Igice cya 16:Amacenga y’urukundo

6

Mu gice giherutse, Papa wa Brandine yari atunze imbunda Edmond, ese yaramurashe?

….nuko Brandine abonye se atunze Edmond imbunda, ava aho yari ari asimbukira Tom nk’agasiga aramubwira ati: “Tom niba unkunda nongeye kukugarukira mvuye mubyo nari ndimo!”

Nuko Papa Brandine akomeza gutunga imbunda Edmond ariko Edmond ntacyo yavugaga nk’umuntu uri muri koma,ahubwo abari aho bose bakomeje kumwinginga bagira bati:”Sigaho udakora amakosa nk’ayo kandi uri umuntu abantu twese twizeraga !”
Brandine we yasakuzaga cyane agira ati:”Ndakwinginze mubyeyi wambyaye ntukore ikintu kibi bigeze aho kuko nzemera nkore icyo ushaka cyose ariko ntuzigere umena amaraso kuko ndaguunda!”

Uko yakomezaga kwinginga umusaza ni nako yakomezaga kunyeganyeza Tom wasaga n’utari aho amubwira ati:”Tom ndakwinginze gira icyo ukora kuko ndabona igihe ari iki kugirango ugire umuntu urenganura.Noneho nsobanukiwe neza imbaraga z’urukundo, kubw’ibyo rero nemeye kureka uriya mukobwa akomeze yikundanire na Edmond ariko njyewe nibanire na Tom aho kugirango Edmond tumwongerere ibibazo!”

Hagati aho n’ubwo Tom wabonaga ko ameze nk’umuntu utari aho mbese yasaga nk’aho hari ibintu ari gutekerezaho byamutwaye,ariko uko Brandine akomeza kumwinginga , Tom yabaye nk’uwiruhutsa gake maze areba hirya no hino arangije abaza Brandine ati:”Ariko ubundi urukundo ni iki?”

Brandine aramusubiza ati:”urukundo ntirugira ibisobanuro,gusa ibikorwa byarwo ni byo biruranga!” nuko Tom aramusubiza ati:”nuko rero icyo wakoze ni cyo koko ndabibonyeko ukunda Edmond kuko uwo ukunda umurinda ibyago,kandi umwifuriza ibyiza.Kuba umpungiyeho ntibisobanuye ko unkunda ahubwo bisobanuye ko ukunda Edmond ahubwo ukaba ubona arinjye ntwaro yo gukoresha urinda Edmond!”

Nuko Brandine aramusubiza ati “Tom nyumva nukuri ndagukunda ariko kiza ubuzima bwa Edmond kuko aka kanya aragukeneye!” ariko Tom asekamo gake maze abwira Brandine ati:”Ariko muzahindura abantu ibicucu kugeza ryari?icyo ushaka ndakizi ahubwo wowe tinyuka uvugishe ukuri kuko ibyo gukomeza kwihisha inyuma y’urukundo umbeshya …gabanya uburyarya!”

Brandine acisha make ariko akomeza kwinginga Tom amubwira ati:”Tom ibiganza byawe byifitemo gukiza kuko ni abarwayi benshi bakunyuzeho barakira,none rero uyu munsi na Edmond ni umurwayi ukeneye gukira ukuri mu biganza, akeneye ko uko ugaragariza abarwayi impuhwe nyinshi ube ariko uzimugaragariza umurinda urupfu,kandi ndabizi ni wowe ufite umwanzuro wa nyuma kandi ndakwinginze bikore!”

Jesca we yasaga nk’uwatwawe atitaye ko hari ikintu(imbunda ) cyatunzwe Edmond ahubwo agakomeza amubwira ati:”humeka mukunzi!,ndabizi ko unyumva,winyirengagiza kuko umwanya nk’uyu nibwo numva nkeneye ko ufungura amaso ukandeba,uyumunsi nkeneye ko ubumbura umunwa ukamvugisha,mbabarira ibiganza byawe byuzuye umugisha ubirambure bityo nanjye nongere numve uko gukundwa bimera!”

Jesca ntiyigeze yita ku bamureba cyangwa abamwumva,abaganga basaga n’abiheje .Nuko hashize umwanya uringaniye abari aho basa n’abumiwe Eddy abwira abantu bateraniye aho ati:”ariko twakoze amafuti kuko twinjiye mu cyumba kirimo umuntu urwaye cyane,none dore dukomeje gusakuza nimwihangane dusohoke niba ari ukumusura twabikoze!” bamwe muri bo bumva nibyo ariko Jesca araturika ararira
Maze ubwo Jesca yariraga nibwo yafashe ikiganza cya Edmond amera nk’aho ashaka kumubyutsa aramubwira ati:”Edmond nziko unyumva kandi nzi neza ko uko amaraso atembera mu mitsi yawe ariko n’ijwi ryanjye ritigeze riva mu matwi yawe,nibyo ko ushobora kuba warakosheje ugakundana n’undi ariko ibyo nta kosa mbibonamo kandi niba wowe uribonamo narakubabariye kandi ngusezeranyije ko nzakuba hafi!”

Papa Brandine yakomeje kwitegereza ibyaberaga aho,akomeza kumva ibivugirwa aho,maze babona amarira aramanutse, arambura akaboko nk’ugiye kurasa Edmond ariko ahita atunga imbunda Tom amwereka gusohoka akomeza agenda abikora gutyo kuri buri muntu ariko bagenda basohoka, ariko Jesca arasigara, maze abasohotse mbere bageze mucyumba yaberetse kujyamo bumva Tom abajije umuntu ati “ugeze hehe” avugira kuri telephone,arangije aravuga ati:”ok,ngaho tebuka!”

Nuko nyuma Papa Brandine nawe asohokana na Brandine,ariko Brandine akiri kumwinginga agira ati:”nukuri ndakwinginze uko nta kintu nigeze nkuburiraho nk’umwana wawe ukunda ndashakako uyumunsi utaza kuntera agahinda ugerageza gukora ikintu kibi kuko nazarinda manuka munda y’isi ngifite agahinda kandi nazakugirira urwango utigeze ubona ahandi,ndakwinginze ntuze kugira icyo ukora,” se aramusubiza ati:”ndakwiyamye!”

Nuko Papa Brandine afata ya mbunda ayitunga ku mutwe amera nk’ukurura imbarutso maze abari aho basakuriza rimwe bati:”sigaho utihemukira!” Alex afata umwanya aramubwira ati:”Sigaho utaduhemukira ndetse ugahemukira igihugu.”

Alex akomeza agira ati “Kandi nzi neza ko tugukeneye kandi na Brandine umukobwa wawe aragukeneye akeneye kukwereka ibirori kandi azanezezwa no kubona uteruye abamukomokaho! Ndakwinginze sigaho kwigirira nabi!,”

Nuko Papa Brandine asekamo gake arogera arirakaza ahita atunga ya mbunda Alex,Alex amanika amaboko,Papa Brandine arayimanura arangije aramubwira ati:”nibyo koko igihugu gikeneye abasaza,ariko abo gikeneye abameze nkanjye ntabarimo kuko ntigikeneye ababangamira abana bababuza gukundana n’abo bashaka, igihugu ntigikeneye abantu birirwa batunga abandi imbunda,ahubwo gikeneye abantu ababatongera imigisha n’ababafasha guteza imbere inzozi zabo.”

Simeon Ndayisaba

Yisangize Inshuti.

Ibitekerezo 6

  1. Inkuru iraryoshye rwose,ubwo uwo musaza ko avuze neza ntagiye gusezera isi?aramenye atirasa kdi abana bamukeneyeho isomo ryo kumubona yahindutse,murakoze cyane!

  2. Amahtrezo araba ayahe?ubwo Papa Blandine ntari bwirase kwatangiye kwigaya?Biraba ibyuya ntibibe amaraso.Tom yavuganaga nande? Edmond araza kuhava smahoro!komeza mutubwire.

Tanga Igitekerezo