Kwamamaza

URUKUNDO

Igice cya gatanu:Inkuru y’urukundo ‘Umutashye’

Yanditswe

kuya

Igice cya gatanu:Inkuru y’urukundo ‘Umutashye’

Mu gice giheruka, Pius yari yirukanywe mu kazi, ese byaje kugenda bite?

…Ku ruhande rwa Samilla we agahinda kamwuzuye umutima ariko kuko inshuti ye magara yari Brandine, yafashe umwanzuro wo kujya kumureba akamuganiriza kubyo yumvaga byamuyobeye. Ubwo bari mu nzira bava gusenga ku mugoroba, Samilla yagwiye Brandine ati « Ndakwinginze mpa akanya tuganire kuko mfite ibintu byinshi umutima wanjye wananiwe kwakira. »

N’impuwe nyinshi z’abakobwa, Brandine yahise avuga ati « Yoo ! ihangane mwene da ! ni ukuri mbwira ndakugira inama kandi humura uwiteka aragufasha. » Ubwo bagiye mu rugo kwa Samilla. Byari n’amahire basanze abantu b’iwabo wa Samilla bicaye bareba film maze bo bajya mu cyumba cya Samilla ngo baganire. Gusa bakigera mu cyumba Samilla yahise aturika ararira cyane Brandine ayoberwa icyo akora, icyakora kubw’amahirwe yaje guhora maze aratuza baraganira.

Yatangiye agira ati : Brandine urabizi ni wowe nshuti ngira inahangaha, ndetse no mu buzima busanzwe sindabona umwana mwiza nkawe, akaba ari nayo mpamvu ngiye kukubwira amabanga yanjye yose ntarabwira undi muntu n’umwe yewe na mama umbyara ntabyo azi. Muby’ukuri, mfite amakuru menshi ntazi aho ndibuhere, ndetse utanakeka ko ayo makuru ari ayanjye gusa reka mbikubwire ungire inama : ubu mfite umuhungu uri kunyirukaho ansaba urukundo kandi mu byukuri simfite gahunda yo kongera gukunda ukundi nkuko njya mbikubwira kubera ikibazo cy’ubuzima bwanjye…

Atarakomeza Brandine ati « Yeee ? none se ni iki gituma utazongera gukunda ? ni ukubera se uwo muhungu adakijijwe ? Samilla ati « oya sicyo mvuze, ahubwo numva ntazongera gukunda kuko nagize ibibazo by’urukundo n’ubuzima bikomeye aribyo ngiye kukubwira kandi ndagusabye uzabigire ibanga. »

Undi ati « Ni ukuri nzabigira ibanga mbwira ? ubwo Samilla yahise aterura aravuga ati « Mu by’ukuri njyewe sinshaka gukundana ukundi kuko nanduye ubwandu bw’agakoko gatera Sida bityo sinshaka kugira undi muntu nashuka ngo dukundane kuko ntacyo namumarira mu buzima, kandi bitewe n’uburyo nayanduyemo…

Akivuga atyo yahise aturika arongera ararira ariko Brandine arongera aramuhoza ati « Mbwira humura nzakubera inshuti nziza ? ubwo Samilla yarakomeje ati « Simbabazwa n’uko nanduye Sida, ahubwo mbabazwa n’uburyo nanduyemo kuko icyo gihe nigaga mu mwaka wa gatanu w’amashuri yisumbuye ubwo nahuraga n’umugabo witwaga Ruhumuriza. Byatangiye ampa lifuti ngiye ku ishuri tumenyana ubwo biza gukomera nsanga twaryamanye. Sinanabikoze rimwe byibura ngo ndekere aho, ahubwo yatangiye kujya anjyana ku Gisenyi, ndetse sinzibagirwa umunsi tujyana n’i Dubai , ubwo nigaga mu mwaka wa gatandatu w’amashuri yisumbuye byari mu gihembwe cya gatatu, maze ubwo nsaba agahushya ku ishuri mvuga ko ngiye kwibagisha impyiko nyamara narabeshyaga sinari ndwaye.

Sha Brandi, ubwo twarakugendeye tugezeyo tumarana icyumweru turyamana nk’umugabo n’umugore iwacu bazi ko mba ku ishuri, gusa ibyo byishimo byaje kurangizwa n’agahinda gusa kuko nyuma y’amezi abiri tuvuyeyo naje kubura imihango , ngiye kwa muganga nsanga ndatwite. Sha ibyunzwe byarandenze nibaza uko nzabwira iwacu biranyobera, maze nigira inama yo kubibwira Ruhumuriza. Uzi icyakurikiye ? yahise yiterera hejuru ngo ndamenye simubwire inda, ako kanya yahise ampereza ibihumbi ijana ampa na nimero z’umuganga ngo ukuramo amada, maze kandi ubwo ibizamini bya leta byaburaga ukwezi kumwe gusa. Nkimara gukuramo inda nararwaye ndaremba mera nk’upfuye kandi ubwo muganga yari yaranyiyamye ko ntazigera njya kwivuza ku bitaro uretse kuza nkamureba akampa imiti igihe naba ngize ikibazo.

Ariko mbonye ngiye gupfa nahisemo kujya kwa muganga ari naho nakoreye ibizamini bya Leta ndyamye, ubwo Ruhumuriza sinzi icyamubwiye ko ndi kwa muganga ako kanya yahise aza avugana na muganga wamvuraga maze amuha ruswa ngo polisi itazigera imenya ko ariwe wateje ibyabaye byose, maze wa muganga na we kuko ntabashaga kuvuga, yaje guhamagara polisi maze babeshyera undi musore witwaga Calixte nabeshyaga urukundo wari umwarimu ku kigo, maze babeshya ko ariwe uwo mwarimu wanteye inda akanyoshya kuyikuramo, ubwo uwo musore yahise afungwa bamukatira imyaka 30. None ikintu kintera agahinda ni iki « Abafunze umuntu anzira kandi bamurenganya, ikindi, nanduye Sida nkiri umwana muto w’imyaka cumi n’itandatu, ikindi abahungu bakomeje kunyirukaho, ibi byose iyo mbitekereje ngira agahinda. Nyuma yabwo rero nabonye nta mbabazi z’umuntu nkwiriye mpitamo kwiyegurira Imana yo igira ibambe, none rero icyatumye nkuhamagara ngo ungire inama si ikindi ahubwo nabitewe n’uko noneho nahuye n’umuhungu utava ku bintu naramuhakaniye ariko yanze kunyumva none ngira inama , nyuma y’ibyo byose koko nkore iki Brandi ?

Murenzi Sixbert

IBITEKEREZO

  • Habumugisha Yanditse:

    Ayiweee e! ubuse Pius arabigenza ate? nabwire ukuri Pius.Pius nabyumva akabyihanganira,maze bibanire.Arko ndi Pius sinabyemera,kuko Samilla atarakizwa yabanje kubura ubwenge

  • alisca Yanditse:

    Andika Igitekerezo Hano samilla kuki yemeye KO bafunga inzirakarengane nka Teacher none se iwabo bazi koyanduye

  • beer Yanditse:

    yewe,ugomba gushaka umusore muhuje ikibazo mukabana,kuba wenyine ni bibi,utaramubona kandi ugomba kwaka Ruhumuriza amaf ahagije niba ariwe wahaga ku bintu gusa, ukisura ugasura na teacher uriya cg abo yari afitiye akamaro.

  • sandrah ingabire Yanditse:

    nabwire uwo muhungu koyanduye naba amukunda azabyihanganira

  • Nyirasafari safi Yanditse:

    woow uri umuhanga rwose story ni nziza kd irimo inyigisho courage uduhe nikindi gice

  • Darcy Yanditse:

    Story ninziza cn mukomeze ariko vyiza mwanayitanga kuri fc ....murakoze.......

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza