Kwamamaza

URUKUNDO

Igice cya 7:Inkuru y’urukundo ‘Umutashye’

Yanditswe

kuya

Igice cya 7:Inkuru y’urukundo ‘Umutashye’

Mu gice giherutse Pius yari agiye gukora ikizami cy’akazi muri Ambasade, ese yaje kukabona ?

…Ikizamini cyari mu rurimi rw’icyongereza kandi icyo kizamini yagombaga kugihabwa n’umunyamabanga uhoraho muri ambasade kandi yari umuzungu w’umunyamerika ari nayo mpamvu byari ngombwa ko Pius yitegura cyane. Icyakora a Lambert baramufashije cyane kuko banze kwakira andi mabaruwa asaba akazi kuko uwazaga wese gusaba akazi bamubwiraga ko byarangiye uretse abagabo babiri bemereye ariko nabo bari bafite icyiciro cya kabiri cya kaminuza gusa, bivuze ko bari guhangana n’umuntu ubarusha amashuri bityo bikaba bitari bukange Pius guhatana nabo.

Ntibyatinze bwarakeye maze pius yitabira ikizamini, ariko mbere y’uko ajya mu kizamini yabanje kujya mu biro bya Lambert kumusuhuza

Pius :Waramutse neza bwana Lambrert ?

Lambert ati :sha nta miramukire pe !

Pius :Byagenze gutese ko uramukanye amaganya ?

Lambert : Nari nzi ko uri bukoreshwe ikizamini n’umunyamabanga uhoraho muri ambasade none yatumiwe mu nama muri Amerika yihutirwa, ariko ikizamini nticyakuweho ahubwo yasigiye ububasha umugore witwa Clarisse bwo kubakoresha, kandi sha, uwo mugore agira umushiha twese hano turamutinya nta nshuti agira hano uretse ba databuja, none rero sinzi niba umuva imbere pe kuko ntagira amaranga mutima na makeya.

Pius : Ashinzwe iki ?

Lambert : Ni we ushinzwe umutungo hano, ubwo ni ukuvuga ko ari mu bantu batatu bakomeye hano, harimo ambasaderi ubwe, n’umunyamabanga we ndetse n’uwo mugore ushinzwe imari. Abantu bose birukanywe hano uwo mugore ni we wagiye abigiramo uruhare.

Pius : Mu kwizera ndamuva imbere kandi niba atari akazi kanjye ubwo nyine ndatsindwa.

Ubwo Pius yahise yerekeza aho ikizami cyari kubera asanga abandi bahageze kare ndetse yari agiye gukererwa kuko ako kanya bahise bahamagara uwahageze mbere ngo yinjire abazwe, nta n’iminota itanu yashize arasohoka bahamagara uwa kabiri nawe ngo yinjire, nawe ntiyatinzemo yahise asohoka kandi bose basohokaga bihebye cyane kuko uwo mugore yaranabatukaga ngo nukwitwa ngo barize nta n’icyo bazi ! Ubwo hari hatahiwe Pius ariko nawe ubwoba bwari bwose yinjira atitira, ataragera mu muryango.

Clarisse yahise amubwira ati : Vuga amazina yawe se nyine n’umwirondoro wawe kandi nawe niba utazi ikikugenza aha usohoke nka bagenzi bawe utahe…, Pius atarasubiza yahise atungungurwa no gusanga uwo mugore wasajije abantu ari umunyarwanda kazi yitegereje neza abona aramuzi maze mbere yo gusubiza

Pius : Uraho, uraho Clari ? uzi ko twongeye guhura ?

Clarisse : Yee ? ndarota cyangwa nibyo bita kwerekwa ?

Pius : Hoya ntabwo urota rwose, si no kwerekwa.

Clarisse: Uraho neza padi? Imana igira nezanukuri, sha naragukumbuye nyoberwa iyo warengeye, mbega? sha padi uziko utagira n’urukumbuzi ? mpobera di.

Ubwo barahoberanye amarira y’urukundo aba menshi sinakubwira Clarisse yongeye kumwenyura nyuma yigihe kinini bamwita umunyamushiha mu kazi nyamara ariko ni igihe cyo guseka kitari cyakagera kuko uwo munsi yasetse ibitwenge atari yarigeze aseka mu minsi myinshi. Ubwo baraganiriye biratinda ndetse uwaje mu kizamini yibagirwa ko ari mu kizamini n’ uwagitangaga na we yibagirwa ko ari mu kazi. Pius yabajije amakuru Clarisse undi nawe aratangira ati:
Padi, amakuru yanjye muri iyi myaka icumi ni menshi cyane, uheruka nkwandikira nkubwira ko niboneye umugabo w’umusirikare wari waranteye n’inda?

Pius: Ndabyibuka neza ko warongowe n’umugabo w’umukoroneri mu gisirikare.
Clarisse: Rero naragiye mbana na we, ariko yanda najyanye sinabashije kuyibyara kuko ubwo yagiraga amezi arindwi umwana yapfiriye mu nda maze bimbana ibibazo biza guhura nuko umugabo wanjye yari yakoze amanyanga mu kazi kuburyo bari bunamufunge. Abonye ko bagiye kumufunga ahita amfata turatoroka tujya muri Amerika kubayo, ubwo tugezeyo nahagaritse kubyara umugabo anshyira mu ishuri ngo nige kaminuza iyo muri Amerika, byari amahire kuko narihirwaga na bacuti be babaga muri Amerika, mu gihe nari nsoje kaminuza, nongeye gutwara inda maze ubwo yari ifite amezi atatu umugabo wanjye aba arapfuye bitunguranye ntazi ikimwishe…

Pius : Yoo !ihangane ndumva waranyuze mu bibazo gusa. Ubu ufite akana kamwe gusa kavuye muri iyo nda yagusigiye?

Clarisse: Icecekere sha, nako karavutse gahita gapfa nta n’amezi atatu kamaze, muri makeya ubu ndi inshike itagira umugabo cyangwa umwana…Ko kuvuga ari ugutaruka se ubu wowe uri kuki padi?

Pius: Naba kuki koko uzi ibyo wankoreye? Ukamvana mu gipadiri hanyuma ukansiga ugashaka undi mugabo? Uretse agahinda n’ubwihebe wansigiye ugirango hari andi makuru mfite?Burya nkimenya ko warongowe n’umusirikare nanjye nahise njya mu gisirikare ngamije ahari ko undi munsi tuzahura ndi umusirikare ukankunda ntunsige ariko kubw’ibyago nakimazemo imyaka itanu yonyine maze mbivamo. Mu buzima nahoraga nibaza impamvu wansize nkicuza impamvu byibura ntari naraguteye inda ngo tube dufitanye akana bikantera kwicuza cyane nkumva agahinda karanyishe.

Pius yamaze kuvuga atyo maze Clarisse ahita amusimbukira arongera aramuhobera n’amarira menshi amusaba imbazi z’uburyo yamuhemukiye akamusiga maze arangije abwira Pius ati “Basi reka dokore icyo wifuje kuri njyewe utakoze wenda tutaza gutandukana nkapfa cyangwa wowe ugapfa utageze ku byifuzo byawe? Ni uko pius ati:
Ntureba ziriya kamera ziri hariya koko? Cyangwa warasaze ?

Clarisse: Wigira ikibazo byose ni hano bikorerwa ahubwo reka mbikure kumurongo ndabisubizaho aruko turangije ibyacu.

Murenzi Sixbert

IBITEKEREZO

  • Habumugisha Yanditse:

    Muraho Makuruki! Aha Pius niyemera kenyege kuryamana na clarisse ntahita yandura virusi itera sida?ko ntawamenya icyo clarisse yaba azaniye Pius nyuma yo kumuca inyuma amubeshya ko amukunda? aha ni attention! kuri Pius !

  • nyengwe seleman Yanditse:

    mɓegiɓiɓzo pius agiy guhura nabyo wee!nyagasani natamuneshereza clarisse aracikanye umuntu pe!ituru imuɓuze amahirwe yokwishakira uɓuzima koko!yashakiye ahanɗiko aɓakoɓwa babuze aɓaɓakuɓitir imɓeba!

  • mimi Yanditse:

    Iyi nkuru defaut yayo ni imwe iratinda kuburyo umuntu abyukana amatsiko agasanga ntirageraho. Mugize neza saa moya za mugitondo yajya iba yagezeho bityo yasomwa nabantu benshi kdi bakanayitangaho ibitekerezo. Murakoze

  • dida Yanditse:

    Ewana inkuru igeze aharyoshye kbsa! Ubwose barabirangije wa? Arikose iby’ikizamini byo ubwo byaje gusozwa gute? Amatsiko.com

  • Mugabo peter Yanditse:

    ibaze nukuri mubiro ntanisoni kko

  • mimi Yanditse:

    Pius agiye kwandura sida clarisse apfe maze pius azibanire na samilla bose barwaye amata abe abyaye aamavuta

  • Sam Yanditse:

    Hahah uyu mugore ko atoroshye ra!

  • Iyumenya Yanditse:

    Sixbert oya rwose udushize mukagozi ubuse iyutubwira niba barabirangije cyangwa se ikizamini carakozwe!Nyagasani we ugoboke Pius,Umwana wambere wa Clarise yapfiriye munda,Umugabo we apfa bitunguranye inda yamusigiye havukamo Misigaro amaze amezi atageze kuri atatu aba arapfuye ubuse wasanga clarisse atwite HIV? Pius kusa nugiye kuntera agahinda!!Kagirinkuru komeza tubyumve.

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza