Igice cya cyenda:Amacenga y’urukundo

10

Mu gice giherutse Parfait yari abwiye Slyvie ko agiye kumubwira byose ntacyo amukinze, ese ini ibiki yari agiye kumubwira?

…Slyvie aricara,maze Parfait aramubwira ati"uriya musore yitwa Edmond ni impanga ya Eddy,impamvu ye yo gusara,yakundanye n’umukobwa ariko iwabo w’umukobwa ntibamwishimira,kuko bo bari bakize cyane bituma bashaka no kumwica.

Umunsi umwe rero yasohokeye hano,kuri ririya sumo ureba!,maze batuma abantu ngo bamwice bamunage mu mazi,ariko umukobwa yababonye mbere ya Edmond ahita avuza induru at ‘mube arijye mwica ariko we mumureke’,nuko bombi bijugunya mu mazi,ariko abo bantu barohora umukobwa, Edmond we bamukubitiramo bamusiga bazi ko yapfuye,ubwo rero yaje kurohorwa ariko kuva icyo gihe kugeza n’ubu ntabwo yakize,ahubwo nyine yirirwa hano ninaho arara kuko ni ahantu h’amateka kuri we"

Slyvie abaza Parfait ati:"none se uwo mukobwa kuki atamusura cyangwa ngo mumuvuze?" Slyvie akimara kumubaza icyo kibazo Alex na Eddy bahise baza barababwira bati"burije nimuze dutahe!"

Slyvie akigera iwabo yasanze Jesca ariho amutegerereje aganira na karumuna ka Slyvie kitwa Benitha,maze ahageze kigira mu cyumba kureba film dore ko kayikundaga kubi,maze Slyvie atangira kubwira Jesca amakuru yabonye ya Edmond nk’uko Parfait yabimubwiye byose nta na kimwe aciye iruhande.

Bakiri muri ibyo bumva umuntu uhondagura urugi,maze Slyvie aramubwira ati:"ihangane ndaje nkingure”.

Ubwo Slyvie yakinguraga ndetse na Jesca amuri inyuma,bahise bafatwa n’agatsiko k’abantu bambaye ibintu bipfuka amasura yabo maze bahita bababoha,babinjiza mu modoka barabatwara,gusa Benitha murumuna wa Slyvie ntabwo bamubonye kuko we yahise yihisha munsi y’intebe aba ariho aryama,nuko babajyana yumva barababwiye ngo :” nabura namwe mumenye ko murabura kandi niba yapfuye namwe muri abapfu”

Alex yicaye murugo iwe ubwo isaha y’amakuru yari igeze afungura televiziyo,baba bageze mu mwanya w’amakuru y’imyidagaduro, nuko abona bacishijeho igitaramo cyabo cyari cyabaye mu ijoro ryahise,bari bakoze igitaramo gikomeye maze abanyamakuru bakomeza bavuga udushya n’udukoryo twaranze uwo munsi.

Bakomeje bavuga ukuntu bageze m umwanya wo kwerekana impano,maze hakajyaho umuntu umwe yageraho,abantu bakiyamira ngo ni umusazi,ariko baza gutungurwa n’uko ariwe muntu wakoze ibintu bitangaje.

Abanyamakuru bakomeje bagira bati:”nukuri uriya musore ni igitangaza kuko ubwo yavugaga umuvugo we,abantu benshi amarira y’ibyishimo yamanutse,abandi barafatana barakomezanya,ariko igitangaje ni ukuntu yavuye kurubyiniro yirukanka aho kuguma hamwe ngo abantu bamushimire”

Abanyamakuru bakimara kuvuga gutyo,bashyiraho amashusho(Video) y’ukuntu abakobwa babiri basohotse bamwirukankaho, Alex akomeje kwitegereza,abona inyuma ya Jesca hari undi mukobwa wasohotse yiruka ndetse na we asakuza ati:”wambabariye ukampa byibuze umunota umwe,ko uziko ibyabaye ntaruhare nabigizemo!” gusa abanyamakuru ntibagaragaje iherezo ry’uwo mukobwa,ahubwo bahise bavugako nyuma yaho uwo mukobwa yaburiwe irengero none ababyeyi be na polisi bakaba bari kumushakisha.

Alex akimara kubyumva yahise ahamagara Eddy kugirango amubwire ibyabaye nyuma y’igitaramo cyabo ariko Eddy ntiyitaba telephone,nuko Alex arahaguruka byihuse ajya kureba Parfait kugirango amubwire kuko ariwe wari utuye hafi yo kwa Alex.
Akimara kugerayo asanga Parfait avuye koga, Alex ahita ati:”Umva man wamenye agashya kari kuvugwa hanze aha nyuma y’igitaramo cyacu?” ariko Parfait aramwihorera ntiyagira icyo amusubiza.

Alex arakomeza amubaza ati:”ariko Parfait iyo nkubaza ukanyihorera kandi unyumva uba wigira ibiki? cyangwa watewe ikibazo nuko Edmond yakurushije hit kandi uri umwe mu bateguye igitaramo!” nuko amarira abunga mu maso Parfait aramusubiza ati :”koko Alex ni wowe ushobora guhangara kunshinyagurira mu gihe ndi mumarira wowe ugacuranga, koko ntubabajwe nuko natakaje ingenzi mu bandi,?

Akomeza agira ati:”ubusanzwe ndikomeza ariko aho bigeze sinkibishoboye kuko umusonga we niwo wanjye,ikimutokoza kindya mu jisho kandi ikimukomeretsa ninjye kibanza kubabaza ariko ubu nabuze uko nabyitwaramo!”

Alex abwira Parfait ati:” sha umbabarire ubanza nakinaga mu bikomeye!,ngaho mbwira” nuko Parfait abwira Alex ati:”nakubwiraga ko kumenyekana kwa Edmond binkozeho,kuko bitumye mbura umwana umara agahinda none mpindutse icyo ntazi,yewe mpindutse iciro ry’imigani!,gusa icyambwira naho bamujyanye!”

Alex aramubwira ati:”Ese ni inde cyangwa byagenze bite?”

Maze Parfait aramusubiza ati:”Ese ntiwibukako Edmond akimara kuvuga umuvugo yahise asohoka akiruka?

- ndabyibuka!”

- Nyine, ubwo Jesca yasohokaga amwirukankaho,ni nabwo hasohotse umukobwa wundi amwirukaho,none uwo mukobwa yaburiwe irengero!”

- None se ibyo bihuriyehe n’amarira ufite?

- ubwo nyine umubyeyi we kuko ari umukire,yashoye amafaranga ngo ashakishwe,none mu iperereza bahereye kuri Jesca bagiye bakurikiranye biruka kuri Parfait ndetse na Slyvie baramujyana kuko bamusanganye na Jesca,gusa igitangaje kandi kibabaje nta sitasiyo ya polisi bariho,mbese twayobewe ababajyanye naho babajyanye!

- Ngaho rero haguruka tugende tujye kubwira Eddy ko tugomba guhagarika iriya gahunda dufitanye n’uriya mukire muri gahunda y’ubukwe bw’umukobwa we kuko ntabwo twakora hari umuntu umwe twatakaje.

Nuko bafata inzira baragenda, bakigerayo ariko batarakomanga bumva umuntu munzu y’iwabo wa Eddy arira, bakomeje gutega amatwi bumva ni ijwi ry’umuntu w’umugore, nuko Parfait abwira Alex ati:”ba witonze tumenye ibiri kubera hano!”

Simeon Ndayisaba

Yisangize Inshuti.

Ibitekerezo 10

  1. mbega Inkuru iryoshye...!!!!so ukuryoha gusa inyigisho zayo Ni izambere kbsa.ko ndeba ngasanga uyu waririraga munzu kwa eddy ari wamukobwa waburiwe irengero wasohokaga yiruka kuri Edmond ? ubwo ntiyaje aha ashaka ko bamuhuza na Edmond kuko Edmond yamwanze Kandi yari yaramubuze ? cg niwe waribukore ubukwe none akaba yiboneye Edmond kandi yari azi ko yapfuye agahita yisubira ashaka kwisangira uwo yakunze bakamwambura uburenganzira...!??yewe mukomeze ndabona bimbanye amayobera ....!thx

  2. Yeweeee ni keza ariko nikagufi cyane nuzakonjyere cg mujye muduha tubiri icyarimwe murakoze

  3. Wawooooo
    Amatsiko.com
    Nibura kukunsi mujye muduha nkutu episode nka tubiri wenda
    Courage kdi

  4. wa mwanditsi we uri umuhanga uwanyereka uwo ukundaashobora kuba yaraguye ahashashe kabisa urukundo urarusobanura nabasomyi bakisanga bakunze ngikuriye ingofero kabisa kandi thanks kunkuru iryoshye utugezaho turagukunda cyane

  5. eheeeeeeeeeee!!!!bigenze gute?uwo mukobwa c yaba yagiye kubaza Eddy I by a Edmon?cg ba Jesca niho bari gukubitirwa? tubwire

  6. Iyi nkuru iraryoshye pe.

    Ariko ni kagufi cyane umuntu atangira gusoma ikaba irarangiye.
    Nibura mujye myduha nkibice 2 bikore igice kimwe muzaba mukoze.

Tanga Igitekerezo