Yaratunguwe ubwo yahuraga n’umukunzi we agiye koga (igice cya 13)

27

Mu gice giheruka Mateso yari afunzwe ashinjwa gusambanya umugore w’abandi no kwica, Raissa we yari ajyanywe muri Amerika, ese byaje kugenda bite?

.....Ikinyamakuru Mwananchi nticyazuyaje kumenya amakuru ko umwanditsi wabo w’umunyamahanga yafunzwe azira ibyaha bikomeye cyane byo kwica no gufata ku ngufu. Ndetse banditse ko yavuye mu Rwanda ahunga ibyaha byo gutwika inyubako ya leta yabagamo akanafatanwa ibiyobya bwenge. Maze wa mugabo witwa Asinatoli wari uhagarariye Radio n’igitangazamakuru INZIRA ubwo yarimo asoma amakuru mugitondo atungurwa no gusoma iyo nkuru kuri Mwananchi ndetse no gusanga umwanditsi wabo witwa HAKUZIMANA Mateso bari baraburiye irengero ariwe wafungiwe muri Kenya.

Bahise bafata umunyamategeko wabo maze berekeza Kenya gushaka umukozi wabo.

Bagiye berekeza kuri gereza ikinyamakuru Mwananchi cyari cyanditse ko afungiwemo maze bagezeyo basaba kuvugana nawe babaha uburenganzira bw’iminota icumi. Ni uko abatekereza inzira zose n’uburyo yaje kugera Kenya atorokanye na Raisa mu ibanga rikomeye ababwira n’uko byaje kumugendekera agafungwa. Ariko mu gihe bari bakiganira umupolisi yaje avuga ko hari abandi banyakenya baje kumusura maze Mateso atungurwa no kubona ari Vumiria na Pendo bahingutse.

Ni uko bose bapfukamira hasi rimwe bamusaba imbabazi ndetse bamutekerereza ukuntu bashyizweho iterabwo n’Umunyarwanda witwa Gatuza akabigisha ukuntu bazamubeshyera maze bongeraho bati “kandi yatubwiye ko tubivuze cyangwa ntitubikore azatwica, maze natwe tubura amahitamo tubigenza uko yabishakaga ngo turengere ubuzima bwacu.”

Mateso nta kintu yabasubije ahubwo yaraturitse ararira ni uko Asinatoli abaza abo banyakenya niba batabasha kuvuga ukuri kuri polisi maze uwo mwere agafungurwa ariko baratakamba bati “Hano muri Kenya hari itegeko rivuga ko ubeshyeye undi yicwa, tubivuze bahita batwica rwose.” Nyuma y’umwanya munini Mateso yahise avuga ati “Ndababariye ni mumve mu maso.”

Ni uko uwo munyamategeko asaba inzego z’uumutekano za Kenya kubaha imfungwa yabo ikajyanwa gukurikiranirwa mu Rwanda ashingiye ku byaha bimwe yashinjwaga ko yakoreye mu Rwanda, maze bidatinze Mateso yoherezwa i Rwanda afungirwa muri gereza nkuru ya Kigali.

Bidatinze Raisa yaje guhembuka ahamagara Mateso amubaza ngo unkoreye ibiki mukundwa? ariko atungurwa no gusanga ari mu ndege, agaruye ubwenge neza abaza aho ari bamusobanurira neza ibyo Mateso yakoze maze George ati “Rero so yabonye urembye ampamagara kukujyana muri Amerika kwitabwaho n’abaganga b’inzobere” nuko banamubeshya ko amaze iminsi ine muri koma.

Bidatinze Raisa yageze kwa George maze asanga nta wundi muntu uriyo, George amusaba ko bararana ariko Raisa arabyanga maze arara mu cyumba cy’abashyitsi.

Gusa uyu mukobwa yumvaga afitiye urwango rwishi Mateso kuko yatekerezaga ukuntu yemeye kwitandukanya n’umuryango we ndetse agahomba amashuri ye kubera we ariko ntabihe agaciro akamuca inyuma, kuburyo yumvaga nta kintu gihagije yakora ngo kibabaze Mateso bingana n’uko yamubabaje uretse kuba yasangiza undi mugabo ku biryo Mateso yariyeho.

