Yabeshye ababyeyi ko agiye gushaka umushinga, yigira mu bagabo (igice cya 8)

11

Igice giheruka cy’iyi nkuru , ubuyobozi bw’ikigo bwari bumenye ko Tycoon yihereranye Sunny barimo kuryoshya ese baje kubababarira? Uko byagenze kose urabisanga muri iki gice cya munani cy’iyi nkuru.

....Aba banyeshuri bashigukiye hejo ubwo inzogera ya saa tatu, yo kujya kuryama, maze bahita basohoka mu gihe barimo gufungango bajye kuryama Perefe aba abaguyeho, Perefe byaramubabaje kuko atabafatiye mu cyuho ndetse ababajije ibyo umuzamu yari amaze kumubwira babihakana bivuye inyuma banamuseka cyane,maze ahita arakara arabirukana ngo bajye kuzana ababyeyi basobanure icyo bamaraga aho bonyine dore ko bitari n’umunsi w’amakuru ngo bivugwe ko bari barimo kuyategura.

,Mu gitondo cya kare Tycoon na Sunny bafashe inzira berekeza mu mujyi i Muhanga , ariko bataragerayo Tycoon yigiriye inama yo guhamagara mukuru we wari umushoferi watwaraga amakamyo ajya hanze ariko akaba yari atuye hafi aho i Muhanga.

Mu kumuhamagara yagize ati “Muraho? Nagira ngo nkubaze niba uri mu rugo kuko nari ntashye ndwaye.

Mukuru we aramusubiza ati “njyewe nagiye isafari ubu ndi hafi kwinjira mu Burundi ariko ugende ubwire wa mukecuru nyir’igipangu aguhe agafunguzo nakamusigiye kuko nateganyaga kuzagaruka nyuma y’icyumweru n’igice kandi ngo yashakaga kuzana umutekenisiye wo gushyira amazi mu nzu bityo nahisemo kukamusigira ngo bazabikore ariko niba ugiyeyo nta kibazo arakaguha.

Maze Tycoon ati “wampaye amafaranga nk’ibihumbi icumi ko nyashaka ngo nygure imiti?

Mukuru we yahise ayamwoherereza kuri telefone yirinda ko murumuna we hari ikibazo yahura nacyo.

Ibi byasaga nk’aho ari amahirwe adasanzwe kuri Tycoon kumva ko mukuru we adahari kandi yasize urufunguzo, maze abwira umukunzi we Sunny ati “Waretse tukagenda tukamarana icyi cyumweru kwa mukuru wanjye witwa KARISA ucumbitse i Gatenzi ko ambwiye ko adahari muri iyi minsi?

Sunny yabitekerejeho asa n’ushaka kwanga ariko Tycoon akomeza kumwinginga cyane ati “Wibuke ko wansezeranije ko utazambabaza kandi ubyanze waba umbabaje cyane?”

Sunny yahise abyemera aho gutaha i Kigali bigira kwibera i Gatenzi. Icyumweru cyose cyashize Tycoon na Sunny bameze neza cyane, maze igitondo kimwe bamaze gufata ifunguro mu gitondo Sunny aryama mu gituza cya Tycoon aramubwira ati “Ubu rero perefe aziko yaduhimye kandi nibwo yaduhaye kuryoherwa n’ubuzima bw’urukundo rwacu! Tycoon ndakwinginze ntuzampemukire ngo unyange kuko urabona ko umaze kungira umugore!urabizi tumaranye icyumweru nkufata neza nk’umugabo wanjye byose nabikoze kuko nkukunda, nizere ko utazarenga aho ngo umpemukire?”

Tycoon atazuyaje yahise amusubiza ati “Yooo humura rwose, byarutwa nkacika amaguru n’amaboka aho kugirango mpemukire umwari umuzira cyasha, Sunny wanjye nihebeye!Ni ukuri nagutuje burundu mu mutima wanjye no ku isi hose ni wowe mbona wenyine, ahubwo ubonye iyo perefe aba yaraduhaye ibyumweru byishi! Twari kuzicwa n’ibyishimo! Gusa mfite amatsiko y’umunsi twabanye tutikanga perefe.”

Buri bucye ibihano bikarangira, Sunny yahamagaye papa we maze aramubwira ati “Papa, nagirango mbabwire ko mukenewe ku ishuri bitewe n’uko perefe yasanze ndimo kwigana n’umuhungu maze aratubeshyera ngo twakoraga ibyangwa n’amaso y’Uwiteka, ubwo yahise atwirukana rero adutuma ababyeyi ariko nyine nanze gutaha nkajya nihisha ku ishuri kugirango nandike ibyo abandi bize ntahari nanga ko byazamviramo gutsindwa. Ubwo rero ejo muzaze ku ishuri gusa ni kwa kundi nakubwiye ko perefe yanga abantu bose dusengera mu badivantisite, ni nayo mpamvu yatugenzeho ntacyo twari twakoze kindi.

Mu gitondo aba bana basubiye ku ishuri bazindutse ngo se wa Sunny aze abasangayo, dore ko Tycoon yari yakodesheje umuntu uri bumusimburire umubyeyi. Ni uko se wa Sunny ahageze abanza kuganira n’aba bana arikoTycoon amubwiza ukuri ko akundana na Sunny ati “ariko ibyo dushinzja byo ntitwabikoze ahubwo ni rwa rwango banga abantu dusengera mu badivantisite”.

Ibi kubibwira uyu mugabo byari byoroshye guhita abyizera cyane ahubwo akishyiramo perefe kuko yari umuyoboke w’idini ukomeye. Ni uko ako kanya perefe ahita aza, maze ashinze abo bana agakungu no gukururana mu kigo, ni uko ubwo ababyeyi basaba imbabazi cyane maze perefe abategeka gusinyira ko bakundana bityo Sunny niba aramutse atwaye inda Tycoon n’ababyeyi bakazirwariza.

Abo bana n’ababyeyi bahise babisinyira n’ubwo kuri Tycoon we yumvaga ari nko gukina kuko yakundaga Sunny nk’uwasaze ati “ubonye iyo biza kuba gusinyira kubana iteka ahubwo?”

Guhera ubwo inkuru yabaye kimomo mu kigo, maze na FURAHA abona neza ko Tycoon yamubeshye nibwo baje kwangana urunuka kuburyo batongeye kuvugana ukundi mu buzima bwo ku ishuri bapfuye uwo mukobwa.

Icyakora n’ubwo byari bimeze gutyo,Urukundo rwo rwarakomeje hagati ya Sunny na Tycoon kuburyo nta we utarabimenye mu kigo ndetse n’umuyobozi w’ikigo yaje kubimenya byose bishingiye kuri raporo yahawe na perefe ivuga kuri abo bana.

Igihe mwarimu yabaga yigisha aba bana babaga bisakuriza akenshi na kenshi Sunny yabaga aryamye mu gituza cya Tycoon ndetse nta n’isoni bagiraga z’ababareba. Gusa ibi byababazaga FURAHA cyane iyo yabonaga ibyo bikora nubwo ntacyo yashoboraga kubikoraho.

N’ubwo byari bigoranye kubera imyitwarire yabo, aba bana baje gusoza amasomo kuri iki kigo, maze bitabira ibizamini bisoza amashuri yisumbuye, kuri bo gutsinda byari nko gukina kuko nubwo batigaga neza ariko bari abahanga cyane, kuburyo ubwo amanota y’abanyeshuri bakoze ibizamini yasohokaga basanze bose bemerewe kujya kwiga muri kaminuza.

Bageze hanze y’ikigo urukundo rwabo rwarakomeye cyane Tycoon yerekana Sunny mu muryango ndetse ababwira neza ko ariwe mugore we w’ahazaza, na Sunny ntiyazuyaje yajyanye Tycoon mu muryango we dore ko papa wa Sunny yari yarakunze uyu musore cyane.

Nubwo byari bimeze gutyo, ikibazo gikomeye cyaje kuvuka igihe kaminuza y’urwanda yasohoraga urutonde rw’abemerewe kuyigamo uwo mwaka, kuko Sunny yasanze bamuhaye kwiga muri kaminuza y’u Rwanda mu ishuri rikuru nderabarezi, aho yari yahawe kwiga uburezi, naho Tycoon bamuha kujya kwiga muri kaminuza nkuru y’u Rwanda ishami rya Huye aho yari yahawe ibijyanye no kwiga amategeko. Ibi nti byari ikibazo kuko gutanya Tycoon na Sunny byari bikomye kuruta gutandukanya isukari n’amazi!

Kuri aba bana byari amarira gusa kuko nta washoboraga kwiga ari kure yundi kuko urukundo bari bafitanye rutabemereraga kumara ukwezi batabonanye.Tycoon yahise afata umwanzuro wo kwandikira ubuyobozi bwa Kmainuza y’u Rwanda asaba guhindurirwa ishuri na we agahabwa kwiga mu ishuri rikuru nderabarezi.

Sixbert Murenzi

Yisangize Inshuti.

Ibitekerezo 11

  1. niba koko ibi aribyo atari inkuru ziraho,abakundana bikigihe bakigiye kuri aba bana
    muduhe akandi

  2. 1 | 2

Tanga Igitekerezo