Yaratunguwe ubwo yahuraga n’umukunzi we agiye koga (Igice cya cumi)

22

Mu gice giherutse Mateso na Raissa bari bahunze igihugu.Bari bafashe imodoka ibavana i Kigali berekeza ku mupaka w’u Rwanda na Tanzania,Ese byaje kugenda bite ko umwicanyi Gatuza yari abakurikiye?

..Gatuza yakomeje kubakurikira kugeza i Kayonza.Bageze i Kayonza imodoka Gatuza yarimo ishiramo amavuta maze irahagarara.

Numujinya mwishi atuka umushoferi cyane bari bavuganye ko amuha ibihumbi ijana mu masaha atanu maze ahita amuha ibihumbi 30 gusa, Gatuza aratega agaruka i Kigali n’umujinya mwishi.

Ageze i Kigali yagiye kureba Donald amubwira ibyabaye byose , maze anamubwira yuko yananiwe kurasa Mateso kuko yari mu modoka imwe n’umukobwa we icyakora amubwira ko yabonye bafata inzira igana ku Rusumo.

Bageze ku Rusumo ntibyabagoye kwambuka ku gice cy’u Rwanda kuko Raisa yabaye agitanga ibyangombwa basanga ni umwana wa Donald KAMANZI ni uko ababwira yuko ari kumwe n’umukunziwe basohokeye Tanzania ariko badatindayo.

Baragenda ariko bageze ku ruhande rwa Tanzaniya byarabagoye cyane banga ko binjira mu gihugu Mateso adafite ibyangombwa maze ISIMBI ahereza umupolisi wa Tanzania amadolali ijana ahita abasinyira uruhushya rw’inzira rwa Mateso, ubwo yarwandikaga babajije aho bagiye maze ISIMBi aravuga ati ‘tugiye i Nairobi muri Kenya’ nuko babaha ibyangobwa bagenderaho kugera muri Kenya.

Bageze Kenya baraye muri hoteli ya Safari , bakirwa n’umukobwa w’umunyarugwiro maze ubwo yajyaga kubereka icyumba abwira Mateso mu rurimi rw’Icyongereza ati “sha ufite umugore mwiza cyane araka nta n’umwe basa gusa uzitonde kuko urebye nabi abagabo b’inaha bamugutwara.

Akivuga atyo Mateso yaramwenyuye ndetse na ISIMBI araseka ariko Mateso nti yabitekerejeho byishi kuko yari azi neza ko ISIMBI amukunda by’agahebuzo kandi we yari asobanukiwe ubwiza bwe kurusha uko undi wese yabimenya.

Uwo mukobwa yakomeje kubitaho, akabaganiriza maze bamaze iminsi ine babona amafaranga ya hoteli batayabona niko kwegera wa mukobwa wabazaniraga ibyo bakeneye byose bamubaza aho bakura inzu ya make, abarangira mu burengerazuba bwa Kenya ahitwa Kisumu arababwira ati “Musaza wanjye ahafite amazu meza y’ibyumba bibiri na salo akodeshwa amadolali cumi n’atanu mu kwezi.Mu gitondo abajyanayo barahakunda cyane batangira ubuzima bwaho.

Mugihe bari bimutse, Mateso yafashe ikinyamakuru ku muhanda cyitwa Mwananchi maze akunda inkuru zacyo kuburyo yafashe nimero ya telefone yabo arabahamagara abasaba ko yajya yandika inkuru zigacishwa ku kinyamakuru cyabo maze barabyemera.

Mateso yahereye ku nkuru yahaye umutwe ugira uti “Ababiri mu nzira y’urukundo bahindutse umwe mu nzira yo kurwanya umwanzi wabo.”

Iyi nkuru yari yanditse mu Cyongereza yashimishe cyane abanya-Kenya kuko yari yakoresheje uburyo bugezweho bwo kwandika utazimiza abasomyi cyane mu gihe abanya-kenya bari bamenyereye imyandikire y’abakoLoni yuzuyemo imizimizo myishi.

Nyuma y’ukwezi kumwe gusa, Mateso yabaye umwanditsi ukomeye cyane wigaruriye imitima y’abanya-Kenya, maze inkuru ze zimaze gukundwa umukuru wa cya kinyamakuru aramuhamagara ati “Twasanze uri umuhanga mubyo ukora none tuzajya tuguhemba amadolali ijana wandike inkuru ebyiri mu cyumweru.”

Mateso ntiyaruhanyije abyanga kuko yumvaga aya mafaranga ari meshi cyane, yahise atangira akazi atyo,ariko akajya agakorera mu rugo maze akajyana inkuru amaze kuyinononsora dore ko byari byoroshye kuko yari afite ya mudsobwa yahawe mu marushanwa.

Mu gipangu yabagamo habagamo izindi inzu eshatu, ebyiri zarakodeshwaga naho indi yo hari kwa kwa nyir’inzu.

ISIMBI Donald Raisa na Mateso HAKUZIMANA bakigera muri iyi nzu barabakunze cyane ariko cyane cyane Vumilia n’umugabo we Pendo bari batuye imbere y’inzu kwa Mateso. Aba nabo bakaba barakodeshaga, kenshi babasobanuriraga amatwara n’amategeko agenga abanya-Kenya ndetse bari bababwiye ko icyaha kitababarirwa muri Kenya ari ugufata ku ngufu umugore cyangwa umukobwa.

Uyu muryango wa Pendo na Vumilia nubwo bari abakene ndetse barya gakeya kuko Pendo yakoraga akazi ko kuroba amafi rimwe na rimwe akanayabura ariko iyo batekaga bashyiraga ISIMBI kubyo batetse maze nawe akabigenza atyo mbese bari nk’umuryango umwe si nakubwira mu kwezi kumwe bari bafitanye ubushuti bukomeye cyane.

Iki gihe Mateso na Raisa bari baramaze kuba umugore n’umugabo basezeranye mu mitima yabo ubwabo, niko umunsi umwe ari ku itariki 21 z’ukwa Mbere, Raisa amenya ko ariwo munsi umugabo we yavukiyeho, maze ategura ifunguro riryoshye umugabo aje aramubwira ati “Nagutegereje ngo tujyane koga” .

Bavuye mu rwogero yaramugaburiye arangije arabumubwira ati “Mugabo nakunze nkabura amahitamo yandi uretse kugukurikira, uyu munsi nifuje kukubwira ko navuka ari ubwa mbere nishimye kuko ndi kumwe n’uwo Imana yandemeye nkamukunda nta buryarya. None ku munsi nk’uyu wavutse nifuje kugushimisha birenze ibyo nakoze kera, niyo mpamvu nshaka kukuririmbira akaririmbo najyaga nkunda kuva menye ubwenge ni aka victoire ngaho tega amatwi ukumve ndabizi uratunguwe kuko ari ubwa mbere ngiye kukuririmbira!

Aratangira ati: “ni byo n’abandi baragukunzee, ariko njyeweho ndabarushaa, nkundira mbikwereke mama we...N’aho twatura mu misozi nk’inyoni, tukitungirwa n’imyerayo yo mu ishyamba, tukiyambarira amababi y’ibiti, nta cyaruta urukundo sherii...

Uko baririmba ibyishimo birabasaga nibwo Raisa yahitaga aryama mu gituza cya Mateso wari ugaramye mu ntebe, maze batangira gukora urukundo aho muri salo, maze uwo munsi Raisa agaragariza Mateso ibyishimo bidasanzwe, arirekura wese.sinakubwira batera akabariro biva inyuma ahari n’ibyo bari buzakorekore mu myaka icumi babikoreye rimwe!

Batararangiza , batunguwe no kumva umuntu akomanze ku muryango wabo inshuro ebyiri maze buri wese arwanira guhisha ubwambure ngo hato uwo muntu adakomeza akinjira agasanga bambaye ubusa....

Murenzi Sixbert

Ushaka gusoma igice cyabanje, kanda hejuru ku itangiriro ry’icyo gice uri gusoma, ku magambo ari mu ibara ry’umutuku asobanura uko mu gice hiherutse byarangiye.

Yisangize Inshuti.

Ibitekerezo 22

  1. iyi nkuru ikoranye ubuhanga buhanitse kabisa ;kk urukundo ntawe uruhagarika aho ruri kk nta kiguzi rugira .mukomeze mugire inama urubyiruko.

  2. 1 | 2 | 3

Tanga Igitekerezo