Kwamamaza

URUKUNDO

Uwo rushatse ruramusanga (Igice cya Gatandatu)

Yanditswe

kuya

Uwo rushatse ruramusanga (Igice cya Gatandatu)

Mu gice cya gatanu (kanda HANO ugisome) twasize Esther na Media bamaze gushwana ndetse benda no kurwana, ibi byakurikiwe nuko Media yahise amenagura ibintu byose byari biteguye muri Salo y’iwabo nyuma yo kubona ko Esther na Micheal bajyanye. Kurikira uko byakomeje kugenda.....

Micheal na Esther baragiye bagera kwa muganga kuko niho Micheal yagombaga gutaha kugirango akurikiranwe neza. Nuko Esther amusezeye ngo atahe Micheal aramubwira ati:"ngusabye kutongera kurwana cyangwa kwiteranya n’umuvandimwe kubera umuhungu w’umusazi kuko ibyo wankoreye birahagije kandi si ngombwa ngo witeranye n’umuryango.

Ariko Esther aramubwira ati:"Micheal ntacyo ndakora kuko icyo narangije ni inshingano ubwo rero igisigaye ni ukubaha amarangamutima yanjye kandi ntuzanenge kubw’icyemezo mfashe!" ariko Micheal aramusubiza ati:"oya nakubwiye ngo birahagije kuko maze kubona ingano y’ibyo unkorera ntazabona icyo nkwitura gusa Imana izabe ariyo ikwitura kandi wihangayika kubwanjye genda wiyunge n’umuvandimwe!"

Ariko Esther aramubwira ati:"Micheal ndi hano ngo nkore ibishoboka ntuhangayike ninayo mpamvu ngomba guhangana n’ibikurwanya ntitaye kuhantu bizaturuka kandi nzakurwanaho kugeza ............!" atarakomeza Micheal ahita asinzira kuko yari ananiwe kandi n’imiti yahabwaga mbere yajyaga imugaruka maze agacika intege kenshi agasinzira bisa naho bitunguranye.

Media yahise ajya kureba Cyusa maze aramubwira ati:"igikorwa wantumye kiragenda gitungana kandi nzi ko intambwe nateye igiye gutungana ubwo rero nawe ukore ibishoboka byose kuburyo Paccy atazigera amenya ko njye nawe dufatanyije hato atazavaho andwanya kandi uzi ko njye na we turi inshuti z’amagara!!"

Cyusa yaramubwiye ati:"ibyo nta kibazo kandi uzi ko ndi umuntu w’umugabo ahubwo reka tugende ujye kunyereka aho wagejeje mbone uko nguhemba aya mbere!" maze baragenda. Barihuse n’imodoka nuko bagera iwabo wa Media na Esther nuko bakihagera basanga papa wa Media yashobewe ari kujya yinjira munzu akongera agasohoka maze Cyusa ahita amubaza ati:"mbese byagenze bite ko mbona mwahangayitse?" nuko uwo musaza akurura Media amujyana munzu aramubaza ati:"ibi ni ibiki mbona?" maze Media ahita amubwira ati:"byakozwe na wa mushyitsi w’umukobwa wawe!"

Ubwo na Cyusa yahise yinjira kuko bavugaga cyane maze akubise amaso ukuntu ibintu byo munzu byamenaguritse ahita atangara ati:"ese ubu uyu muntu yari agamije iki koko ?" arongera ati:"wagirango yari yasaze !" nuko Media ahita avuga ati:"ahubwo ni umusazi!" ariko akivuga atyo uwo musaza yariyumviriye maze areba Cyusa akomeza kumwitegereza maze ahita avuga n’ijwi ryuje uburakari ati:"mvanira hano uyu muntu wasanga nawe ntaho atandukaniye n’uwahabanje kuko abashyitsi munzaniye ibyabo simbyumva!" Cyusa yabonye uwo musaza yarakaye maze asohoka yiruka ariko ahurira na Esther mu muryango gusa ananirwa kumuvugisha kuko yari afite ubwoba.

