejwe nka Perezida w’abanyatuniziya w’ibihe byose (President for Life) bishyirwa mu itegeko, aho intege nke z’umubiri zatumye ava ku butegetsi muri 1987 mbere y’uko yitaba Imana ku myaka 96, tariki ya 06 Mata 2000, ariko muri icyo gihe cyose akomeza guhabwa icyubahiro n’abanya-tunizia.

IBITEKEREZO

  • EAC Yanditse:

    HAHAHAHAH uziko musetsa Ngo kubera iki President Kagame yayobora indi Manda nyuma ye2 hahaaah sha urwo ni uruca abana kabisa Igisubizo ni UKO ABISHOBOYE.Amen

  • EAC Yanditse:

    HAHAHAHAH uziko musetsa Ngo kubera iki President Kagame yayobora indi Manda nyuma ye2 hahaaah sha urwo ni uruca abana kabisa Igisubizo ni UKO ABISHOBOYE.Amen

  • EAC Yanditse:

    HAHAHAHAH uziko musetsa Ngo kubera iki President Kagame yayobora indi Manda nyuma ye2 hahaaah sha urwo ni uruca abana kabisa Igisubizo ni UKO ABISHOBOYE.Amen

  • Mugisha Emmanuel Yanditse:

    Abaturage nanjye ndimo dufite uburenganzira bwoguhiyamo ibitubereye, abantu ntibabona kimwe kimwe nuko hari indashima, reka abashimwe cg abareba kure twihitiremo kandi duhabwe uburenganzira

  • Kamanayo Yanditse:

    @NIZEYIMANA
    Ni nde wakubwiye ko HE P.K ayobora abanyarwanda kubera ko bamushaka? Atangira intambara muri 1990 bari bamutoye? Abategeka kuko we ubwe abishaka. Naho bamutora matamutora byose ni kimwe, yabategeka kugeza igihe azashakira.

  • Nizeyimana Yanditse:

    ndashaka gusubiza uwabajije ngo kubera iki President Kagame imyaka 7 nyuma yamandat ebyeri? Kugeza ubu HE Kagame ntawuzi ko azemera kwiyamamaza, ikindi abanyarwanda nibatamushaka ntibazamutora, bazaba baramubeshaka ngo aruhire ubusa yiyamamza, natorwa naho azaba yemerewe nkibyo undi wese wari butorwe, ndakwibutsa ko Kagame ari abanyarwanda bashaka ko ayobora siwe ubushaka kandi yakabaye anabifitiye uburenganzira kuko arwana atanga amaraso ye, asonza ntawundi twabonye yakwitangira igihugu.

  • - Yanditse:

    Kosora iyi nteruro: ubwo nta bushakashatsi bwimbitse ku yandi mategeko Nshinga, ariko ingingo isa nk’iyi yigeze gushyirwa mu Itegeko Nshinga rya Tunisia ryo muri 1861 ryavuguruwe muri 1959, aho abaturage bari bakunze Perezida wabo Habibu Bourgiba kugira ngo azababere Perezida w’ibihe byose kubera aho yari amaze kubageza.

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza