Yaratunguwe ubwo yahuraga n’umukunzi we agiye koga (igice cya 12)

23

Mu gice giherutse Pendo n’umugore we bari bemereye Gatuza kwica Mateso bagahabwa akayabo, ese byaje kugenda bite?

...Mu gitondo cya kare nyakubahwa Donald KAMANZI n’umuherwe w’umunyamerika George Marguey bari basesekaye muri Kenya ariko mu ibanga rikomeye kuko nta munyamakuru n’umwe wamenye iby’urugendo rwabo. Maze bicaye muri hotel Safari Donald abaza Gatuza ati: “Ese wamenye ute aho iyo nyana y’imbwa iri?

Gatuza abatekerereza uko byagenze agira ati: "nageze ku mupaka w’urwanda na tanzaniya ku Rusumo nerekana ikarita y’uko ndi umwe mu ikipe irinda abayobozi bakomeye maze barandeka ndeba mu makaye bandikamo abasohoka n’abanjira mpita mbona neza ko bandikishije ko bagiyeTanzania, nasigaranye ikibazo cyo kwibaza nti namenya ari hehe muri Tanzania bari, mbuze icyo nkora icyo gihe nigira ku rubuga rwa interineti mba nsoma amakuru maze ntungurwa n’inkuru nasomye mu kinyamakuru yanditswe na Mateso HAKUZIMANA, niko kuza ino mvuga nti uko birikose niho bari maze nza ino mbaza umuyobozi w’icyo kinyamakuru nti uyu mwanditsi ni umuhanga none nshaka gutangiza urubuga rwa interinete, mwamfashije mukampa nimero ye nkazamuha akazi? Ubwo yahise ayimpa maze nanjye ndayihakinga nkoresheje ikoranabuhanga menya neza aho nyiri nimero aherereye maze njyayo nigize umudozi w’inkweto nsanga niwe koko. Ariko Raisa yari agiye kumenya mugira umusazi mubwira ko yibeshye bityo ntiyabyitaho.

Donald GAKIRE ati: “None se ubwo urabageraho gute tudateje imvururu mu gihugu cy’abandi? Gatuza ati: “bimparire nabirangije.”

Nk’uko bisanzwe mu gitondo Mateso yabyutse asoma ibyasohotse mu binyamakuru ku girango amenye neza aho ahera yandika ubwo yarimo asoma aganira na Pendo wari wamuramukiye amuganiriza bisanzwe, naho Raisa we yari hanze mu gikari arimo gufatiriza Imbabura ngo ateke icyayi , ni uko Vumilia wari akiryamye ava mu buriri akenyeye igitenge gusa habe n’akenda k’imbere karimo. Ni uko yinjira kwa Mateso asanga umugabo we niho ari, ni uko baganiraho gato maze Vumilia ati: “Eeeh! Ariko Mate, uziko ejo nazanye bya binyamakuru ukunda bivuga ku bukungu ariko nkasanga waryamye? Genda urebe imbere y’uburiri ku ntebe”

Mateso wakundaga ibinyamakuru kurusha ifaranga yahubutse yiruka ajya kubifata maze akikibona Vumilia nawe aba ageze imbere ye ahita yicara ku buriri bwe abwira Mateso ati “Zana nkwereke ipaji uheraho.”

Mateso akicara ku buriri gato gusa, Vumilia yahise ajugunya ka gatenge kure cyane, ubundi atangira gukorakora Mateso, Mateso ashatse guhaguruka umugore aramufata aramukomeza maze avuza induru nyishi cyane agira ati “Muntabare aramfashe yo gatsindwa dore arandamukiye, babivuze ukuri koko muri inyamaswa! Aramfashe muntabare weee! “

Ako kanya Pendo yahubutse kwa Mateso yiruka maze akigera mu nzuye asanga umugore we yambaye uko yavutse, yegera Mateso wasaga n’aho atazi ibiri kumubaho, amushyira akantu mu mufuka w’inyuma w’ipantaro, maze Pendo nawe arahanuka yikubita hasi ariko akaba yari afite icupa ryuzuyemo amaraso maze yose ahita ameneka yuzura mu mupira no ku isima. Vumilia we yakomeje kuboroga cyane atangira kurira avuga ko bamwiciye n’umugabo.

Ako kanya ISIMBI Donald Raisa yahise yinjira ahuruye aje gutabara atungurwa no gusanga Vumilia yambaye ubusa buriburi umugabo we Pendo agaramye hasi huzuye amaraso meshi iruhande ye, naho Mateso abahagaze imbere ntacyo avuga.

Muu gihe Vumirila we yari akiboroga ko bamufashe ku ngufu bakamwicira n’umugabo, Raisa yabuze icyo avuga uretse ijambo rimwe gusa yavuze ati: “Mateso mugabo wanjye ni ibi unkoreye? Umutima wanjye ntuzakubabarira iteka ryose” ni uko ISIMBI Donald Raisa yikubita hasi arahwera.

Mu kanya nk’ako Guhumbya wa mudozi w’inkweto Gatuza ndetse n’abapolisi babiri barinjiye basanga Vumirilia yambaye ubusa, Pendo we Yarambaraye hasi n’ikiremve cy’amaraso cyamurenze naho umukobwa wanyakubahwa Donald KAMANZI we yari yaguye yubamye hasi abaturage hanze barimo basakuza bati “niko yabaye, najye yamfatiye umukobwa ndihangana, ni abanyarwanda...”

Ako kanya wa mudozi w’inkweto waje yambaye nka polisi ya Kenya yahise aterura Raisa amushyira mu ivatiri yari yajemo yerekeza kuri hoteli Safari, maze HAKUZIMANA Mateso we yerekezwa ku cyicaro cya polisi giherereye hafi aho, ariko ntiyaharaye kuko yahise ajya muri gereza nkuru.

Akigera yo yahagaritswe imbere ya komanda w’abapolisi maze aramubaza ati “Ni wowe bambwiye ufata ku ngufu abana, inkumi n’abakecuru ukanica? barakubeshye aha si iwanyu wikora ibyo ushatse. Nonaha kuramo imyenda gira vuba.”

Mateso agitindiganya bahamagaye umupolisi umwe hanze bamubwira gucuza Mateso ako kanya ahita afata icyuma akata ipantaro, ishati na mugondo byose Mateso asigara yambaye neza nk’uko yavutse. Ni uko barebye muri ya pantalo ye bakuramo icyuma bati “ Ni iki wicishije wa mugabo ngo ukunde urongore umugore we? Mateso ati: “njyewe ndarengana nta kosa nakoze barambeshyera.”

Ako kanya komanda yahise afata ndembo ayimukubita n’imbaraga ze zose ku mutwe w’igitsina cye, maze Mateso arahanuka yikubita hasi amera nk’upfuye. Aho ahembukiye bamuzanira imyenda y’abagororwa dore ko icyaha cyo kwica no gufata ku ngufu muri icyo gihugu batirirwaga bakujyana mu bucamanza igihe habaga hari ibimenyetso simusiga,ibi babikoraga mu rwego rwo guhashya ibyihebe byari byarigize intakoreka muri aka gace.

Mateso akigera muri gereza yahise aryama hasi ararira cyane maze yibuka ijambo nyina yamubwiye ati: “mwana wanjye aho kugirango abakire bazakunyage bakuziza umukobwa wabo wamuretse n’ubundi ko mutari mu rwego rumwe? Urabona uzabura umukobwa mwiza kuko hano iwanyu? Mbabarira ntazicwa n’agahinda numvishe ko abakire bagutwaye ubuzima”,

Yicujije icyatumye yemera agakururwa n’umukobwa wo mu bakire yibuka ukuntu umukunzi we yumvishe ibyabaye akikubita hasi agahinda karamwica kuko yumvaga ko ISIMBI yemeye ko ibyabaye byose ari ukuri kandi koko nta n’aho Mateso yagombaga guhera abihakana. Amagambo yanyuma Raisa yamubwiye ati: Mateso mugabo wanjye ni ibi unkoreye n’ibyo nigomwe byose kubwowe? Umutima wanjye ntuzakubabarira iteka ryose” yamugarukaga mu matwi akamera nkaho ari mashya ako kanya muri we ariko nanone akababazwa n’uko atabashije byibura kubwiza ukuri Raisa mbere yuko ajyanwa gufungwa.

Mu gihe Gatuza yafataga ISIMBI yamujyanye kuri hoteli ako kanya, ahita amushyikiriza Donald GAKIRE KAMANZI ndetse na Margeuy George ariko Raisa yari yataye ubwenge ameze nk’uwapfuye, ariko kuko aho George yajyaga yajyanaga n’abaganga be yahise abategeka ngo bite kuri uwo mwana w’umukobwa kandi ati: hashire isaha yarangije kugaruka mu buzima bwiza.

Baragerageje biranga maze bizeza George ko aza kugarura ubwenge nyuma y’amasaha atanu. Maze ahita ategeka ngo babwire umupiloti wabazanye yitegure bahite basubira muri Amerika. Maze ako kanya George ahereza Donald igikapu kirimo milioni eshanu z’idolali maze bahita bahereza Gatuza amadolali ibihumbi bitanu by’ishimwe ni uko George ahita atahana umukobwa wa Donald iwe muri Amerika.

Murenzi Sixbert

Ushaka gusoma igice cyabanje, kanda hejuru ku itangiriro ry’icyo gice uri gusoma, ku magambo ari mu ibara ry’umutuku asobanura uko mu gice hiherutse byarangiye.Ufite andi makuru ushaka kuduha, hamagara kuri 0784444190.

Yisangize Inshuti.

Ibitekerezo 23

  1. yebaba weeee!
    isazi iranze irahonyoowe pe!
    Mana ujye urengera aboroheje rwose!
    zana akandi turebe uko Raisa yifashe akangutse!?

  2. Mu buzima bwanjye ino nkuru irambabaje cyane. Gusa nizere ko ukuri kuzatsinda. Mateso nubwo ufunzwe uzira urukundo ukunda umwana wumukire ariko ihangane. Nizera ko Imana izavugira isazi nubwo bitaba igihe ubishakiye. Mwihangane muduhe igice cya 13.Murakoze

  3. Andika Igitekerezo umva?!!urumuhanga ndakweye uziko wagirango ni firime turikureba?!! tugezeho agakuricyira amatsiko aratwishe

  4. Mudufashe mushyireho 13 Mateso arambaje pe! ariko iteka urukundo ruzatsinda cyane cyokora byatumye imba umukunzi wanyu cyane buri gihe ndeba ngo ndebe ko mwashyizeho ikindi gice mudufashe iminsi ibiri muyivaneho mushyireho umunsi umwe kuko dufite amatsiko

  5. 1 | 2 | 3

Tanga Igitekerezo