Iminsi yakomeje Guhita indi irataha umwuka utari mwiza iwabo wa Esther ndetse na Media kuko Media yakomezaga gushinja Micheal ko ari we wangije ibikoresho byo mu rugo iwabo,gusa Esther agasobanura ko atari we kuko no mu gihe Micheal yari arembye cyane atigeze akora ibikorwa by’urugomo.

Cyusa na we yakomeje gukora ibishoboka byose kugirango Esther amukunde, ngaho kumusura kenshi, kumuhamagara ndetse no kumuha impano, nuko umunsi umwe ahamagara Esther aramubaza ati:"ese nimugoroba wambonera umwanya ko nagushakaga?" maze Esther aramusubiza ati:"nimbona umwanya ndakubwira!"

Maze ahita amubaza ati:"ko umbwiye ngo nubona umwanya uraba uri gukora iki?" nuko Esther aramusubiza ati:"mfite abantu ngomba kwitaho maze ibyo byarangira hari n’inama dufitanye n’umuyobozi ubwo hanyuma ndakubwira tubonane!" nuko Cyusa aramubwira ati:"sha wihangane umpe umwanya naho waba umunota umwe nawemera ariko nkakubona!"

Ku kazi Media na Paccy baganira Paccy yabajije Media ati:"nones Esther amaze ati?" nuko Media aramusubiza ati:"Sha mbona na we amaze gusara kuko ubu noneho asigaye yirirwa yiruka inyuma ya wa musazi we ngo ni umusheri !"(cher) ariko Paccy aramusubiza ati:"Media reka guhimbira undi mwana kuko ntabwo yakora ibintu nk’ibyo ahubwo wowe witiranya kuba avura umuntu no Kuba bakundana!"ariko Media aramusubiza ati:" Ok. noneho reka azabanze agutware Cyusa ubwo noneho uzasobanukirwa agakino ari gukina!"

Ariko Paccy aramusubiza ati:"umva nkubwire, Esther ubwe yanyibwiriye ko atamukunda kandi yanansobanuriye ko afite undi akunda usibye ko atambwiye uwo ariwe!" ariko Media aramubwira ati:"wowe uze kuza nimugoroba nkwereke aho araba ari uraza gusobanukirwa ibijya mbere!"

Kwa muganga Esther arimo aganira na Leila nuko Leila abaza Esther ati:"nonese ubona Micheal azataha ryari?" maze Esther aramubwira ati:"reka nkwibire akabanga!" maze akurura Leila amujyana ku ibaraza ry’inyubako maze aramubwira ati:"nimugoroba dufitanye inama n’umuyobozi w’ibitaro kandi nzi neza ko ari nabwo turemeza ko Micheal agomba gusezererwa!"Leila yarishimye cyane maze abaza Esther ati:"nonese buriya tuzaguhemba iki ko mbona ibyo udukoreye ari ukuzura musaza wanjye nacyane ko wumvaga yemeza ko yapfuye?" ariko Esther aramusubiza ati:"ziriya zari inshingano zanjye, ubwo rero nta mpamvu yo kunshima cyangwa kumpemba!" bakiri muri ibyo Micheal ahita ahagera abaza Esther ati:"Mukunzi kuki utigeze umbwira ko mushiki wanjye yaje kunsura?"

Esther ataravuga Leila yabaye nk’utunguwe maze abaza Esther ati:"avuzengo umukunzi cyangwa umuvuzi?" ariko Micheal aramubwira ati:"Leila wimfata nk’umusazi kuko narakize kandi nzi ibyo ndi kuvuga kuko uwamvuye nabonye akwiye kwitwa umukunzi kuko umuvuzi ridahagije gusa ntubigire birebire kuko ntakindi kibyihishe inyuma!" ariko Esther ahita amubaza ati:"nonese kuki umusabye kutabigira birebire?"Nuko Micheal aramubwira ati:"ndabizi yahita atangira kubibwira abahisi n’abagenzi kandi uzi ko njye nawe kuva mubwana turi inshuti zisanzwe kandi ibyo ntawubiyobewe!"

Nuko Leila yisekera aramubwira ati:"Esther yakuvuye ubundi burwayi ariko ubu igikurikiyeho ni ukukuvura intinyi kuko ndumva ufite ubwoba bw’indengakamere!" ariko Esther ahita avuga ati:"Leila ubwo rero ba uganira na musaza wawe njyewe ngiye mu nama turasubira mu kanya!"

Ntibyatinze noneho Esther ahurira na Cyusa hahandi bavuganye nuko batangira kuganira maze Cyusa aramubaza ati:"Umurwayi wawe ameze atese?" maze Esther amusubiza ariko anamubaza ati:"nonese ko mpura na benshi ndamenya uwo umbajije ari uwuhe?" nuko Cyusa aramusubiza ati:"navuze umwe baguhaye ngo umwiteho by’umwihariko bityo nawe ukamwitaho by’umwihariko!" Esther ahita avuga ati:"Ehhh uravuga Micheal!"Akomeza agira ati:"Micheal ameze neza kandi twamusezereye kuko ibizamini byerekanye ko ari muzima ubu yagiye gufatanya na mushiki we kwita ku mitungo ababyeyi babo babasigiye ngo barebe ko na bo bakwiteza imbere!"

Maze Cyusa aramubwira ati:"reka tuvuge ko gahunda yo kumwitaho irangiye ubwo rero ndumva hakurikiraho gahunda yo kunyitaho nanjye!" maze Esther ahita ashigukira hejuru niko kumubaza ati:"nonese nawe urarwaye ?" arongera ati:"wafashwe ryari?" akomeza agira ati:"ubwo rero uzaze nawe tugukorere ibizamini tubone uko tukwitaho tuzi icyo urwaye!"

Ariko Cyusa aramubwira ati:"oya yewe si ibyo navuze!" akomeza agira ati:"indwara ndwaye ni wowe uyizi, ni urukundo rwashenguye umutima kandi nta wundi uzayimvura utari wowe kuko ikinini kizava iwawe nicyo cyonyine kizamvura!" ariko Esther aramusubiza ati:"Cyusa uzi neza ko nakomeje kuguhakanira kandi nagiye kwiga hanze nziko nzagaruka waranyibagiwe ubwo rero ndabikubwira indi nshuro ko ukwiye kundekera amahitamo yanjye ukanyubaha kandi nanjye nkakubaha kuko nakubwiye ko bidashoboka!"

Cyusa yitegereje Esther nuko aramubwira ati:"Esther, uhisemo kunsimbuza umusazi koko?" maze Esther kwihangana biramunanira ahita abwira Cyusa ati:"ese niba udashoboye kwiyubaha ntushobora no kubaha abandi?" akomeza agira ati:"nzongera kumva uvuga nabi Micheal n’ibiganiro twagiranaga bizahagarara!" akivuga atyo abona Paccy aje ahongaho asa n’urakaye maze Esther akebutse hirya abona Media maze ahita amubaza ati:"Media wowe na Cyusa muri kunkina iyihe mikino?"

Esther yahise ahaguruka aritahira ndetse na Media aramukurikira Paccy asigarana na Cyusa nuko Esther na Media bageze murugo basanga Papa wabo aracyicaye nuko batangira kuganira na we maze arababaza ati:"nan’ubu ntawuramenya uwanyangiririje ibikoresho?" ariko Media ahita atanguranwa aravuga ati:"Erega ntawundi ni uriya mukunzi wa Esther!" nuko papa wabo ahita avuga ati:"uvuze ngo umukunzi wande?" arongera ati:"Esther akundana na Micheal?" akomeza agira ati:"ibyanyu bigiye gusobanuka kandi n’uwanyangiririje ibikoresho azamenyekana" ahita ahaguruka yigira kuryama.

Ntimuzacikwe n’igice kizakurikira

Yanditswe na Ndayisaba Simeon

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza