Igice cya munani:Amacenga y’urukundo

10

Mu gice giheruka wa msore ufatwa nk’umusazi yari afite icyo agiye kubwira Jesca, ese yari igiki?

…Jesca yarakebutse areba uwo musore,nuko uwo musore afata ubwanwa n’umusatsi by’ibikorano yari yarishyizeho, maze abijugunya hasi yereka Jesca inkovu ye yo ku munwa arangije aramubwira ati:"nitwa Edmond ngaho va hano ugende singushaka mu maso yanjye kuko utankwiye kandi kunkunda waba witeza ibibazo" .

Jesca aramwinginze ngo bigumanire byibuze nk’isaha imwe ariko Edmond arabyanga.
Jesca yakomeje kwinginga Edmond ariko uko bavugana akabona Edmond ari kugenda ahinduka nanone amera nk’umusazi agahinda kakarushaho kumushengura umutima,ariko Jesca ati:"rukundo rwanjye rwa mbere mbabarira umpe amahirwe nubwo bwaba ari ubwa nyuma narangiza ngasezera kubyo ntunze byose nabyemera ariko nkongera kukubona indi nshuro!"

Nuko uwo musore(Edmond) aramusubiza ati"uravunikira ubusa kuko naho inkoko yava mu igi ntibone ibigori itabura gukura,nawe rero n’ubwo utakundana n’abasazi mu buzima bwawe ntuzabura gukundwa kuko uri uw’igikundiro haba uko uteye cyangwa uko witwara ndabona imyitwarire yawe kuva mu bwana itarigeze ihinduka"

Jesca aramubwira ati:"Nzi neza ko utasaze nta n’umwambi wo gusara wigeze ugwa mu ntekerezo zawe kandi naho wasara nzasarana nawe kuko uko uziko ivu ritakongera kuba igiti ni nako umutima wanjye utazakunda undi muntu utari wowe kandi ninkubura nanjye nzasara maze ndebe "

Edmond abwira Jesca ati"Erega ubu narahindutse ndetse narahemutse sinkwiye andi mahirwe cyangwa aya nyuma kuko ibi biri kumbaho ni ingaruka z’icyaha cyanjye ubwo rero uko ukomeza kumarana nanjye umwanya munini kandi ugakomeza kwerekana ko unkunda ni nako wishyira mu bibazo wowe ubwawe. Ahubwo ndabona amasaha y’akazi kanjye ageze,none reka ngende" nuko uwo Edmond agenda yiruka.

Ku rundi ruhande Slyvie,Eddy na Alex ndetse na Parfait igitaramo kirangiye bahise bagenda bateranira ha hantu bakunda guteranira hari ubusitani bwiza,mu mahumbezi,ha handi bahurira kenshi n’umusazi batangira kwiganirira uko igitaramo cyagenze ndetse banaboneraho gutegura ikindi bari batumiwemo n’umuntu w’umukire wari ufite ubukwe bw’umukobwa we.

Hagati mu kiganiro Alex aratangira ati"Mbega umukobwa utangaje uziko avuga abantu bakihutira kumva kurusha kumureba!" na ho Slyvie ati:"uwo ni inde ra?" Edd y ati:"wishaka kuduteza Parfait dutangira kugutaka ntawakira imigeri ye!" maze Parfait araseka arangije ati:"ariko akariho karavugwa,nonese nituvuga ko uzira amakemwa kwisura no mu bikorwa umyitwarire yawe ikabihamya hari ikosa turaba dukoze?"
Eddy ati “ariko Parfait bavuze ko uri ikigwari none nanjye ndabyiboneye, uritwaza itsinda ry’abantu kugirango wigarurire Slyvie?,reba nawe urabura kumubwira ya magamb0 ujya ukoresha uvuga imivugo ahubwo ukamumbwira ngo tuvuze! wowe na nde? njye singushyigikiye”, Alex na we ati:" Nanjye ndagushyigikiye,ariko ndakeka ubu ari uburyo bwo kutwirukana ngo biganirire tube twigiriye koga ubwo babe biganirira"

Nuko baragenda Slyvie asigara ababwira ati:"mbega abahungu! ubwo se mwagarutse” na ho Parfait ati:"Juru ryanjye reka bagende ziriya ni inshuti z’akataraboneka igihe nikigera baragaruka kandi turakomeza gupanga Gahunda y’igitaramo cy’ejo"

Maze Slyvie abaza Parfait ati:"ko ndeba ijuru rikeye nkabona uri uw’igiciro cyinshi ngukorere iki mujura wanyibye ibyanjye byose nkaba nsigaye arinjye mutindi wo kubabarirwa? nuko Parfait aramusubiza ati:" mupolisi uhiga abandi mu iperereza ukamenya abanyabyaha n’aho bihishe wowe wahishuye umutima ufite icyaha cyo kudakunda ukawugenera igihano cyo kuwigisha gukunda na wo ukihana ukwimariramo, ndakwinginze nshakira igihano!"

Nuko Slyivie na we aramubwira ati:"kuko icyaha wakoze ari indengakamere, muri aka kanya mbaye umupolisi mba n’umucamanza,kubw’ibyo rero ukatiwe igifungo cya burundu mu mutima wanjye kandi uzahora wambaye amapingu yo gukundwa,kubahwa no kwitabwaho,kandi n’ubwo uri mu cyaha ndakwinginze ntuzashake gutoroka.”

Slyvie akimara kuvuga atyo,wa muhungu umeze nk’umusazi, Edmond yahise aza ariko ntiyabona Slyvie kuko yari akingirijwe n’ururabo rwo mu busitani,maze uwo muhungu asuhuza Parfait kn’umuntu baziranye ati "Bite se man?" maze Parfait ati"ni sawa" uwo muhungu ahita abwira Parfait ati:"nsize ndikoze" nuko Slyvie kwihangana biramunanira ahita amubaza ati:"iriki?",maze uwo musore(Edmond ahita yirukanka avuga ati:"ishyano ishyano"

Nuko amaze kugenda Parfait ahita abwira Slyvie ati"n’ubundi ntawe uhisha uwo ahishaho! icare nkubwize ukuri"

Simeon Ndayisaba

Yisangize Inshuti.

Ibitekerezo 10

  1. mana wee mbega inkuru iryoshye!! ijyeze aharyoshye peee!!. murakoze cyane kunkuru mutujyezaho

  2. mana wee mbega inkuru iryoshye!! ijyeze aharyoshye peee!!. murakoze cyane kunkuru mutujyezaho

  3. Wawooooo inkuru nibwo igiye kurushaho kuryoha noneho
    Muduhe episode ikurikira rwose

  4. Uburyohe bwurukundo weeee!!!ndabikundiye pe mubangutse nutundi nisomere kko namwe mwanyifatiye bugwate kbs

  5. Uburyohe bwurukundo weeee!!!ndabikundiye pe mubangutse nutundi nisomere kko namwe mwanyifatiye bugwate kbs

  6. Uburyohe bwurukundo weeee!!!ndabikundiye pe mubangutse nutundi nisomere kko namwe mwanyifatiye bugwate kbs

  7. Urukundo Ruri Aha . Ngo Amubwize Ukuri?? Muduhe Izindi Episode , Kuko Ibintu Nuburyohe

Tanga Igitekerezo