Dore urutonde rw’ibiribwa 6 bituma ubwonko butakaza ubushobozi

9

Mu buzima bwa buri munsi usanga abantu barya cyangwa bakanywa ibintu bakurikiyemo uburyohe bwabyo cyangwa ibyo bamenyereje imibiri yabo bityo bikaba byabaviramo ingaruka itari iyo kubyibuha gusa nkuko byakunze kugaragara, kunanuka, indwara z’ibikatu bya hato na hato ahubwo byagaragaye ko hari n’ibiribwa cyangwa ibinyobwa bishobora gutera ingaruka ku mikorere y’ubwonko.

Muri ibyo biribwa twavugamo:

1.Isukari

Imikoreshereze y’isukari n’ibiyikomokaho cyangwa ibindi bintu bifite isukari igihe kirekire, bishobora gutuma umuntu agenda atakaza ubwenge gahoro gahoro nuko byatangajwe mu bushakashatsi.

Isukari rero ngo iyo ibaye nyinshi mu mubiri ituma imiyoboro igana ku bwonko iziba cyangwa igahura n’utubazo bityo bikaba byabuteza ibibazo.

Aha abashakashatsi bakomeza bavuga ko ibyiza ari ugukoresha isukari y’umwimerere (iva mu bimera) nk’ibisheke, beterave, ibijumba, ibigori n’ibindi kuruta uko bikoreshwa byabanje guca mu nganda kuko iba ikize ku bwoko bw’isukari izwi nka fructose.

2.Alcool

Alcool ntabwo iboneka mu binyobwa gusa nk’uko abantu bakunze kubyibwira ahubwa byagaragaye ko inyinshi iboneka mu biribwa.

Ibiribwa rero cyangwa ibinyobwa bifite alcool bikaba nabyo ari bimwe mu bituma ubwonko bunanirwa cyangwa budakora neza. Indwara iterwa n’ibi biribwa cyangwa ibinyobwa ituma ubwonko bw’umuntu ahorana guhuzagurika cyangwa kunanirwa gufata umwanzuro cyangwa amahitamo ku kintu runaka.

Ibi biribwa bituma kandi umuntu ahora mu rungabangabo rwo kumenya niba ibyo yabonye ari byo cyangwa ari inzozi bityo umuntu ngo akaba yamenya ko arwaye iyo ndwara iyo aretse kurya cyangwa kunywa ibyo binyobwa igihe runaka kuko ubwenge ngo bushobora kugaruka ku murongo.

3. Ibiribwa bijunditse amazi.

Nkuko byagaragaye mu nyigo yakorewe muri Kaminuza ya Montreal mu gihugu cya Canada, yerekanye ko ibi biribwa na byo bishobora guteza ubwonko ibibazo mu gihe biriwe ibihe kirekire.

Ikibazo giterwa n’ibi biribwa cyo gitandukanye n’ibindi kuko cyo ngo usanga gitera ibyishimo byinshi nyir’ukubirya akaba yarenza urugero bityo ugasanga afatwa nk’umusazi kuko ashimishwa na buri kintu abonye cyose no mu gihe bitari ngombwa.

Ibi biribwa nka salade, ibijumba, n’ibindi bishobora kuribwa ari bibisi, ngo bishobora guteza uburwayi mu miyoboro igana ku bwonko bityo bukaba bwahura n’ibibazo by’imitekerereze.

4.Ibiryo byokeje cyangwa bikaranze mu mavuta gusa

Amavuta yo muri ibi biribwa ngo ni mabi ku bwonko cyane cyane ku bana n’abasaza kuko ngo ubushobozi cyangwa imbaraga zo gutunga umubiri zakabonetse muri biriya biribwa ziba zangiritse kubera amavuta.

Ibi biribwa kandi ngo bifite ubushobozi bwo gutegura izindi mbaraga zirwanya ubwonko mu gihe biriwe kenshi bitewe n’amavuta aba abirimo.

5.Ibiribwa byabanje guca mu nganda mbere yo gutekwa.

Ibi biribwa kimwe n’ibyari bimaze kuvugwa hejuru ngo bifite ubushobozi bwo gutera indwara y’ubwonko yitwa (Alzheimer’s disease) bitewe nuko hari ubundi bubasha biba byavanye mu nganda bityo bikaba biba byatakaje kamere yabyo.

Muri ibyo biribwa harimo nk’umunyu w’urugera, isukari, ifu y’ibinyampeke bitandukanye n’ibindi.

6.Ibiryo birimo umunyu mwinshi

Ubusanzwe umunyu mwinshi ugira ingaruka ku mubiri ariko izizwi cyane zikaba iz’umutima.

Ubushakashatsi rero bwerekanye ko ibiryo birimo umunyu mwinshi bigira ingaruka ku mitekerereze y’umuntu bitewe n’ubushobozi bubamo butuma habaho gukamuka kwa bimwe na bimwe byari bifite amazi.

Byakuwe ku rubuga newsbyteafrica.com

Yisangize Inshuti.

Ibitekerezo 9

  1. MBERE YA BYOSE NDAGUSHIMIYE KU BWUMUHATE WAGIZE WO GUSOMA KURI WEB SITE UKADUSANGIZA IBYO WASOMYE KOMEREZAHO NSHUTI,INGARUKA IBYO BYOSE MWAVUZE ZO NINYISHI URETSE IMANA NIYO ITURINDA IHABWE ICYUBAHIRO,IYO UKORESHEJE IBIRIBWA BYATUNGANIRIJWE MU NGANDA IGIHE KIREKIRE NINAKO IMINSI YO KUBAHO UBA UYIGABANYA,UMUBIRI UGENDA UCIKA INTEGE,INDWARA ZIKABA URUHURIRANE,KUBERAKO UMUBIRI UBA WABAYE INACTIVE UDASHOBOYE,IBYIZA NUKUNYURANYA NIBIRIBWA BIGIFITE UMWIMERERE(NATURALITY)MURAKOZE SHALOOM KURI MWESE

Tanga Igitekerezo