Kwamamaza

UTUNTU N’UTUNDI

Yarapfuye, arashyingurwa nyuma umurambo we bawusanga mu rugo rw’ukekwaho kumwica

Yanditswe

kuya

na

Mugemanyi Jean Paul
Yarapfuye, arashyingurwa nyuma umurambo we bawusanga  mu rugo rw’ukekwaho kumwica

Mu gihugu cya Afurika y’Epfo mu gace ka Limpopo haravugwa amakuru y’umugabo witwa Mike Gushe uherutse gupfa nyuma y’iminsi mike bamushyinguye bakaba baraje gusanga isanduku bamushyinguyemo mu rugo rwa mugenzi we bari baturanye wakekwagaho kumwica.

Mu cyumweru gishize uyu mugabo Mike Gushe nibwo yatakaga avuga ko arwaye mu gifu gusa nyuma y’amasaha make ni bwo yahise apfa, iby’urupfu rw’uyu mugabo byaturutse ku baturanyi be batishimiye uburyo yari umugabo w’umutunzi ndetse akaba yari aherutse gutsindira ibihembo muri iki gihugu mu kwezi kwa Nyakanga.

Byavugwaga ko mbere y’uko apfa yarimo asangira inzoga na bamwe mu nshuti ze za hafi gusa ngo izi nshuti ze zaje kugenda asigara anywa wenyine.

Nyuma y’uko uyu mugabo amaze inzoga yanywaga yaje kuribwa mu nda biba ngombwa ko ataha ajya mu rugo akigerayo yahise aryama akanya gato nyuma y’igihe gito yaje gupfa.

Imihango yo gushyingura yaje kuba maze umuryango wa Gushe uramushyingura mu cyubahiro gusa uyu mugabo we n’ubwo bamushyinguye ntiyigeze agenda kuko yashakaga kumenya ko uwamwishe yajyanywe mu butabera.

Bamwe mu babibonye bavuga ko isanduku ya Mike yavuye mu mva ikajya mu rugo rw’inshuti ye wakekwagaho kumwica, ababibonye kandi bavuga ko isanduku yari iremereye cyane ku buryo abagabo 6 bafite imbaraga batashoboraga kuyikura hasi.

Ibi byabaye ubwo umukuru w’aka gace yagiraga inama Josam inshuti ya Gushe kuba yakwemera amakosa yakoze akanasaba imbabazi, yakomeje kwanga gusaba imbabazi gusa aza kubyemera ko ari we waroze inzoga Mike yanyweye bwa nyuma kubera yari amaze kwigarurira abakobwa bose b’ako gace nyuma y’igihembo yari amaze gutwara.

Nyuma y’uko Josam washinjwaga kwica Gushe yemereye ko ari we wamwishe, Mike yaje kongera arashyingurwa, maze umuryango wa Mike utegeka Josam gutanga indishyi y’akababaro ingana n’inka 13 hamwe n’ihene 8 gusa Josam akaba yaravuze ko atahita abona ubushobozi bwo kwishyura ibi byose maze yishyura inka 3 n’ihene 1 ibindi yemera ko azabyishyura bitarenze ukwezi k’Ukuboza 2016.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza