Yaratunguwe ubwo yahuraga n’umukunzi we agiye koga (igice cya 14)

30

Mu gice giheruka Asinatoli umunyamakuru w’ikinyamakuru INZIRA yari yashyiriye Mateso ikinyamakuru kigaragaza Raissa akora ubukwe na George.Byaje kurangira gute?

....maze Asinatoli akigera kuri gereza Mateso asuka amarira atagira ingano ni uko aravuga ati “Nta kundi n’ubundi nari nisimbukuruje cyane gusa naramukunze kandi sinteganya kurekera aho.”

Maze uwo munsi Asinatoli abwira Mateso ati “Kuwa Mbere nibwo uzagezwa imbere y’ubutabera hano mu Rwanda, ariko wa munyamategeko wanjye yaganiriye n’umucamanza mukuru humura uzahita urekurwa kuko nta mushinjacyaha uhari ugushinja icyaha na kimwe mubyo uregwa.”

Iri jambo ryashimishije Mateso ariko aravuga ati “n’ubundi gufungurwa ntafite Raissa birutwa no gufungwa burundu kugeza mfuye ariko nta mahitamo byararangiye abanyamafaranga bantwariye umugore.”

Umunsi wo kugezwa imbere y’urukiko Asinatoli yari yazanye na nyina wa Mateso, na wa munyamategeko ndetse na bamwe mu banyamakuru bakoranaga na Mateso ku kinyamakuru INZIRA.COM ariko mbere y’urubanza umunyamategeko yegereye uwaregwaga amusaba ko mu magambo avuga yose aribwirinde kuzanamo izina Donald KAMANZI niba ashaka kugira amahoro.

Ni uko urubanza ruratangira maze uwaregwaga amaze kwisobanura kunbyaha aregwa umucamanza yanzurako nta cyaha ashinzwa gifite gihamya bityo uregwa agomba kurekurwa ako kanya agataha.

Si nakubwira nyina wa Mateso ibyishimo byaramusaze aranezerwa kuko kuva nyuma y’aho amanyeye amakuru y’uko umuhunguwe afungiye ataherukaga kwishima, maze umuhungu we guhera uwo munsi ahita asubizwa mu kazi ko kwandika imivugo n’amakinamico yasohokaga muri cya kinyamakuru INZIRA.COM.

Impano ya mbere George yahaye Raissa ni iyo kujya kwiga muri kaminuza mpuzamahanga ya Harvard, ahiga imyaka itatu yiga Leadership. Ndetse yiga neza kugeza arangije muri iyo kaminuza ntiyigeze atsindwa.

Umunsi umwe ubwo Raisa yari yarangije kwiga, hari mu gitondo abyutse maze abura amahoro mu mutima igihe we n’umugabo bari barimo gukora urukondo maze neza ubushake burabura baragerageza biranga kugeza ubwo George yabyutse ajya mu bwogero nta kintu bakoze, ariko nta yindi mpamvu yabiteye uretse kuba Raisa yaratekereje kuri Mateso yigeze gukunda akamurutisha ubuzima bwe maze bigatuma ibitekerezo byose bigenda.

George yahise yibyukira maze Raisa asigara mu buriri atekereza ibihe byose yagiranye na Mateso maze atangira kurira cyane yifuza ati:"cyampa nkongera nkahura byibura na Mateso n’ubwo atansuhuza ariko nkamubona. Ni ukuri naramuhemukiye nakabaye byibura mbere yo kugenda naramubwiye wenda wabona nawe yaranshiye inyuma atabishaka ahari hari inshingano ntujuje uko byari bikenewe. “

Ni ko kuvuga ati:”basi icyampa nkongera gusoma za nyandiko za Mateso inshuro imwe gusa. “ Nibwo yigiriye inama yo gushakisha cya kinyamakuru Mateso yandikiraga bakiri mu Rwanda byibura agasoma zimwe mu nkuru ze yaba yaranditse nyuma y’imyaka irenga ine yari ishize batabonanye.

