UK: Yamaze imyaka ibiri asambanywa na se, akanamwita umugore we

6

Emma Burt ubwo yari afite imyaka 15

Emma Burt wo mu gihugu mu mujyi wa Powys muri Wales mu bwami bw’Abongereza, yatanze ubuhamya bw’ukuntu yamaze imyaka ibiri asambanywa na se nyuma yo kumuha ibiyobyabwenge.

Uyu mugore w’imyaka 19 n’umwana umwe, avuga ko yatangiye gufatwa ku ngufu na se ubwo yari afite imyaka 15.

Mu mwaka wa 2012 ngo nibwo yavuye kwa nyina wari waramaze gutandukana na se , yisangira se umubyara witwa Christopher Wayne Edwards w’imyaka 40.

Nkuko Ikinyamakuru The Mirror kibitangaza, ngo Emma yatangiye gusambanaywa na se ubwo yari ahamaze ukwezi kumwe.

Avuga ko se Edwards yacungaga Emma agiye gusinzira, maze akamuha ibiyobyabwenge birimo urmogi na Cocaine ubundi akamusambanya atumva.

Ngo Edwars yasambanyaga umukobwa we buri munsi, yarangiza akamwifotorezaho bambaye ubusa.

Ngo yajyaga anamubwira ko ari we mugore we nyakuri, kandi ko niyibeshya agatoroka azamugirira nabi.

Uyu mugore w’uruhinja rw’ibyumweru bitatu yabyaranye n’undi musore bakundanye, avuga kubera uko ibiyobyabwenge byari byamaugize, ngo yumvaga ibyo se akora ntacyo bitwaye.

Yajyaga kwiga rimwe na rimwe ubundi akirirwa mu rugo asambana na se.

Kubera ubuzima yari abayemo, ngo yigeze no gusimbuka ikiraro yinaga mu mazi, icyo yibuka nuko yibonye atwawe n’imbangukiragutabara imujyanye kwa muganga.

Emma yaje kugira amahirwe yo gutoroka muri 2014 ubwo yari afite imyaka 17.Yacunze ku jisho se n’abandi bari bitabiriye ibirori by’umuryango ahita atoroka, nyuma baza kumushakisha bifashishije Polisi ari nabwo yayibwiraga ibyamubayeho.

Se yaje gufatwa muri Mata uyu mwaka akatirwa gufungwa imyaka 12 azira gusambanya umwana ku gahato no kumuha ibiyobyabwenge.

Emma avuga ko nyuma yo kumva ko se yafunzwe yahise yifuza kubitangaho ubuhamya, ngo bibere isomo n’abandi bose.

Kuri we, ngo nta mugabo wo kwizerwa, ngo kuko ibyo yakorewe na se wamwerekaga ko amukunda, nta cyamwizeza ko abandi nabo batabikora.

Emma n’umwana we umaze ibyumweru bitatu

Edwards se wa Emma wafunzwe azira gusambanya umwana we

Yisangize Inshuti.

Ibitekerezo 6

Tanga Igitekerezo