Wakwigarurira umutima w’uwo ukunda uramutse umukoreye ibintu bikurikira

25

Buri musore wese aho ava akagera hari ibintu bimunyura cyane cyane iyo afite uwo yihebeye mu rukundo ni muri urwo rwego twabakusanyirije ibintu by’ingenzi umukobwa yakorera umuhungu agahita amusaba ko bibanira akaramata nk’umugore n’umugabo

1. Mukunde kandi ubyerekane no mubandi

Nikenshi umuntu aba afite uwo akunda ariko ugasanga ni we ubwe umuzi gusa kandi mu byukuri ufite inshuti nyinshi n’abavandimwe, ibi bikurura urwikekwe ko waba umutendeka kuko uba utanyuzwe no kumwereka abandi ngo bamubone, ni na yo mapmvu wumva abantu bavuga ngo abakobwa b’ubu baratendeka n’ibindi nk’ibyo.

Wowe rero mwereke itandukaniro ryawe n’abandi ahubwo mukunde, umuteteshe, umwereke ko ufite ishema rye mu bandi kandi umwerekane mu nshuti zawe n’abavandimwe. Nubikora neza azumva ko ntaho yagusiga ajya kandi yumve ko ntacyo yakuburanye yaba ajya gushaka ahandi.

2. Irinde kumuhoza ku nkeke no kudashima ibyo akora

Nubwo ntabyera ngo de, hari igihe urengera bikagaragara ko wakabije, simvuze ko umukunzi wawe nakora ibidakwiye uzaceceka ngo nukwanga kumuhoza ku nkeke, oya! uzamugaye ariko mukinyabupfura Wowe uhera ku byiza bye ukajya umushima noneho ibyo atakoraga neza akabikora neza agirango ashimwe aho kubikorera ko wamutonganyije.

3. Mukunde nk’uzapfa ejo

Uramutse ubizi neza ko ejo utazaba uriho, buri kimwe wagikorana imbaraga zawe zose kandi ni ngombwa. No mu rukundo rero hakenewemo gushyira imbaraga mu byo ukora, niba umukunda bimwereke kandi umwereke ko nta wundi umuruta mu maso yawe, gerageza kujya umukorera utuntu mbese wumva ko nta wundi wabasha kutumukorera ndetse ko n’uwabigerageza atageza ahawe, uba umwifatiye rwose aragenda agatwarwa umutima we akawukwegurira.

4. Menya kumutetesha

Ntugatekereze ko ibyo gutetesha ari iby’abana gusa, reka da! mu rukundo tubaho nk’abana bato, aha usanga abantu bitana utuzina nka bebe, sweet, honey, pacu, n’utundi twinshi, mu rwego rwo kwereka uwo ukunda ko umuha agaciro kandi ko ari ingenzi cyane kuri wowe, jya umutetesha.

5. Kora uko ushoboye yiyumve nk’umugabo uhamye

Burya abasore n’iyo baba batarashaka baba bifuza kwitwa abagabo. Niba umukunzi wawe mutarabana, hari uburyo wajya umwereka ko ari umugabo kandi ntacyo abura ngo abe umugabo nyawe n’ubwo igihe cyo kubana cyaba kitaragera.

Mwite papa w’abana uzabyara, nimugirana gahunda umubwire uti umugabo ni we ufata umwanzuro mu rugo, nimuba muri kuganira umubwire uti mbona uzambera umugabo w’igitangaza,... Ibyo byose bigenda bituma yiyumva nk’uwarangije kuba umugabo wawe kandi akumva ko akwiye kubiharanira kugeza abigezeho.

6. Gerageza kuba isoko y’ibyishimo n’umunezero bye

Burya iyo umuntu uwo ariwe wese atekereza ibyo kwinjira mu rukundo, nta kindi kintu aba ashyize imbere cyane kitari ugushaka umunezero n’ibyishimo biva mu rukundo.

Gerageza rero wowe mukobwa, ukore ibishoboka byose umushimishe kandi burya abasore ntibagorana, kumuganiriza, kumubwira utuntu twiza wabonye, kumubwira udukuru dushimishije byose bimutwara umutima akumva ko ari wowe soko yavomaho umunezero buri gihe.

7. Wikumva ko wageze iyo ujya ngo uterere agati mu ryinyo

Abakobwa benshi ndetse n’abagore, iyo bamaze igihe kinini bakundana n’abakunzi babo hari ubwo bajya bakora ikosa ryo kumva ko bafatishije, ko hari ibitakiri ngombwa ko bakora kuko barangije kwizera ko bakunzwe.

Oya wikwishuka rwose, urukundo ni nk’umuzabibu ukenera kuhirirwa, kuvomererwa no gufumbirwa na nyuma y’uko wera imbuto. Nunamara kuba umugore, uzakunde kuzirikana cyane bya bintu wakoraga kera ugirango umushimishe kuko niba biri mu byamunyuze akumva ko mwanabana akaramata, ni uko nyine na byo yabyifuzaga iteka. Wicika intege rero kuko urukundo rukeneye guhora rwuhirirwa iteka.

8. Mwereke ko unyurwa n’ibyo agukorera

Abahungu burya banga abakobwa babashyiraho ibikangisho, bamwe baba bababwira ngo nudakora iki bizagenda gutya, ngo uramutse ukoze ibi ibyanjye nawe byahita birangirira aho, ngo nukora iki ntuzongere kumvugisha,... Wimuzanaho ibikangisho umwereka ko akwiye guterwa ubwoba n’uko wamwanga kuko watuma abikorera icyo cyangwa we agahita akureka. Menya kumwubaha no kumwereka ko ari we mwanzuro w’ubuzima bwawe.

Ibi byose nubikora ntakabuza uzaba wubatse urukundo rwiteka mu mutima w’uwo mukundana kandi biroroshye ku mukobwa wese uzi icyo ashaka ahasigaye ni ahanyu!!

Yisangize Inshuti.

Ibitekerezo 25

  1. Nivyo Urukundo Rukeney Kuvomererw Ataruko Naho Ruratituka Murakoze Kuza Muraduha Inyigisho

  2. Nivyo Urukundo Rukeney Kuvomererw Ataruko Naho Ruratituka Murakoze Kuza Muraduha Inyigisho

  3. Ni byiza ariko hari abakwereka ko bagukunze bagakora ibyo mutubwiye byose ariko ari uburyarya nge ibyo byambayeho muzambwire mbahe ubuhamya

  4. urukundo ni nka thermometre ruratituka kenshi kuko umusore canke umugabo niwe afote inshingano yo gukunda umukobwa ivyo reto wavuze vyibanze umugore ayrgerezwa kwiyubara bbenshi indimi zabo xorsbsta ugasanha bavuzr ivyo bishakiye kenshi na krndhi vyo gukangisha ngo agite akazi ngo iwabo batatunze kandi utigera ija gutorayo ration canke ngo we aradsndanza ngo ntaco abuze ivyo usanga batirimutse abagabo nabo naho yosaza ntapfa yibagiwe uwamubwiye ijambo rya gasixugito ugaca usanga rwa rukindo rwagiye rugabanuka ni mwodogo mwinshi y umugabo.

  5. 1 | 2 | 3

Tanga Igitekerezo