Bwa mbere, havumbuwe urukingo rurwanya ubutinganyi

Abashakashatsi bo mu ishuli rikuru ry’ubuvuzi rya Nerson Mandela School mu gihugu cya Afurika y’Epfo bakoze urukingo rufite ubushobozi bwo kurwanya ubutinganyi binyuze mu guhindura imwe mu misemburo ituma habaho gukururana hagati y’abahuje ibitsina (attraction).

Nk’uko amakuru dukesha Mzansistories aravuga ko, uru rukingo rushya rukoresha uburyo bw’ikoranabuhanga mu guhindura ADN hasohorwa imisemburo ituma habaho gukururwa n’uwo muhuje igitsina ari byo bitera ubutinganyi.

Ubu bushakashatsi bwo guhindura ADN hagabanywa uburyo bwo gukururana hagati y’abahuje ibitsina bwabanje gukorerwa ku mbeba, byagaragaye ko mu gihe imbeba uyiteye urukingo rumwe bigabanya gukururana hagati y’izihuje ibitsina ku kigero cya 90% nk’uko byemejwe na Dr Nasser Zolfaghar akaba n’umwarimu muri iri shuli ryigisha iby’ubuganga rya Nerson Mandela School.

Dr Nasser Zolfaghar wanakoraga muri kaminuza ya Havard mu gashami gashinzwe ibijyanye n’imyororokere n’imikurire y’umuntu yagize ati: "Ubwo twakoraga igerageza ku mbeba ku nshuro ya mbere byahise byigaragaza, ubu hasigaye kurugerageza ku muntu, muri Afurika y’Epfo honyine byari kuzafata imyaka n’imyaka hakorwa ubu bushakashatsi mu ma laboratoire atandukanye, ni ibyo kwishimirwa."

Dr Nasser yatangaje ko yifuza ko ku ikubitiro uru rukingo rwatangira kugurishwa mu gihugu cya Zimbabwe kubera ko ari ho hashyizweho itegeko rihana abatinganyi, bityo ivumburwa ry’uyu muti rikaba ryishimiwe cyane muri iki gihugu cya Zimbabwe.

Umuvugizi wa Minisiteri y’ubuzima muri Zimbawe mu kwishimira uru rukingo yatagize ati: " Mu gihugu cyacu ntabwo dushishikariza abantu kugira imico y’ubutinganyi kimwe na Afurika y’Epfo, igihugu cyacu cyishimiye bikomeye ivumburwa ry’uru rukingo, birashimishije kandi Minisitiri w’ubuzima Dr David Perirenya yizeje ubufatanye mu igeragezwa ry’uru rukingo muri iki gihugu ku ikubitiro."

Mu gihe bageragezaga uru rukingo ku mbeba byagiye bizigiraho ingaruka zikomeye zirimo ubushyuhe bukabije, gufatwa n’indwara zijyanye n’ubuhumekero kimwe n’imfu za hato na hato. Gusa Minisitiri w’ubuzima wa Zimbabwe ngo ibyo bibazo byagaragaraye mu igeragezwa ry’urwo rukingo ngo ntibizababuza kurugeragereza ku batinganyi babo.

Minisitiri w’ubuzima muri Zimbabwe Dr David Perirenya yagize ati: " Turumva ingorane zagiye ziba mu ikorwa ry’uru rukingo, gusa turacyafite ubushake bw’uko uru rukingo rwageragerezwa mu gihugu cyacu mu minsi ya vuba."

Ni ku nshuro ya mbere uru rukingo rukoreshejwe mu guhagarika imisemburo ku buryo bwa burundu nyuma yo kuvuka, iyo ukoresheje uru rukingo cyane bigabanya imisemburo ituma umuntu akururwa n’uwo bahuje igitsina kandi ibi bikaba byakorwa ku kigero cya 90% ku bisekuru bibiri cyangwa bitatu.

Yisangize Inshuti.

Ibitekerezo

Tanga Igitekerezo