Yabeshye ababyeyi ko agiye gushaka umushinga, yigira mu bagabo (igice cya Kabiri)

7

Mu gice cy’iyi nkuru "INKOVU Z’URUKUNDO" giheruka cyarangiye tumenye yuko umukunzi wa Tycoon ariwe Eugenie atigeze amusura kandi akaba atararaye no mu rugo iwabo, icyirabo we yarimo yifuza ngo iyaba yarakundanye na Tycoon mu gihe twabonye ko Manzi Furaha we yari afite ikibazo cy’umubyeyi we wari urembye. Ese mu gice cya kabiri byaje kugenda gute?

Burya mu Kinyarwanda baravuga ngo imbikirizi ya cyane ibikira mukeba. Kuwa Gatandatu buri buke abanyeshuri bagasubira ku ishuri, Tycoon wari ufite agahinda kubera umukunzi we wari wamubeshye, bwakekeye mu gitondo iwabo bamuha amafaranga ngo ajye kwishyura kuri banki mu mujyi ndetse akanagura ibikoresho by’ishuri.

Tycoon akigera mu mujyi yabanje kujya kuri banki kwishyura.Akigera Nyabugogo yasanze abantu ari uruhuri bari ku mirongo.Yigira inama yo kujya ku cyicaro gikuru gihereye i Nyarugenge kuko yumvaga wenda ho nta bakiriya benshi bahari, ariko mbere yabanje guca mu iduka, agura ibyangombwa nyuma aza kujya kuri banki ariko yatunguwe no gusanga hariyo abantu beshi baruta abo yasize i Nyabugogo, ariko abura uko abigira nyuma afata umwanzuro wo gutegereza akishyurira aho ngaho, aho gusubira Nyabugogo.

Tycoon yarangije kwishyura nka saa cyenda n’igice z’umugoroba yanga kujya gutega imodoka afata moto, nuko atwarwa n’umumotari witwa Peter (petero) bagenda baganira.

Peter: Ko mbona uri n’igikapu kinini se uvuye hehe?

Tycoon-Mvuye gushaka ibikoresho by’ishuri, ntuziko ejo amasomo azatangirase?

- eeh! Uri umunyeshuri se? Wiga he?

- Yego niga i Muhanga

- I Muhanga? Ku kihe kigo se?

- Niga ku rwunjye rw’amashuri rwa Gitarama.

- Uzi ko wiga ku kigo kimwe na sheri wanjye! Eeh mugira abana bazi ibintu shahu!

- ufite umukunzi wiga hariya se? Yitwa nde ra? Yiga mu wa kangahe se?

- Sha ni umukobwa wiga mu mwaka wa gatatu, w’inzobe mugufi ariko ubyibushye, sinzi niba utamuzi afite inyinya nini izina yitwa Eugenie.

- Yee? Eugenie?

- Yeee!ni uwo! Uramuzi se nawe? Sha uriya mwana ndamukunda ntiwabyumva, tujya kumenyana nari nzi ko twikinira kuko ni umukobwa tuba mu gipangu kimwe i Kabuga basengana wampaye nimero ye, noneho muhamagara nikinira musaba urukundo aremera!

Hanyuma ejo bundi ku munsi w’abakundanye kuko nari bujye kwishyura umusoro wa moto numvaga ntashaka kuvayo ngo nkore, maze ndaramuhamagara mu gitondo musaba kunsura, mu kanya gato ntiyazuyaje yahise ahagera. Ariko ibintu twakoze sinabasha kubigusubiriramo kuko yantambagije ijuru n’amaguru!, bigeze ku mugoroba ashaka gutaha ndamubuza, mera nk’uworosoye uwabyukaga, maze sinakubwira arandaza. Ariko nta kubeshye yaranshimishije birandenga kuburyo ubu yanyibagije abandi bakobwa ndetse n’ubu iyo muvuze mba numva utuntu tunyirukamo mumubiri.

Ariko ubwo Peter yavugaga ayo magambo, nta na kimwe Tycoon yasubizaga, nuko Peter ubwo yakatiraga imodoka ku kiraro cya Nyabugogo , yahise yumva uwo yarahetse kuri moto aguye hasi ariko kuko yagendaga gake Tycoon ntiyakomeretse cyakora yari yabize ibyuya umubiri wose.

Bamuhungije, mu minota nka mirongo itatu arahembuka, yisanga mu maboko ya polisi ndetse asanga na Peter polisi ya mufashe maze ahita abwira abapolisi ngo barekure Peter kuko arengana, yongeraho ati “Ninjye ubwanjye wihanuye bityo mwimurenganya mureke yigendere kandi nanjye nta kibazo mfite byari ibitekerezo bijyanye no guhemukirwa mu rukundo byatumye nta ubwenjye maze ndahanuka.”

Ariko ubwo Tycoon yahanukakaga kuri moto, hari abanyamakuru baje mu muhango wari wateguwe wo gutaha umuhanda Kigali-Gatuna abanyamukuru batandukanye bahise barangarira iby’iyo mpanuka, aho Tycoon yaje kuzanzamukira nuko bamubaza uko byagenze abibabwira muri aya magambo:

“Njyewe motari twaje tuganira aza kunganiriza ku mukunzi n’ukuntu amufata neza aho ambwiriye izina rye nsanga ni umukunzi wanjye nkunda bihebuje ntimumbaze ibyakurikiye nahise mera nkuguye muri koma, gusa n’ubu ndumva mfite inkovu nyishi ku mutima kuko uko babimbwiraga nameraga nkuri kubireba!

Akivuga ayo magambo byahise biha abanyamakuru inkuru yo kwandika mu binyamakuru byabo, inkuru y’impanuka yaTycoon bimwe mu binyamakuru byahihaye imitwe ‘RWAMUTEYE KURWARA IGICURI!”,”YAHANUTSE KURI MOTO AZIRA URUKUNDO”, “naho BBC yo yari yanditse iti:”INKOVU Z’URUKUNDO ZAMUTUYE MU MUHANDA ABURA KIRAMIRA”.

Tycoon ubwo yahise afata imodoka arataha ariko ageze mu rugo afata umwanzuro wo kwandikira ubutumwa bugufi Eugenie ati “Nshuti nakunze ntakubeshya Nkaguha ibyo agaciro nigeze byose Nkaguha umutima wanjye wose,
Njye natekerezaga ko ari wowe gisobanuro cy’ubuzima bwanjye
Ariko ubu nabonye ko uri imbugita ityaye cyane yatyarijwe guhinguranya umutima wanjye.

Gusa ibyishimo wazanye mu mubuzima bwanjye, bingana n’ubusa mugihe inkovu z’urukundo zo wanteye zisumba ubwishi umusenyi wo ku nyanja ariko reka mvuge nti warakoze”

Gusa nyine nyuma y’ibyo wankoreye byose ndagusabye iby’urukundo tubihagarikire aha kandi buri wese yibagirwe undi nkaho atigeze amumenya. Sawa urakoze uzagubwe neza.
Uwawe Tycoon M.”

Tycoon arangije yafashe sim card arayivunagura kuko Atari agikeneye ko uyu mukobwa yazongera kumutesha umutwe.

Eugenie akibona ubu butumwa bugufi, yahise ahamagara mugenzi we Sunny ngo yumve ko hari amakuru yaba yahaye Tycoon ariko Sunny amurahira yivuye inyuma ko adaheruka no kuvuga na Tycoon. Ni uko Eugenie yoherereza sunny bwa butumwa ngo nawe yihere ijisho ku bimubayeho muri uwo mugoroba maze amugire inama.
Eugenie yongeyeho ati “Twari dufitanye gahunda ejobundi kuwa mbere mbura umwanya none ndabona yabigize intambara pe! Ubu se nkore iki?

Sunny arangije gusoma ubu butumwa yahise afata telefone ahamagara Eugenie aramubwira ati “Sha ndabona bitoroshye kandi Tycoon ntagira parapara bityo niba yafashe umwanzuro mwihorere dore ejo ni ugusubira ku ishuri kandi muzajya mubonana kenshi bityo uzamenya niba yarabikubwiye bimurimo cyangwa niba ari uburakari bwo kuba waramwiciye gahunda gusa. Ahubwo wowe ejo nugera ku ishuri uzahite ujya kumureba wumve icyo avuga..........

Sixbert Murenzi

Yisangize Inshuti.

Ibitekerezo 7

  1. nakunz umukobw yiga aca araheba ark je naramkunda cane ark we ntabwo yanyiyumvamw non mb4enz gute ko vyase ko ndamwibagira nkore iki andika kur gmail cank facebook ,tweter no kur61034239

  2. Muduhe n ibindi Bice we eeeeeee!!!!! Kararyoshye kabisa MAKURU KI muri abambere

Tanga Igitekerezo