Ujya ubura ibitotsi kubera guhangayika? Dore inama nziza zagufasha guhita usinzira

1

Akenshi iyo umuntu afite ikintu runaka kimuhangayikishije abura ibitotsi, yaryama ntasinzire. Hari inama nyinshi dusanzwe tumenyereye zagufasha kwirinda kubura ibitotsi nko: kwirinda kunywa ikawa mu masaha ya nimugoroba,kwirinda kureba televiziyo mbere yo kuryama byibura isaha imwe , kurya ibintu byoroshye kandi bike mbere yo kujya kuryama nijoro. Ibi hari abantu bamwe na bamwe bifasha ariko hari n’abandi bitagira icyo bimarira kubera ko baba bafite ibintu bibahangayikishije.

Niba rero ugiye kuryama ukabura ibitotsi kubera ubwoba cyangwa uhangayitse dore bimwe mu byo wakora ukabona ibitotsi:

1. Andika ibiguhangayikishije

Akenshi hari igihe ibitekerezo bigutwara bikaba byanakubuza gusinzira, gusa akenshi si uko biba binahangayikishije cyane ahubwo nuko ukomeza gutekereza uko uzabikora. Akenshi nk’iyo umuntu arimo guteganya gukora ibintu runaka usanga iyo ageze mu buriri ahita atekereza kuri icyo gikorwa ateganya maze agatangira gutegura gahunda mu bwonko, akibaza ikizabanziriza ikindi, ugahera muri ibyo ...

Aho kugirango bikomeze kuguhangayikisha rero jya ubyuka uve mu buriri ufate urupapuro n’ikaramu wandike ibintu byose uri gutekereza kuri gahunda cyangwa ingingo runaka, ibi bizagufasha kuruhura ubwonko. Nibyanga ufate urwo rupapuro wanditseho ibiguhangayikishije bitari byiza ukabike ahantu mu gasanduku ibi bizagufasha kumva utuje kugeza bukeye uruhuke neza muri iryo joro.

2. Irinde kuguma mu buriri igihe wabuze ibitotsi

Abashakashatsi benshi mu by’ubuzima berekanye ko atari byiza kuguma mu buriri igihe udasinziriye wabuze ibitotsi, Batanga inama ko igihe ugiye kuryama ukamara iminota 20 utarabona ibitotsi aho gukomeza guhatiriza wabyuka ugashaka ikintu ukora kikaba kikurangaza bityo ubwonko nabwo bukaba bunanirwa ku buryo bigera aho ibititsi bikizana.

3. Gerageza ukore nkaho udashaka gusinzira

Akenshi iyo umuntu ahuze afite byinshi ahugiyemo arimo gukora ibitotsi bikunze guhita byizana ahanini utanabishaka, gerageza kwereka ubwonko bwawe ko udashaka gusinzira ufungure amaso uterekeze ku bintu bigushimisha, n’ibindi byagenze neza mu minsi yashize ukabyishimira. Ibi na byo binaniza ubwonko ugahita ushaka gusinzira ako kanya.

Yisangize Inshuti.

Ibitekerezo 1

Tanga Igitekerezo