Uganda:Umwarimu yafashwe akorera ikizami umwana w’umuyobozi w’ikigo

Abarangije umwaka wa Kane muri Uganda bari mu kizamini cya Leta

Umwarimu yafashwe akorera ikizami umwana w’umuyobozi w’ishuri mu bizami bisoza icyiciro cya mbere cy’amashuri yisumbuye muri Uganda.

Uwo mwarimu wo muri Rwenzori yafatiwe ku kigo cya Merry Land Modern SS ahakorerwaga ibizami, basanga yicaye akorera ikizami umwana w’umuyobozi w’ikigo.

Polisi yo muri ako gace yabwiye ikinyamakuru Daily Monitor ko uwo mwarimu wafashwe yambaye impuzankano yo kuri icyo kigo, ngo yari yishyuwe ngo aze gukorera ikizami cy’ubuhinzi umwe mu banyeshuri.

Uyu mwarimu w’umugore, Polisi yavuze ko yivugiye ko yari yasezeranyijwe ko azishyurwa ibihumbi 500 by’amashilingi ya Uganda.

Kugeza ubu umunyeshuri, umwarimu n’umuyobozi w’ishuri bose bafunzwe bakekwaho uburiganya no kwiyitira uwo amazina atari ayabo.

Yisangize Inshuti.

Ibitekerezo

Tanga Igitekerezo