Yabeshye ababyeyi ko agiye gushaka umushinga, yigira mu bagabo (Tycoon abaye umutinganyi)

12

Mu gice giherutse, Jacques yari arimo asaba Tycoon ko yamwemerera bakajya baryamana bahuje ibitsina, ese yaje kubyemera?

.....Nta mwanya na muto Tycoon yigeze afata wo kubitekerezaho kuko yahise yemerera Jacques kujya bikoranira urukundo kuko nawe yari yari amaze gutera icyizere abakobwa n’abagore ikizere.

Guhera ubwo Jacques cyabakobwa yahise aba umugore wa Tycoon maze batangira gutingana karahava. Ubu buzima ni bwo bwashimishije Tycoon kuko nta na rimwe Jacques yigeze amutesha umutwe nk’uko abakobwa babigenzaga.

Nyuma y’igihe gito Jacqes yarangije kwiga muri maze ajya gukodesha i NYAMIRAMBO, ariko nabwo nta cyumweru cyashiraga batabonanye kuko Tycoon yasozaga amasomo akajya i Nyamirambo kureba Jacques.

Umunsi umwe byari ku cyumweru ubwo Tycoon yajyaga gusura Jacques, ariko ku bw’amahirwe make asanga Jacques adahari dore ko Tycoon yanagezeyo umuriro wamushiranye muri Telefone.

Igihe Tycoon yari ahagaze mu gipangu akibitekerezaho, abona umukobwa aturutse mu gipangu cy’imbere, yari umwari ushinguye, ufite hasi heza, ufite mu gatuza haringaniye, mbese w’ikimero cyiza cyane.Yari umwari wujuje byose byatuma umukobwa yitwa mwiza.

Uwo mukobwa yaje amwenyura na bibiliya mu ntoki, yari yambaye n’agakanzu keza k’umutuku kagaragaza umubiri we neza, maze asuhuza Tycoon aramubaza ati” ko mwaheze inyuma y’urugi se?” Tycoon ati”ndashaka umusore uba hano kandi terefone yanzimiyeho”

Kevine yahise amutiza cagi amwereka aho acomeka ku ibaraza ariko abanza no kumuhamagarira Jaques kuri telefone ye mugihe iya Tycoon itari yajyamo umuriro, maze Jacques amubwira ko yari yagiye muri siporo arimo kuza.

Kevine warebaga Tycoon icyoroshye yamusezeyeho amubwira ko agiye gusenga , Tycoon ati:”usengera he se, uziko utananyibwiye?”undi ati: “ Yoo! Ihangane nitwa Kevine ubu ngiye k’urusengero rwa ADEPR hariya hirya.”

Tycoon yahise amubaza ati “umuntu w’umwana se agira idini ko asigara ku rugo?”Kevine araseka aramusubiza ati” si ndi umwana ,uziko njyeze mu wa kane w’amashuri y’isumbuye ?uransuzuguye kwita inkumi y’imyaka cumi n’irindwi umwana !gusa ndakubabariye !, ariko impa nimero yawe Jacques natinda nze kukubaza nze mbe nkuganiriza ,utagira irungu!” nuko Tycoon ahereza Kevine nimero ye.

Kevine yagiye yakunze Tycoon cyane yivugisha mu mutima ati: “mbega igisore cyiza mana we! Gifite ubwanwa bwiza gusa! Umva ko nakatiye beshi uriye sinazuyaza ngize Imana akansaba urukundo!” Gusa ariko Kevine yahise agire ubwoba yibutse ko mu gipangu bizwi ko Jacques ari umutinganyi, ni ko gukeka ko yaba na Tycoon ari uko.

Tycoon akimara kubonana na Jacques bakoze ibyabo barizihirwa nk’ubusanzwe, nyuma yaho Tycoon ataha Kevine ataraza nibwo Tycoon yasigiraga ya cagi Jacques ngo ayimuhere uwo mwari.

Kevine avuye gusenga yasanze Tycoon yatashye biramubabaza maze aramuhamagara aramuganiriza, gusa atungurwa no kumva Tycoon atamubwira ibyo kumutereta nk’uko abandi bahungu Kevine yavuganaga nabo byagendaga. Ni uko Kevine aravuga ati:”ubanza uyu umuhungu atameze nk’abandi! Hahirwe umukunzi we ubanza atamuca inyuma!”gusa Kevine ntiyacitse intege ahubwo buri gitondo yabazaga Tycoon uko yaramutse na nimugoroba akamwifuriza ijoro ryiza.

Baca umugani ngo imfusha ntibara ibirago, nyuma y’ibyumweru bibiri nibwo Tycoon yakiriye amakuru ngo Jacques arwariye mu bitaro bya CHUK ngo ndetse yararembye kuko bari basanze yaraboze urura runini (Gros intestinaux) maze ako kanya Tycoon ahita ajya ku mureba agezeyo asanga bamaze ku mwinjiza mu cyumba babagiramo, mu gahinda keshi muganga wamubagaga yasohotse avuga ko birangiye ubwo bageragezaga kumukorera operasiyo(operation) bwa kabiri Tycoon yapfushije umugore gabo we yari amaze imyaka itatu bakundana banaryamana.

Byari amarira meshi ku munsi wo gushyingura Jacques. Iwabo wa Kevine nibo babigizemo uruhare kuko yabaga mu gipangu cyabo kandi yari imfubyi nta n’umuryango yagiraga uretse Tycoon.

Ubwo bari ku irimbi Tycoon yahasutse amarira atagira ingano kuburyo abantu bose babibonye neza ko yatinganaga na Jacques, ariko ibyo nta cyo byari bibwiye Tycoon kuko ubwo abandi batahaga we yagumye ku gituro cya Jacques aboroga cyane, nta cyo na Kevine atakoze ngo ahamukure atahe ariko arabyanga, maze kuko Kevine nawe yumvaga atava iruhande rw’umusore yari yikundiye yanga kumusiga barahararana!

Murenzi Sixbert

Yisangize Inshuti.

Ibitekerezo 12

  1. hhhhhhh, Tycoon agize amahirwe agiye kugaruka ibuzima nizere ko uwo mwari atazamutera agahinda nkabandi. mujye musohora Episode 3 mucyumweru bavandi. thnx

  2. 1 | 2

Tanga Igitekerezo