Ako kanya ISIMBI yahise afata telephone ariko atarashakisha cya kinyamakuru, umugabo we George ahita yinjira mu cyumba aramubwira ati “Ubu nitabiriye inama yo gushakira hamwe icyakorwa ngo habungabungwe ubusugire bw’ikirere mu Bwongereza, nzaza nyuma y’iminsi itatu mukundwa, wamperekeza? ISIMBI ubwo umutima we wari kuri Mateso ntiyari acyitaye kuri George maze aramusubiza ati “Ndumva ndwaye ihangane ujyende kandi urugendo rwiza.’ Ni uko George ashatse gusoma Raisa ngo amusezereho Raisa aranga aramubwira ati “Simeze neza ihangane.”

Maze George arasohoka aragenda. Raisa wari wamaze kugaruka mu rukundo rwo gukunda Mateso atareba yasigaye avuga ati:”Ni ukuri mbabajwe n’inshuro nababaje Mateso muca inyuma ndarahiye sinzongera kuryamana na George kuko niba ari ukwihimura narihimuye bihagije.” Ubwo yavugaga ibyo arimo ashakisha inkuru yasoma anyuze kuri interineti kuri cya kinyamakuru kitwa INZIRA.COM

Mu kanya gato yatunguwe no kubona umuvugo wari waraye wanditswe na Mateso ukaba waratangaga ubutumwa kuri ba bantu baba baratandukanye kubw’amatage, maze Raisa ahita yishima cyane ati “Yooo! Mateso yasubiye mu Rwanda disi! dore yashyizeho umuvugo ejo! Yewe we! Reka nsome numve.”Ni uko Raisa ahera ku mukarago wa mbere wavugaga uti:

INZIRA Y’URUKUNDO

None nanyuze ha handi hose

Ngamije kwibuka bya bindi byose

Ngo nongere nishime rwose

Nishimira bya bihe byacu.

Uyu munsi nagenze inzira ndende

Sinishimishaga niyibutsaga byishi

Uwo umutima wabuze mukunda

Nkamuharira abafite imari

Bakanjyanira ibyishimo byanjye.

uyu munsi nanyuze hose

ku ishuri hamwe nakuboneye

na yanyubako twaryamagamo

umunsi usiga ubusugi muri ya mashuka

nanjye nkasigira ubumanzi mwene Kamanzi.

Nibyo koko naragiye ndaruha cyane

Ngera aho nifuje kwipfira

Ngo byibura nkutegerereze ikuzimu

Ho nzagukunda ntahanganye n’abandi.

Nibyo natembereye hose

No kuri cya kibuga cy’indege

Hamwe waririye amarira menshi

Urizwa n’urukundo wari umfitiye rwishi.

Si aho gusa nagiye n’ahandi

Na hamwe kuri banki inyarugenge

Twakuye igipfunyika cy’ifaranga

Tukaritsembera i Bwotamasimbi

Bakahatsembera ibyishimo byacu.

Nagarutse ino ntembera

Ngera mu gicumbi cya mama

Anyibutsa umwari mwiza yabonye

Uteye neza mama yakunze

Wifujwe na beshi agakunda njyewe.

Natembereye ha handi hose

Nibuka bya binezaneza byose

Mbona na ya mafoto yacu

Y’munsi umpobera ukansomera mu mbaga.

Natembereye amahanga yose

Ngera muri Kenya mbura ituze

Nibutse ko nahataye uwo nkunda

Ndarira mbura umuhoza wanjye

Nibuka umunsi wari isabukuru yanjye.

Nanyuze inzira zose twajya ducamo

Ngamije kwibuka byose wankoreye

Kubw’urukundo wankunze mukundwa

Rutabashije kumara igihe kinini.

Nagiye henshi nibuka byishi

Cyane umunsi mfungwa

Kandi umunsi ugenda

Bikantera kwibaza inzira y’urukundo

Nsanga ari agahinda gasaze

N’umubabaro ugera ku mutima.

