Yabeshye ababyeyi ko agiye gushaka umushinga, yigira mu bagabo (igice cya nyuma)

17

Mu gice giheruka, Tycoon na Kevine bari baraye ku gitaro cya Jacques, Tycoon ari kurira,ese byakomeje bite?

...Mu gitondo cya kare kuri Tcyoon amagambo yari yashize ivuga maze Kevine wamurebaga icyoroshye ahita amusaba ko bajyana iwabo, Tycoon ntiyahakana kuko yari ameze nk’uwagwiriwe n’isi.

Bageze iwabo wa Kevine babahaye icyayi dore ko imbeho y’ijoro yari ibageze kure. Nyuma Kevine yakomeje kurema agatima Tycoon amuhumuriza cyane akamwumvisha ko nyuma y’ubu buzima bwo mu isi hari ubundi,.Tycoon nyuma yo kumva byose Kevine yamubwiraga yiyibagije ko Kevine ari umwana kuri we maze amutekerereza ubuzima bwe bwose ukuntu abakobwa bamuhemukiye agahitamo gukundana n’abahungu, mbese yamubwije ukuri kose uburyo yakundanye na Eugenie maze akamuca inyuma bagatandukana, agahura na Sunny nawe bikaba uko na Jaques bari bahuye bahuje ubuzima nawe akaba amucitse kandi biryamaniraga.

Kuri Kevine igitego cya mbere yari agitsinze kuko yari abonye aho ahera atereta Tycoon akamwibagiza ibyo yanyuzemo byose. Maze yifashishije Bibiliya, Kevine asomera Tycoon umurongo wanditse muri Bibiliya yera mu ITANGIRIRO:19-4-5 ndetse no ku mugice cya 19-24-25 hose havugaga uburyo Sodomu na Gomora harimbutse kubera ibyaha byaho byo gusambana bahuje ibitsina.

Tycoon ntiyigeze aruhanya kuko nyuma yo guterwa ubwoba n’ibyo yakoze ndetse akamenya neza ko azanarimbuka yahise yakira agakiza ibyaha byose arabyihana mbese nyuma yo gukizwa Tycoon yari umukirisitu ukwiye kujya mu ijuru pe!

Kevine na we yahise atsindira umutima wa Tycoon guhera ubwo, sinakubwira urukundo rwabo rurakomera mu itorero barabimenya gusa ntibicaga gahunda.Uyu mukobwa yakunze Tycoon asibanganya inkovu zose yari afite ku mutima na Tycoon yibagiwe ibyo yaciyemo byose ahinduka icyaremwe gishya mu rukundo rwe na Kevine.

Tycoon yizeraga Kevine cyane kuko yatekerezaga ko ari umwana atazi byishi ndetse yumvaga ko atazi ibyo guca inyuma umukunzi cyane ashingiye ko yari anakijijwe bigaragarira amaso y’abantu.

Kubera uburyo Tycoon yari indakemwa mu itorero yarangije kwiga ahabwa akazi ko gucunga umutungo mu itorero. Amaze kugwiza amafaranga yateguye ubukwe na Kevine.

Kevine yarangije kwiga amashuri yisumbuye, imyiteguro y’ubukwe isa n’iyarangiye ndetse Tycoon yari yaramaze gutanga inkwano ya miliyoni y’amafaranga y’u Rwanda. Kevine na Tycoon bakundanaga bya kirokore kuburyo n’iyo Tycoon umubiri wamushukaga gusaba Kevine ngo baryamane, Kevine yamuhakaniraga yeruye ati “Sheri, ihangane dutegereze umunsi w’ubukwe kuko njye ndamutse mbikoze byangora cyane kuko ndi isugi kandi numva nzapfundura agaseke kacu ku munsi w’ubukwe! Ihangane ni wowe nakazigamiye sha Tycoo?”

Aya magambo niyo yatumye Tycoon ashyiramo imbaraga ngo ubukwe burangire vuba cyane ngo hato batazamutwara Kevine dore ko uyu mukobwa muri Nyamirambo nta wamuhigaga mu bwiza. Nyuma yo kujya mu rukiko no gufata irembo, Tycoon na Kevine bateguye ubukwe bwabo ku Italiki ya 02/02/2013. Ariko nk’uko bisanzwe bigenda mu Itorero rya ADEPR Taliki ya 29/01/2013bagiye kwipimisha ngo bajyane icyangombwa kigaragaza ko badatwite cyangwa ngo habe harimo uwanduye SIDA, ariko ibi kuri Tycoon byasaga no gukina kuko nyuma y’aho aviriye mu byaha yari yaripimishije asanga ni muzima ndetse hari hashi amezi nk’atandatu yipimishanyije na Kevine basanga bombi ari bataraga, ibi babikoraga gusa ngo babone icyangombwa bereka umushumba w’Itorero.

Kwa muganga babafashe ibizamini maze bajya kubipima, ariko mu gihe bari bategereje ibisubizo wabonaga bombi bafite akoba, gusa burya ni mugihe niyo uzi neza ko utigeze usambana ntubura kugira ubwoba igihe wagiye kwipimisha. Aba bose bashigukiye hejuru igihe muganga yababwiraga ngo binjire, bakimara kwicara ikibazo cya mbere muganga yababajije ni:”ese muheruka kuryamana ryari? Tycoon n’ubwoba bwinshi ati “nonese usanze twaranduye muga? undi ati:hoya ahubwo nk’uko ibizamini bibigaragaza umugore wawe atwite inda y’amezi ane ndetse nsanze ari n’um... Muganga akivuga atyo Tycoon yahise yikubita hasi, ijambo rimwe yavuzi ni :Ese ubu mana ninde wo kwizerwa?

Abaganga bakomeye bahise baza baragerageza ngo asubirane ubuzima biranga yoherezwa CHUK muganga agaragaza ko akiri muzima ariko yaguye muri koma, CHUK bamaze icyumweru abaganga bakomeye bagerageza byanze bamwohereza mu bitaro byitiriwe umwami Faisal naho baragerageje kenshi biranga, impuguke mubyo gukangura ubwonko zo mu Buhinde ziraza biranga. Kuri ubu amaze imyaka itatu n’amezi arindwi ari muri koma atunzwe na serumu , yanze gupfa kandi no gukira byaranze. Naho Kevine we afite umwana w’imyaka itatu n’amezi atandatu yabyaranye n’umunyeshuri biganaga mu mwaka wa gatandatu, akaba yaramuteye inda ubwo bari mu bizamini bisoza amashuri yisumbuye.

Wa mugani wa Tycoon se ubu ninde wo kwizera koko?

Iherezo ry’inkuru

Murenzi Sixbert

Yisangize Inshuti.

Ibitekerezo 17

  1. Nikuze arakoze cyane kutwibutsa. Title yiyi inkuru iyo iza kuba ahubwo ano magambo"ESE mana ubu Ni NDE WO kwizerwa?" kuko nta muntu numwe wigeze atunganira tycoon.

  2. Mbega weeeeee! Tycoon niyihangane! gusa ntamwizerwa KBS.ESE koko tycoon yapfuye akaruhuka kweri!?! huumm isi Niko yubatse rwose.

  3. Ubu c ko twabonye Sunny ajya mubagabo, UWARUGIYE GUSHAKA UMUSHINGA WE NI NDE??
    Iyi nkuru yari nziza, arko title ntabwo ihuye na content.

  4. Tycoon agize chance yakwipfira tu. Kko niyo yagaruka ibuntu yazajya yibuka ibyamubayeho agasara. Gusa byo uyu musore arababaje

    Iyi nkuru yari nziza pe kd iratwigishije

    👠👠👠👠👠✋✋✋✋👌👌👌👌👌 to Makuruki journalists

  5. Andika Igitekerezo Hano byiza inkuru yari nziza.ark abakobwa barind isezerano baracyariho ndabihamya peee!

  6. Andika Igitekerezo Hano byiza inkuru yari nziza.ark abakobwa barind isezerano baracyariho ndabihamya peee!

  7. Nkuyemo isomo ibibazondimo byendagusa nkibyo gusa tugomba kumenyako umuntu ari umuntu kandikoko uwizera umwana wumuntu avumwe mana garura ukurimubantu bareke guhemukirana

  8. 1 | 2

Tanga Igitekerezo