Yabeshye ababyeyi ko agiye gushaka umushinga, yigira mu bagabo (igice cya Kane)

6

Mu gice cy’iyi nkuru "INKOVU Z’URUKUNDO" cyarangiye Sunny azanye imyitwarire idasanzwe kuri Tycoon ubwo batangiraga ikindi gihembwe, byaje gukomeza bite?

......Ni uko Tycoon na Sunny bamanuka agatoki ku kandi ariko ubona Sunny afite ibinezaneza byishi, maze bageze mu ishuri Tycoon aramubaza ati “Ese ko mbona wishimye bidasanzwe?” Undi atazuyaje ati “ ariko urasetsa nawe! ni uko ndikumwe nuwo umutima wanjye n’amaso bibona bikanezerwa! Ubuse wowe ni iki utabona?”
Tycoon: Byihorere sha nti mukandyarye ndabamenyereye!

Sunny:Wifuza iki se basi cyakwereka ko nta buryarya njye mfite?

- Ahubwo mbwira bimwe wansezeranyije ngo uzambwirira ku ishuri ubundi ureke kumbeshya.

- Ndakubwira se uhagaze? icara nze nkubwire!

- Sha ngaho reka nicare umbwire gusa tutarakomeza nagirango nkubwire ko nkufitiye inkuru mbi y’uko nyokobukwe yitabye Imana.

- Yeee? Mama wawe se? Yazize iki se?

- Sha ni mama wa Furaha yazize uburozi ejo nibwo bazashyingura.

- Yoo! yihangane ariko ibyo ntibyadutwarira umwanya reka twiganirire ibyacu uvane Furaha hano kuko njye naramuhuzwe,harya wambajije icyo nakubwiraga cya gihe? Tycoon ni ukuri numva nkukunda kandi ntumpakanire kuko waba wirushya yewe nubwo wampakanira inshuro ibihumbi ijana njye nzakomeza nkukunde kuko nabonye ari wowe umutima wanjye wifuza ngo utuze, ndabizi ukundana na Eugenie ariko umenye ko nawe atagukunda yifitiye undi ari nayo mpamvu agutesha umutwe buri gihe, ariko jye unkunze nazakubera isoko y’ibyishimo ugahora amarira yose warijijwe na Eugenie ahubwo ukajya uhora useka.

- Yee? None se Furaha ukamushyira he? Cyangwa nkubwiye ko mama we yapfuye ugirango niwe wapfuye?

- Jye namwikuyemo kera umunsi ampemukira kuko ntanagira urukundo,ahubwo mbwira niba wemeye sha? Uremeye sheri? (akivuga atyo ahita amusoma ku rurimi biratinda Tycoon amera nkutaye ubwenge kuko ari ubwa mbere yari asomanye muri ubu buryo gusomana kwabo byamaze nk’iminota itanu) ni uko bararekera.

- Sunny ,urakoze kuba unkunda gusa ntitwashobokana kuko ubu umukunzi nkeneye ni uzajya ureka tukishimisha ndetse tukanaryamana igihe gishoboka cyose kandi tugahorana bose bakabibona,urumva rero wowe ntiwabigaragaza kuko byababaza Furaha kandi byatuma ananyaga.

- Humura nzamushaka ho impamvu dushwane burundu maze twigumanire njye nawe, sibyo sha Tycoo?kandi nkusezeranije ko nta cyo uzamburana kibaho n’imibonano tuzayikora bibaye ngombwa kuko n’ubundi sindi isugi kandi wasanga uwo twaryamanye ntaranamukundaga,nyemerera ndagukunda rwose? Ni ukuri no gupfa napfa ariko ukankunda! Kereka niba wenda ukikundira Eugenie naho ubundi ntumpe indi mpamvu n’imwe!

Tycoon yuma yo kwiyumvira akanya gato ahita amubwira ati “Ngaho shaka uko mutandukana twikundanire mukobwa mwiza.”

Nuko Sunny wari wambaye akajipo gato cyane yacishije k’ishuri ahita ahobera Tycoon n’amarangamutima adasanzwe aramukomeza cyane barasomana barakorakorana ni uko biza gutuma Tycoon agira ubushake budasanzwe bwo gukora imibonano mpuzabitsina, bananiwe kwigenzura bisanga barangije gukora imibonano ndetse itanakingiye. Ni uko basoje Sunny asoma Tycoon ku itama ati urakoze sheri wanjye nkunda!

Ibi byatumye Tycoon akunda uyu mukobwa cyane kuko niwe wa mbere wari ubimukoreye mu gihe inshuti ze zose zahoraga zimuratira ko inshuti zabo zibibakorera, ni uko baririrwana barebana akana ko mu jisho bashidutse inzogera ya saa tatu z’joro ivuze bajya kuryama kuko kurya byo ntibari bigeze banajyayo ariko umunezero wari wose hagati yabo ndetse amasaha yo kuryama yarabatunguye cyane.

Tycoon yatandukanye na Sunny yumva ameze nk’uri mu nzozi kuko atiyumvishaga ko ari we wahabwa urukundo rungana n’urwo Sunny yamweretse uwo munsi, Tycoon yabaye nk’ukangutse ageze aho baryamaga asanga inshuti ze zose bagendanaga baje harimo Emmy, Azarias, Irabaruta ndetse na Bony bageze mu kigo. Nyuma yo kubasuhuza Bony yarinjiye ariko aza akurikiranye n’umuyobozi ushinzwe imyitwarire bityo bahita baryama kugirango ataza akabahana asanze bicaye.

Tycoon wari usanzwe ararana na Irabaruta yahise ajya kuraza Bony ariko agirango aheze ikinyoma Bony adatekereza ibyo we na Sunny barimo guhera kare kugeza iyo saha ariko kubw’amahirwe meshi Bony yahise abaza Tycoon ati “Waje ryari se ko njye Kabaju yahise aza tukajyana kwicara mu wa Mbere tukaba tuhavuye ubu nonaha ari uko bavugije icyuma? Undi utarifuzaga ko bagenzi be bamenya vuba ibye na sunny ahita amubeshya ati “Burya twamaranye iminota nka makumyabiri nje ndakubura mba ntembera.”

Nuko hashize iminota nka cumi n’itanu umuyobozi ushinzwe imyitwarire mu kigo aza aho aba basore bararaga ahamagara uwitwa Assuman wari umuyobozi w’abanyeshuri w’umuhungu ndetse ahamagara na Tycoon na mugenzi we Bony bose uko ari batatu bararanaga mu nzu imwe ngo bose bamukurikire mu biro bye arabashaka. ariko ku ruhande rwa Tycoon yari afite ubwoba bwishi naho Bony we yarimo atitira bibaza ikibaye umwe ku ruhande rwe avuga ati ubu koko bagiye kunyirukana? Nonese ubu yambonye sinakubwira buri wese yagiye yambaza imana z’iwabo ngo boye kumwirukana ku munsi wa Mbere...

Soma: Igice cya Mbere

Igice cya Kabiri

Igice cya Gatatu

Sixbert MURENZI

Yisangize Inshuti.

Ibitekerezo 6

  1. Vraiment merci beaucoup kuko muduhugura myinshi mu rukundo kdi Tycoon wowe uza udukosora kdi Makuriki turabakurikirana cnee mukomeze muduhe ibice bikurikira

  2. Makuruki mukomeje kwerekana ubunyamwuga kbs. Ubutaha mwazaduhaye nk uduce tubiri kweri. Ndabasabye

Tanga Igitekerezo