Gusa icyangira agahinda

Nakwibasira nkakubuza ituze

Nkatuma wibuka byose twakoze

Nkaguhagarika umutima iteka

Ukibuka isezerano ryacu

Ukangarukira vuba udatinze.

Nkubonye gato cyane

Nakubwira inzira y’urukundo

Ko ari uruvange rw’agahinda

Ndetse n’umunezero udatinda

Nakubwira ko umugabo wese

Ashinjwa urumogi n’inzoga

Ubusambanyi n’ubusinzi

Ubwicanyi no gufata ku ngufu

Byose bitagira gihamya.

Nkubonye nkaka kanya mukundwa

Napfukama nkagusomagura

Nkagusaba imbabazi ndira cyane

Wenda nkahita nipfira burundu!

Ndindiriye kuzahurirayo nawe.

Nkubonye nk’ubu nonaha

Naguhobera kwa kundi

Tugasomana kwa kundi

Tukaganira bya bindi

Tukanaseka kwa kundi

Maze nkakubwira bya bindi

Nkasoza ngira nti ,wirira

Iyi niyo nzira y’umugabo wese.

Uyu muvugo Mateso yari yawusoje avuga ati “Niba ufite umuntu mwatanyijwe n’amatage ukimukunda umubwire amagambo nk’aya maze umwibutse ibihe byiza byanyu.”

Uko Raisa yasomaga uyu muvugo yagendaga asubiramo ijambo ku rindi yatwawe cyane, maze arangije gusoma uyu muvugo, atahura neza ko ariwe Mateso yanditse ashingiyeho ndetse abona neza ko akinamukunda cyane. Niko kwibaza ati” Ese ubundi ko Mateso akinkunda kandi najye nkaba numva ntaramwibagiwe uwamusanga ko ariwe umutima wanjye ukeneye kuruta uko ukeneye undi wese?”

Inkuru isigaje igice kimwe igasozwa....

Murenzi Sixbert

Ushaka gusoma igice cyabanje, kanda hejuru ku itangiriro ry’icyo gice uri gusoma, ku magambo ari mu ibara ry’umutuku asobanura uko mu gice hiherutse byarangiye.Ufite andi makuru ushaka kuduha, hamagara kuri 0784444190.

Yisangize Inshuti.

Ibitekerezo 30

  1. wa mwanditsi we uri umuhanga mbakundira inyigisho mutanga cyane cyane kurubyiruko rwubu rwokamwe nirari no gukunda ifaranga

  2. Ni vyiza kuba matesso yafunguwe Raissa nawe akibuka ko yahemukiye Matesso.iyaba imiryango yokwibuka urukundo nka Raissa uruvyiruko rwokurana ubutwari.ndabakunda naho Ntagitekerezo nakimwe canje mwemeye kuja Ku rubuga.

  3. Ni vyiza kuba matesso yafunguwe Raissa nawe akibuka ko yahemukiye Matesso.iyaba imiryango yokwibuka urukundo nka Raissa uruvyiruko rwokurana ubutwari.

  4. Twarashimye cyane kubwi yinkuru uzategurindi kuko harimo inyigisho nziza, gusa shyiraho agasoza. IMANA ibarinde weekend nziza mwese

  5. mbega inkuru inejeje knd yigisha. nukuri mwakomeza mugashaka ibindi bice cg mukaduha indi Isa nayo. mwihanganye igice cyanyuma muzakigire kirekire harimo nuko byaje kurangiraa

  6. uyu mwanditsi ni umuhanga kweri,birashimishije PE,ubushize byarangiye inkuru ibabaje cyaneeee,ariko uturemye umutima,inkuru izarangira neza biragaragara

  7. murakozecane kuraka gakuru karyoshe
    kubgamatsiko iyondangije kugasoma nkajakubindi binyamakuru ubwonyi mpitangaruka kurebako ntakandi murahashi
    IMANA ikomeze kubatezimbere @MAKURUKI.RW

  8. 1 | 2 | 3

Tanga Igitekerezo