Igice cya 8:Inkuru y’urukundo ‘Umutashye’

14

Mu gice giherutse Pius na Clarisse bari bagiye kwinezeza, bakiyibuts aibihe bya kera , ese byaj ekugenda bite?

…Barinejeje biratinda bibagirwa ko bari mu biro by’abandi kuburyo baje kwisanga banasambaniye mu biro haba no kwikingira byibura.

Ubwo barangije ibyo barimo basubijeho kamera maze basohoka baganira Clarisse arikumwe na pius aseka cyane kuburyo byatunguye abantu bose kubona uwo mugore yasetse akerekana na muzitsa n’ukuntu bamwitaga gica mu kazi, birumvikana umwanya w’akazi nta wundi Pius yagombaga kuwurwanira na we kuko yari yakoreshejwe n’umukunzi we w’ahahise ndetse bakundanye urudashoboka byari amahoro yuzuye kuri Pius, rero no gutsinda ijana ku ijana byarashobokaga cyane.

Ubwo baganiraga Clarisse yaje kubwira Pius ukuntu yaje kubona akazi muri ambasade agaheshejwe n’umuzungu wari inshuti y’umugabo we muri Amerika, uwo muzungu akaba yarakoraga mu biro bya perezida, gusa ariko ibyo Pius ntiyari abyitayeho icyo yari yitayeho ni akazi ndetse no kuba yongeye guhura na Clarisse yakunze iminsi ikamumutwara.

Ntibyatinze Pius yavuye aho arataha akanyamuneza ari kose kuko yari yongeye kubona uwo yari yarabuze kera cyane kandi akamubura amukunda cyane. Burya ngo ushize impumu koko yibagirwa icyamwirukansaga ! Umunsi Pius yahuriyeho na Clarisse yari yarabuze, watumye ahita yiyibagiza Samilla yari amaze iminsi akundana na we ndetse yiyibagiza n’ibyo baganiriye byose.

Nubwo Pius yagendaga mu nzira kandi ntiyigeze yibaza kubyo yakoze byose, Clarisse na we yasigaye mu kazi yuzuye umunezero utangaje kuburyo kuva yaza gukorera aho ari ubwa mbere yagaragaye yishimye gutyo mu kazi. Ubwo yahise yemeza ko Pius ari we watsindiye akazi abandi abaha amanota ashaka ntacyo yitayeho, mu bigaragara koko Clarisse yahoze akunda Pius nubwo bitamubujije kumuhemukira agashaka undi mugabo amusize. Icyakora kuri iyi nshuro yumvaga anezerewe cyane kuko yari agiye gukorana mu kigo kimwe n’uwo umutima we wifuje guhera mu butoya.

Nyuma y’icyumweru kimwe Pius yahamagawe gutangira akazi, maze yishimira na we gukorana na Clarisse nubwo yari yaramucitse bwa mbere. Yumvaga noneho ko agize amahirwe yo kongera kumubona byongeye bahorana hafi.

Guhera umunsi Pius yatangiriyeho akazi Clarisse ntiyongeye gutaha ku masaha yari asanzwe atahiraho ahubwo yaritinzaga maze byagera saa mbili z’ijoro agahamagara Pius ngo aze amutware ubwo yahagera sinakubwira bakinezeza mu biro ntawe ubareba, icyo bakoraga mbere byari ukubanza bagakuraho za kamera ubundi ubuzima bukabaryohera kakahava, ariko inshuro zose babikoraga Pius yumvaga afite urubanza ku mutima rw’undi mwana yari yaratesheje umutwe asaba urukundo maze akaba yaratangiye kujya amuca inyuma bya buri munsi.

Samilla na we yarabibonaga cyane ko umubano we na Pius wajemo agatotsi ariko iyo yageragezaga kumubaza impamvu yamusubizaga ko ari akazi kenshi gatuma atakibasha kumwitaho nka mbere. Samilla yarabyihanganiraga kuko ntacyo yagombaga guhinduraho akabifata atyo.

Pius yakomeje gutendeka Samilla na Clarisse imyaka ishira ari itatu, gusa ibintu byaje kuba intambara ubwo Pius yiyumvagamo ko agiye kurongora nawe agatunga umugore nk’abandi bagab o kujya ahora asambanira mu biro by’abandi. Gusa kurongora byo ubwabyo ntibyari ikibazo ahubwo ikibazo cyari uguhitamon uwo azarongora hagati ya Samilla na Clarisse wamukuye mu gipadiri, kandi buri umwe muri bo yaba Clarisse cyangwa Samilla yumvaga ko ariwe uzaba umugore wa Pius. Pius yibajije inzira bizacamo agashaka umwe muri bo biramuyobera.

Nubwo Pius yakundaga Clarisse kurusha Samilla ariko nanone yumvaga adashaka kubabaza Samilla ngo amubwire ko atakimukunda kabone ko yabonaga ari na we witonda kurusha Clarisse. Nyuma yo kumara igihe yarabuze inama yigira yahisemo guhamagara mushiki we Brandine maze amugisha inama.

Umunsi umwe ubwo bari bicaye mu ruganiriro bamaze kurya Pius yabajije Brandineati “Sha kabisa ibintu byancanze, nshaka gushaka umugore ariko nabuze uwo mpitamo hagati y’abakobwa babiri mfite, uwa mbere ni mushuti wawe Samilla tumaze iminsi dukundana naho undi ni wa mukobwa twakundanaga kera witwa Clarisse yatandukanye n’umugabo wari waramurongoye none twarongeye turahura kandi ntakubeshye numva agatima kagihari. None mbwira uramutse uri njyewe warongora nde?”

Brandine yatunguwe cyane no kumva Pius amubwira ko akundana na Samilla kuko yumvaga bitashoboka ko musaza we akunda cyane atatinyuka gukundana na Samilla kandi yaranduye agakoko gatera Sida, ikindi kandi ntiyagombaga kubwira Pius ko Samilla arwaye Sida kuko yari kuba amennye ibanga yabikijwe.

Nyuma yo kwibaza cyane Brandine yagize ati “Ikiza uzabanze ujyane na Samilla kwipimisha nusanga ari muzima muzabane kuko aho kubana n’umugore watanye n’umugabo wabana n’uriya w’umukobwa ariko wabanje kumenya ko ari muzima.”

Iyi nama Brandine yari atanze yari irimo ubwenge bwinshi cyane kuko yumvaga ko Samilla azajyana na Pius kwa muganga kwipimisha bagasanga Samilla yaranduye maze Pius akamureka agashaka undi ariko bidaturutse kuri Brandine cyangwa kuri Pius ubwe, kandi ibi byose byari kuba Brandine we nta ruhare abigizemo.

Koko niko byagenze nyuma y’umunsi umwe gusa Pius yasabye Samilla ko bajyana kwa muganga byihuse kwipimisha kugirango babone uko bategura ubukwe bakabana. N’ubwo byamuteye ubwoba ndetse akabanza kugira kubyanga,ariko Samilla yageze aho aremera baragenda, icyakora ntiyari yarigeze ahingukiriza Pius ko abana n’ubwandu n’ubwo yari abizi neza cyane ko abufite kandi yafataga n’imiti igabanya ubwandu bw’agakoko gatera Sida.

Murenzi Sixbert

Yisangize Inshuti.

Ibitekerezo 14

  1. yewewe birashobotse ubwo we Pius niwe urusimbuka ahhhhhhh reka dutegereze gusa harimo akantu!!!

  2. Eheeeee rahira ko Pius nawe atanduye virusi itera sida ubwo yakoranaga imibonano idakingiye hamwe na clarisse? gira bwangu akandi gace vuba vuba.

  3. Mwaramutse!
    Umuntu ashaka gutangura iyi nkuru yayibona he?ndi kubona guhera kuri 5.
    Murakoze mwadufasha

  4. Pius ashobora gusanga yaranduy agaca yibanira na samilla,muduhe suite twumve uko bizogenda,knd mr6 kubanditsi

  5. bashobora gusanga samilla ari muzima akibanira na pius bravo kumwanditsi kari karekare kandi karyoshye

  6. 1 | 2

Tanga Igitekerezo