USA:Abahoze ari abakozi ba Obama n’umugore we bagiye gukora ubukwe butangaje

1

Kristen azaba agaragiwe na Sasha na Malia Obama

Kristen Jarvis n wahoze ashinzwe abakozi mu biro bya Michelle Obama agiye kurongorwa na Shaun West wahoze ashinzwe amabanga ya Obama .

TMZ dukesha iyi nkuru yanditse ko Barack Obama n’umugore we Michelle Obama ari bo bahuje Shaun West na Kristen Jarvis mu gihe bari abakozi babo.

Igihe ubu bukwe buzabera ntikiramenyekana ariko TMZ yatangaje ko abakobwa ba perezida Obama, Malia na Sasha Obama ari bo bazaba bagaragiye uyu mukobwa.

Ubu bukwe ngo buzaba ari butangaje kuko bishyuye ibihumbi 300 by’amadorali y’Amerika ku muntu ububategurira ndetse ngo buri kimwe kizakoreshwa muri ubwo bukwe kizaba ari icyo mu rwego rwo hejuru cyane.

Muri ubu bukwe bazasusurutswa n’abahanzi baririmba injyana ya R&B ari bo Ledisi, Eric Benet na Kenny Lattimore ndetse na DJ B-Hen uzaba ubacurangira.

Biteganyijwe ko Michelle Obama nawe azaba ari muri ubwo bukwe gusa perezida Obama we ntazabwitabira.

Kristen Jarvis n’abana ba perezida Obama

Yisangize Inshuti.

Ibitekerezo 1

Tanga Igitekerezo