Imwe mu mijyi ku isi ishobora kurengerwa n’amazi burundu

Ibihe biragenda bihinduka ku isi.Imyuzure n’amapfa birasimburana hirya no hino.Amazi y’inyanja ari kurenga inkombe zayo, agasatira ubutaka.Intandaro ya byose, ni ukwangiza ibidukikije, kutabyitaho n’ibyuka bihumanya ikirere byoherezwa mu kirere umunota ku wundi.

Zimwe mu ngaruka za vuba zo kwangirika kw’ibidukikije, ni imijyi myiza kandi yari ikomeye ishobora kuzarengerwa n’amazi vuba aha.

Urubuga MSN, rwagaragaje urutonde rw’imijyi ishobora kurengerwa n’amazi Burundi mu myaka mike iri imbere.

1.Amsterdam, Ubuholandi

Uyu murwa mukuru w’Ubuholandi uri ku Nyanja y’Amajyaruguru (North Sea) ukaba ufite ibyago byinshi byo kuzibasirwa n’imyuzure.Amazi y’inyanja ashobora kuzaba yiyongereyeho kimwe cya kabiri cya metero mu mwaka wa 2070.Hari impungenge ko uyu mujyi niba gikozwe, ayo mazi azawurengera ukibagirana burundu.

2.Alexandria, Misiri

Uyu mujyi minini ukora ku Nyanja mu Misiri, uri hafi y’inyanja ya Mediteranee.Utuwe na miliyoni nyinshi z’abantu n’imitungo yabo itabarika.

Iyo amazi y’inyanja yiyonereyeho kimwe cya kabiri cya metero, uyu mujyi wugarizwa n’imyuzure.Hari ikibazo ko umunsi amazi aziyongeraho metero n’igice, uwo mujyi uzarohama ukibagirana burundu.

3.Tokyo, Ubuyapani

Uyu mujyi kuva mu myaka ya 1960, buri mwaka wikagaho (kwiika) santimetero 10, ubuyobozi bubibonye bufata ingamba ariko haracyari ikibazo kuko n’ubu santimetero imwe irika buri mwaka.

4.Dhaka, Bangladesh

Uyu mujyi kubera amazi yo munsi yawo ariyo avomwa akoherezwa mu baturage bagakoresha, byatumye utangira kwika, hakaba hitezwe ko ushobora kuriduka isaha n’isaha.

5.Bangkok, Thailand

Ibikorw aremezo, inzira zo munsi y’ubutaka..muri uyu mujyi byarangiritse cyane kubera kwika.Bivugwa ko n’ubusanzwe uyu mujyi uri munsi y’urugero rw’inyanja, ndetse ngo buri mwaka sentimetero 3 zirika ndetse hari n’ibice by’uwo mujyi byika ku kigero kiri hejuru.

6.Miami, USA

Uyu mujyi usa n’uzengurutswe n’amazi. Uri mu mijyi iteye impungenge cyane ko ishobora kwibira.Leta yashyizeho ingamba zo gukikiza uwo mujyi imihanda ishobora gukumira amazi kwinjira.

7.Venice, Ubutaliyani

Uyu mujyi kuva mu kinyejana cya 2o ngo umaze kwibiraho santimetero zigera kuri 20.Ubushakshasti bwagaragaje ko ivomwa ry’amazi uwo mujyi ukoresha akavanwa mu nda yawo ari bimwe mu byatumye uwi mujyi ugenda wika.Ukunze guterwa n’imyuzure ya hato na hato.

8.New York, USA

Uyu mujyi uri mu bibazo byo kurengerwa n’amazi kubera urugero rw’amazi y’inyanja rukomeza kwiyongera.Impuguke zagaragaje ko uyu mujyi amazi awukikije ashobora kuziyongera ku kigero cya metero n’igice mu mwaka wa 2100.

9.Mexico, Mexique

Kubera imihindagurikire y’ibihe, uyu mujyi wagiye uhura n’ibibazo byo kubura amazi, bituma hakoreshwa uburyo bwo kuvoma ayo munsi y’ubutaka, ugenda wika gahoro gahoro. Bivugwa ko ku mwaka sentimtero eshanu zika.

10.Manilla, Phillipines

Kubera imihindagurikire y’ibihe, urugero rw’amazi y’inyanja rwariyongereye hafi y’uyu mujyi. Ibikorwa byo gushakisha amazi munsi y’ubutaka nabyo byatumye ugenda wika.

Yisangize Inshuti.

Ibitekerezo

Tanga Igitekerezo