Yorohereje inzego z’umutekano kumufata kubera ko asa na Christiano Ronaldo

Umusore yatawe muri yombi byoroshye nyuma y’uko isura ye isa bya hafi n’iy’umukinnyi w’ikirangirire ku isi Christiano Ronaldo.

Uyu musore usa n’umukinnyi Christiano Ronaldo na mugenzi we bagejejwe mu rukiko kuwa Mbere w’iki cyumweru bashinjwa kwinjirira urugo rw’abandi bagamije kwiba.

Tahir Lani na Ndreke Cezmja bafite ubwenegihugu bwa Albaniya, bafashwe nyuma yo gutera urugo rw’umuturage mu gace ka Saint-Max mu i Nancy.

Ubwo nyir’urugo yabarabukwaga, bahise biruka banyura mu idirishya bagenda bibwira ko nta wababonye.

Nyir’urugo yahise abimenyesha polisi, anavuga ko umwe muri bo asa n’umukinnyi Christiano Ronaldo nkuko 7Sur7 yabitangaje.

Baje gufatwa ariko bo bakavuga ko batari bagiye kwiba ahubwo bari bagiye gushaka aho baryama.

Umushinjacyaha yabasabiye gufungwa umwaka kubera kwinjira mu rugo rw’abandi nta burenganzira bagamije kwiba.

Yisangize Inshuti.

Ibitekerezo

Tanga Igitekerezo