Raisa yigiriye inama yo kubabaza Mateso agakora urukundo na George yihorera kuri Mateso, ni uko guhera umunsi wakurikiye Raisa amera nk’uwokamwe no gukora imibonano kuko nta masaha abiri yashiraga adasabye George ko baryamana kandi si ukumwiha yarirekura bikomeye kuburyo yavugaga ati “Ndibaza niba Mateso yarankundaga koko ibi mba nkora abyiyumvamo nawe agashengurwa n’umubabaro ndetse icyampa akagera nk’aha maze agasanga nsusurutsa George twambaye ubusa nk’ukuntu nasanze Vumilia yambaye ubusa imbereye.”

Buri gihe Raisa yabaga atekereza ko ntacyo yakorera Mateso ngo byibura nawe ababare nk’uko yamubabaje.

Ubwo Raisa yajyanwaga muri Amerika umugore wa George yari yaritabiriye inama y’iterambere ry’abagore yaberaga mu Bushinwa, iyi nama ikaba yarabagaho buri mwaka igamije kureba aho abagore bo mu bihugu bikomeye bageze biteza imbere.

Ariko kuko yafuhiraga umugabo we iyo yabaga adahari yasigaga kamera hejuru y’uburiri ngo nihagira umuntu uzinjiramo azabimenye,maze umunsi umwe inama ishoje ashaka kureba uko iwe muri Amerika hiriwe atungurwa no kubona amashusho umugabo arimo guhuza urugwiro n’umwiraburakazi. Ako kanya ntiyasabye n’uruhushya no mu nama yahise yurira indege maze agera iwe mu gitondo.

Agahinda kagira nkana n’ubundi yahingutse hejuru yabo barimo guhuza urugwiro no mu buriri bwe byongeye umwiraburakazi n’ukuntu yabangaga cyane. Ariko igihe uyu mugore yashakaga gutera amahane umugabo yahise amusaba kwitonda maze George akora mu kabati amuhereza urupapuro rwa gatanya yamaze gusinyisha kuko ashingiye ko Julliette uwo atabyaraga bityo umunyamategeko wa George yari yazanye icyemezo cya gatanya nkuko George yari yabimusabye.

Ako kanya Julliette yagiye mu cyumba cy’abashyitsi arafunga, maze Raisa na George bakomeza kuryoshya ntacyo bitayeho. Ni uko aho babyukiye Raisa asaba George kugenda akaganiriza umugorewe neza bakanumvika uko bazagabana imitungo.

George yagiye gushakira Julliet mu cyumba cy’abashyitsi ariko yamaze nk’isaha akomanga ku rugi Julliet yanga kumukingurira neza, maze umujinya umwishe asatura urugi amusangamo. Akigeramo yasanze umugore yapfuye kare ndetse n’amaraso yari yarangije gukonja kuko yariyakoresheje imiti itagenewe abantu kandi afata myishi ishoboka. ni uko iby’urupfu rw’uyu mugore biratangazwa muri Amerika hose.

Hashize icyumweru kimwe George yahise akora ubukwe ku mugaragaro we na Raisa kuburyo isi yose yavuze byishi kuri ubu bukwe!ndetse n’ibinyamakuru byose byatangaje iby’iyi nkuru y’ukuntu nyuma y’icyumweru umugore w’umuherwe apfuye yahise arongora umwiraburakazi ariwe mukobwa wa nyakubahwa Donald KAMANZI.

Asinatoli akibona iyo nkuru, yahise afata ikinyamakuru agishyira Mateso kuri gereza ngo amwereke ko umugore we yarongowe n’undi....

Murenzi Sixbert

Ushaka gusoma igice cyabanje, kanda hejuru ku itangiriro ry’icyo gice uri gusoma, ku magambo ari mu ibara ry’umutuku asobanura uko mu gice hiherutse byarangiye.Ufite andi makuru ushaka kuduha, hamagara kuri 0784444190.

Yisangize Inshuti.

Ibitekerezo 27

  1. Matesso we wihangane. Raissa we ntiwashishoje uzibuka kwikebuka akanyoni kagurutse.ubu wamaze guhemukira matesso?

  2. iyi nkuru irimo many important ideas , @mateso humura Imana ntijya yemerako abazira ubusa babara ,kdi uzatsinda kuk ntakosa ufite rwose, gukunda is not a @sin.
    mukomereze aho.....

  3. 1 | 2 | 3

Tanga Igitekerezo