Niwibonaho ibi bimenyetso ntakabuza uzaba uri mu rukundo rw’iraha

3

Urukundo ni ijambo abantu benshi bashobora gusobanura uko babyumva bitewe n’imyumvire yabo, nyamara uko byandenda kose ugamba kumenya ko hariho urukundo rw’ukuri n’urukundo rw’ibinyoma. Mu rukundo rw’ikinyoma rero habamo igice kimwe cy’urukundo rushingiye ku iraha ari na rwo tugiye kugarukaho.

Dore ibintu by’ingenzi byakwemeza ko urukundo urimo ntakabuza ari agahararo (iraha) rudateze kuramba.

Gufata imibonano mpuzabitsina nk’inkingi y’urukundo

Buriya abantu benshi bajya bibaza impamvu benshi mu bakundana bumva ko imibonano mpuzabitsina ishobora kuba ikintu kigaragaza ko uwo muyikoranye muba mukundana by’ukuri , ibi bihabanye n’ukuri kuko umuntu ukunda by’ukuri ntamishinga yo kuryamana na we watekereza mbere yo kubana.

Ntakabuza niba wibwira ko kuryamana n’uwo mukundana ari cyo kimenyetso nyakuri cy’uko agukunda, urwo rukundo rwanyu ni urw’agahararo kuko numara kumuhaga uzamwanga.

Gushimagiza umukunzi wawe mugihe muri kumwe gusa.

Ikindi kizakwereka ko uri mu rukundo rw’agahararo ni uko uzasanga umuntu mukundana akurata akakuvuga neza ari uko muri kumwe ariko mwatandukana akaba atakwemera ko munaziranye kandi mu gihe muri kumwe akakwemeza ko uri uwa mbere mu buzima bwe, ibi abikora kubw’indonke aba agukeneyeho nazibona cyangwa akazibura azajyenda.

Kugira inshuti ku ruhande yagateganyo kandi ufite uwo mukundana

Iyo ufufite umuntu ukunda by’ukuri ntabwo ujya utekereza ibyo kujya gushaka inshuti ya kabiri kuko uba wamaze kuva mu mahame agenga urukundo rw’ukuri. Kuba washatse indi nshuti ku ruhande bivuze ko uteganya ko isaha n’isaha uwo mukundana mwashwana ugahita wisangira uwa kabiri, aha urajarajara kuko nta rukundo nyakuri ufite. Urakundana urw’agahararo.

Guca inyuma uwo ukunda.

Iki ni ikimenyetso simusiga kikwereka ko uwo ukunda umukunda urw’uburyarya kuko nta na rimwe uzaba ukunda umuntu ngo wumve ugize irari ryo kuryamana n’undi muntu, iyo ubikoze ntakabuza uba uri kure y’urukundo rw’ukururi na we urakundana urumamo.

Ibi hamwe n’ibindi byinshi tutarondoye ni bimwe mu bikwereka ko urukundo rwawe ari urw’agahararo ko nta kiza ruzakugezaho.

Yisangize Inshuti.

Ibitekerezo 3

Tanga Igitekerezo