Kwamamaza

URUKUNDO

Uwo rushatse ruramusanga (Igice cya Munani)

Yanditswe

kuya

Uwo rushatse ruramusanga (Igice cya Munani)

Mu gice cya Karindwi (kanda HANO ugisome) twasize Media atarumva neza impamvu Papa we yishimiye ko Esther akundana na Micheal. Ese urukundo rwa Esher na Micheal ruzakomeza cyangwa ruzakomwa mu nkokora? shira amatsiko muri iki gice!!!

Mumasaha y’ikiruhuko cya saa sita Cyusa yakiriye Paccy mu biro bye maze aramubwira ati:"Paccy ko mbona unsuye mumasaha y’akazise?" maze aramusubiza ati:"ariko turi mumasaha y’ikiruhuko!" akomeza amubwira ati:"none se Cyusa wambabariye ukaza tukajyana ahantu nimugoroba!"

Cyusa yahise atangira kwisekera aramubaza ati:"ufite menshi ko njye ntajya mfata rimwe gusa?"Maze Paccy aramusubiza ati:"Cyusa n’aho wansaba depot yose nayiguha ahubwo nibaza niba wayakira kuko nagerageje kukwirukaho kenshi ariko wowe wanyeretse ko uzi kwiruka cyane kundusha kandi ufite indi ntego igutera kwiruka!" nuko Cyusa ahita amubwira ati:"Twahugiye mu biganiro byawe nibagirwa kukubwira ko bidashoboka, rwose umfashije wareka tugashaka undi munsi kuko ndumva uyu munsi ntameze neza!"

Ku kazi Esther yahamagawe na muzehe (papa we) maze aramubwira ati:" mpoze nganira na murumuna wawe Media twemeranyije ko nimugoroba turahurira hano ngo adufitiye ijambo!" maze Esther ahita amubaza ati:" none se agiye kutwereka umukunzi!" nuko muzehe aramusubiza ati:"nawe ntawe uratwereka kandi ari wowe mukuru!" ariko Esther aramusubiza ati:"njyewe ndacyabyigaho nzaba mbabwira vuba aha!"

Bakivugana Media ahita ahamagara Esther aramubwira ati:"witeguye utese ikirori cy’umunsi w’isabukuru y’amavuko ya Leila? Maze Esther aramusubiza ati:"umpamagaye maze kubwira papa ko ntaza kuboneka muri gahunda wari wadupangiye kandi aranyemereye ndetse ambwiye ko tuyimurira ejo!"maze Media ahita amubaza ati:"ariko numvise ngo Micheal ari buze kwerekana umukunzi we?" nuko Esther aramusubiza ati:"ibyo simbizi kandi niba ariko bimeze turaza kubimenya!"

Ntibyatinze amasaha y’ikirori aragera maze Leila afata ijambo ashimira ubwitabire bw’abaje maze akomerezaho asaba imbabazi agira ati:"mumbabarire ko nababeshye ko uyu munsi ari isabukuru yanjye ahubwo ukuri guhari ni uko Micheal ashaka kubereka umukunzi we!" arongera ati:"ubwo rero umwanya ni uwe!"

Micheal yaraje arababwira ati:"iyaba mufite aba yicaye iruhande rwanjye ariko siko biri!" akomeza agira ati:"ntabwo aho ari mushobora kumubona kuko ntan’umwe muri mwe ushobora kureba uko ndeba ariko nahagera ndamubereka kandi ndabizi muraza kumwishimira!"

Abari aho bamwe batangiye kuvuga bati:"ese yarakize ko twumva ibyo avuga bitumvikana!" abazi ibye na Esther batangiye kuryana inzara abandi batangira kubaza Esther bati:"ese agukoze ibiki?" ariko Esther arabihorera nuko yumvise bamurembeje ahaguruka nk’umuntu uri guhamagara kuri telephone maze arigendera aba ahagaze hanze, ariko agezeyo Cyusa amusangayo aramubaza ati:"ubundi waje tukigendera urumva ibingibi ari ibintu yaduhamagariye koko?

Cyusa yakomeje guhatiriza Esther ashaka ko bigendera ariko Esther aramubwira ati:"Cyusa ndagirango nkubwire ko gukunda ari kimwe no gukundwa bikaba ikindi!" akomeza agira ati:"ubwo rero wikitwaza ko unkunda ngo ushake kuntwara uko ubyumva!" ariko Cyusa akomeza guhatiriza amubwira ati:"none se ko na Micheal wimariyemo birangiye akwanze urambwira ko uri kumpora iki?"

Ariko Esther ahita aramubwira ati:"Cyusa naho Micheal yanyanga ntabwo nagukunda kuko igihe cyose nakomeje kuguhakanira ahubwo ibyo uri kunkorera bitangiye gutuma aho kugukunda nkwikanga!"

Cyusa yakomeje kumubwira ati: "Icyo nzi cyo nushaka uze twigendere utarasebera mu maso y’imbaga iri hano, nakweretse kenshi ko ngukunda, mbikubwira kenshi ariko uranga uyobya umutima wawe n’intekerezo ubiyobereza ku muntu utandusha amafaranga, utandusha ubwiza, utandusha akazi keza, utandusha kuberwa yewe na ko uretse no kuberwa ndanamurusha igikundiro. Njye nyoberwa n’icyo wamukurikiranyemo!

Esther yasubije Cyusa amubwira ati: "Nushaka witake ugeze he, ibyo ntakubonyemo cyera ntabwo nabibona ari uko ubivuze, ibyo wowe wivugaho hari undi musore nabibonyeho kandi ndabizi na we arankunda ariko nakubwiye ko niyo yanyanga ntakundana nawe kuko kuva na kera sinigeze nkugiririra urukundo habe n’urw’ikigoroba kimwe!"

Cyusa yakomeje kumubwira ati: "Ariko Esther wabaye iki koko? Iyo ubona waragiye kwiga nkagutegereza, nkabenga abakobwa bose banyirukansaho, nkanga gutereta n’abandi bakobwa nahuye na bo bose, ubwo koko wumva utarimo kumpemukira?

Esther yaramubwiye ati : "njye nta gihemu niyiziho kuko sinigeze nkubeshya urukundo! Nakubwiye ko nakunze umuntu umwe kuva menye ubwenge kandi sinzamuhindura. Ahubwo niba ugiye igendere ureke guta umwanya n’amagambo yawe, genda wenda urahura nundi."

Maze Cyusa ahita yicara hasi abwira Esther ati:"Esther natakaje amahirwe yose nagiye mpabwa n’abandi nibwira ko uzankunda ariko birambabaza cyane iyo undutisha uriya musazi!" Esther akimara kumva ayo magambo yahise amubwira ati:"mva mu maso udatuma ndakara!" nuko Esther ahita yisubirira mu nzu ahaberaga ibirori.

Micheal yakomeje ijambo rye maze arababwira ati:"nk’uko nabibabwiye rero ubu ni umwanya wo kubamurikira umukunzi wanjye usibye ko ntanuwo mfite!" arongera ati:"muby’ukuri amagambo mvuze ashobora kubatungura ariko ntagitangaje kirimo ahubwo nashakaga kubabwira ko mfite umukobwa nakunze, sinatinye kubimubwira ahubwo nashatse kubanza nkavuga ibyiza bye noneho nkazamubwira ko namukunze ariko isi yose izi ibyiza bye!"

Akomeza agira ati:"afite umutima utandukanye n’uw’abandi kandi afite ubwiza buruta ubw’abaremwe bose kuko ni we undutira ababayeho n’abazabaho !" arongera ati:"ariko mbere yo kumubereka reka mbanze nshimire Esther muganga wankurikiranye mu burwayi bwanjye ndetse musabe yigire hino amfashe kwakira umukunzi wanjye mbona ageze kumuryango yinjira!" Esther yarahagurutse maze yegera Micheal nuko abari aho bose batangira kwitegereza hirya no hino bareba ko babona uwo mukunzi wa Micheal.

Esther ageze iruhande rwa Micheal yahise atuza na we ngo arebe umukunzi wa Micheal maze Micheal aravuga ati:"umukunzi wanjye iyo ampagaze iruhande ibinezaneza bifatanya n’akanyamuneze kumbuza amahwemo maze ngatangira kuririmba ariko uyu munsi ndatuje kuko ngiye kumubwira akandi ku mutima!"

Micheal yamaze umwanya asukiranya imitoma maze ageze aho akora mu mufuka w’ishati yari yambaye akuramo impeta nuko arapfukama maze afata ikiganza cya Esther arayimwambika nuko akimara kuyimwambika abari aho bose bakoma mumashyi barangije arababwira ati:"nguyu uwo nakunze kandi nanyanga nzaba mbuze malayika murinzi kuko yatabaye ubuzima bwanjye ariko kandi ndamusaba ko niba atabyemera yabivugira imbere yanyu maze ngashoka mukiyaga kuko nta kindi naba ntegereje!"

Esther yananiwe kwihanganira imbere y’abobantu maze aramuhagurutsa maze amusoma ku itama maze aramubwira ati:"Micheal ukurwanya nanjye ntaba ambaniye! Ndagukunda, naragukunze kandi nzahora ngukunda none n’iteka ryose! Abanyirukagaho bamenye ko nafashwe kandi namaze guhitamo!!!!"

Umunsi wakurikiyeho Paccy yari yasuye Esther nuko batangira kuganira maze Paccy aramubwira ati:"Sha wowe na Micheal gahunda zanyu mwari mwazipanze neza!" nuko Esther aramubaza ati:"gute se?" akomeza agira ati:"uwakubwira ukuntu numvise binyobeye avuzengo njye kumufasha kwakira umukunze we!" ariko Paccy ahita amubwira ati:"ubwo rero ugiye kumbwira ko atari yakubwiye ko arakwerekana!"

Esther yaramusubije ati:"ahubwo naribajije nti:"ubu koko Micheal ari kumpora iki ku buryo ambwira kwakira umukunzi we! Nibajije ukuntu ngiye guseba imbere y’abantu harimo n’abo nabenze nkumva sindibubashe kuva imbere ntituye hasi pe!" akomeza agira ati:"nukuri ngirango uko yari abivuze iyo biza kuba ariko bimeze mba narahise njya kwiyahura kuko ntari gushobora kubyakira!" nuko Paccy ahita amubwira ati:"niba nawe sha !" akomeza agira ati:"ubu noneho ushobora kumva uko umutima wanjye umerewe mugihe Cyusa atarambohora!"

Paccy yavuye iwabo wa Esther ahita ajya kukazi avuyeyo ajya kureba Cyusa nuko agezeyo arakomanga abura umukingurira nuko agiye kwinjira akubitana na Cyusa nuko Cyusa ahita amubwira ati:"Paccy ndakwinginze va hano!" ariko Paccy akomeza guhatiriza ariko bigeze aho Cyusa asunikira Paccy hanze maze aramubwira ati:"va hano kuko ndumva ntameze neza! Kandi nutinda kugenda ndaguteza abantu"

Paccy yabonye ko Cyusa yababaye yibwira ko nakomeza kumwinginga akamuha akanya ari bukore uko ashoboye kose akamukura mu gahinda, maze akamuhoza amarira yatembaga ku mutima we. Gusa Cyusa yageze aho yanga no kongera kumuvugisha ariko Paccy akomeza kumwegera ashaka kumukorakora ngo amwiyegereze aramubwira ati:"Ariko musore utagira uko asa wampaye byibuze umunota umwe nkakubwira ikinzanye?" ariko Cyusa aramwihorera ndetse arakinga amusiga hanze!

Cyusa yakomeje kwibwira mu mutima we ko ashobora gufatanya na Media bagateranya Micheal na Esther kugirango azakunde yegukane Esther, ibi Cyusa yumvaga azabigeraho bitewe nuko na Media yari amushigikiye!

Ntimuzacikwe n’igice kizakurikira!!!!

Yanditswe na Ndayisaba Simeon

IBITEKEREZO

  • batamuriza Yanditse:

    Mbega cyusa niyicare atuze akunde umukunda pe

  • neza Yanditse:

    CYUSA ARIBESHYA RWOSE AJYE AKUNDA UMUKUNDA KUKO UWO AKUNDA AKUNDA ABANDI

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza