Havumbuwe uburyo bushya bwo gusuzuma Malaria hifashishijwe umwuka duhumeka

Abashakashatsi bemeje ko bamaze kuvumbura uburyo bushya bwo gusuzuma indwara ya Malaria hifashishijwe umwuka duhumeka mu rwego rwo kugabanya impfu z’abantu bahitanwa n’iyi ndwara.

Uburyo bushya bwo gusuzuma indwara ya Malaria hifashishijwe umwuka duhumeka, bushobora gusimbura burundu ubwari busanzwe bwo kuyisuzumira mu maraso y’umurwayi bivugwa ko bwari bugoranye kandi buhenze.

Abashakashatsi bavuga ko umwuka umuntu urwaye Malaria ahumeka, uba umeze kinwe n’uwukurura imibu y’ingore itera Malaria.

Prof. Audrey Odam John na bagenzi be babwiye BBC dukesha iyi nkuru ko ubu buryo ari bwo bwa mbere buhendutse bugiye kwifashishwa mu gusuzuma no guhangana na nk’indwara yugarije Isi cyane cyane abatuye munsi y’ubutayu bwa Sahara.

Ubushakashatsi bwo gusuzuma Malaria hifashishijwe umwuka duhumeka, bwakorewe ku bana 35 bari barwariye mu gihugu cya Malawi, gusa ibisubizo byagaragajeko 29 muri bo ari bo bahuza n’ukuri ku byari byitezwe bingana na 83%, ijanisha rikiri hasi cyane kugira ngo ubu buryo bube bwakemerwa gukoreshwa burundu.

Abashakashatsi bavuga ko bahisemo kwiga kuri ubu buryo nyuma yo gusanga gusuzuma malaria mu maraso bihenda, ariyo mpamvu bahisemo kwiga ku kuba basuzuma umuntu indwara ya malaria binyuze mu mwuka umurwayi ahumeka kuko byoroshye kandi bikaba bihendutse.

Alexis Bikorimana

Yisangize Inshuti.

Ibitekerezo

Tanga Igitekerezo