Igice cya 10:Inkuru y’urukundo ‘Umutashye’

13

Mu gice giherutse Pius yari yasanze yaranduye virusi itera SIDA, asigaranye urujijo rw’uwo azahitamo hagati ya Samilla na Clarisse, ese yaje guhitamo nde?

….nyuma yo kubitekerezaho cyane, Pius yasanze naramuka atarongoye Samilla bizatuma yiteranya na mushiki we kuko yari inshuti bikomeye na Samilla. Uwo munsi ubwo yahise afata umwanzuro wo gukora ubukwe na Samilla ubundi akareka Clarisse burundu, gusa akazarera umwana we naramuka avutse.

Mu ibanga rikomeye Pius yatangiye imipango y’ubukwe barasaba barakwa ndetse batanga n’impapuro z’ubutumire bw’ubukwe bwo gusezerana imbere y’Imana. Izi mpapuro z’ubukwe nizo zabaye intandaro y’intambara kuko abantu b’inshuti za Pius kuri Facebook bashyize ubwo butumire ku rubuga bishimira ko agiye kurongora nyuma y’imyaka myinshi!

Uyu munezero wari kuri bamwe waje kuba intambara igihe Clarisse na we yabubonaga bucaracara. Byari mu masaha ya nimugoroba kwihangana byaramunaniye ahita ahamagara Pius n’uburakari bwinshi amubaza niba ibyo abonye aribyo koko? Mu ijwi rituje undi nawe yahise amusubiza ati “Yego nibyo ngiye kurongora umukobwa mwiza Samilla! Mu byukuri iyi nkuru yari incamugongo kuri Clarisse kumva ko umugabo atwitiye inda agiye kurongora undi mugore kandi nawe ari umugore nk’abandi.

Iryo joro ryakeye Clarisse atagohetse ahubwo yaraye yibaza intekerezo ziramurenga, yumvaga yajya mu bapfumu kurogesha ako gakobwa kamutwariye umugabo ariko nanone yibukako abapfumu bashobora kumubeshya ntibamukemurire ikibazo arabireka. Mu rukerera nibwo yigiriye inama yo gukoresha iterabwoba kuri Samilla ndetse na Pius kugirango barekane ubukwe bupfe. umugambi yarawunogeje koko yumvaga ko ari ngombwa kubikora atyo. Ubwo mu kazi yirinze kongera kuvugana byinshi na Pius ariko nanone yirinda kumurakarira ngo atazatahura umugambi we.

Ntibwatinzebwarakeye ahamagaza umusore w’ibigango Rutinduka maze amwemerera amadorari Magana atanu kugirango ajye agenda afate Pius amunigagure amutere ubwoba amubwira ko umukobwa agiye kurongora ari inshuti ye.Clarisse yumvaga ko Pius namenyako umukobwa akunda afite undi bakundana azahita amureka kuko yari amuzi neza ko yanga gutendekwa cyane. Ntibyaciriye aho Clarisse yashatse n’undi mukobwa w’igishongore witwaga Sandrine ubundi amuterereza Pius ngo amuterete kandi akore ibishoboka byose Samilla ajye ababonana kenshi!

Umushinga wateguwe na Clarisse waratangiye maze Sandrine atangira kugendera hafi ya Pius cyane, kandi mu bigaragara Sandrine nawe yari umukobwa ushamaje cyane ariko ibyo ntacyo byari gutwara Pius kuko atari abyitayeho.

Umunsi umwe ubwo Pius yari avuye mu kazi, ateze imodoko Sandrine yaje muri taxi voiture ari kumwe n’umushoferi wari umutwaye, bageze aho Pius yari ahagaze barahagara baramusuhuza bamusaba ko bamuha lift na we aremera yicara inyuma yicarana na Sandrine ku ntebe yinyuma ya shoferi, si bwari ubwa mbere Pius ahura na Sandrine kuko Sandrine yari amaze iminsi ajya gusengera ku rusengero Pius yasengeragaho, birumvikana bagiye baganira bisanzwe.

Mu nzira bagenda Sandrine yari ari kuri Whatsapp aganira n’umuntu maze arangije arisetsa ati “Ese uyu muntu we ntangoye ubu? Ambajije aho ndi mubwira ko ndi kuva mu kazi none anyatse ifoto ngo mwereke n’uwo turikumwe! Pius ati wayimuhaye se hari ikibazo? Sandrine ati “ reka twifate agaserifi(selfie) niba ntakubangamiye nyimuhe?

Birumvikana ntaho Pius yari guhera ahakana kuko kwifotoza ubwabyo si icyaha, ubwo Sandrine ifoto yarayifashe nziza cyane afashe ku rutugo rwa Pius ariko bataraganira byinshi Pius yageze aho yajyaga maze avamo ni uko Sandrine yikomereza gahunda ze. Pius agitera intambwe ebyiri yagiye kumva yumva umuntu amufatiyeho icyuma ku ijosi yipfukapfutse hose arangije aramubwira ati “Niba ushaka amahoro ureke kundongorera umugore Samilla kuko nakundanye nawe mbere yawe kandi nubu turacyakundana, rero nushaka ibyo kumutwara ngo nuko ufite amafaranga nzakwica.”

Uwo muntu yahise yiruka Pius aramubura ariko asigara yumva afite ubwoba n’umujinya mwinshi wuko umukobwa agiye kurongora afite undi bateretana, intekerezo zari nyinshi kuburyo yanatereje buriya ubwo twagiye kwa muganga tugasanga twese twaranduye kandi ntararyamye nawe ni igihamya ko uriya muhungu washatse kunyica ariwe wamuteye sida. Ibi biterezo byongerereye uburakari Pius cyane, maze iryo joro arara atanahamagaye Samilla kuri telephone nk’uko yari yarabigize akamenyero .

Samilla yabonye ko Pius atamuhamagaye nk’ibisanzwe arara ahangayitse cyane ndetse abura ibitotsi yibaza icyo umugabo we yabaye. Mu rukerera ubwo yazindutse ajya kugura amainite ngo amuhamagare yumve amakuru ye, akigera imbere y’umuryango ahasanga ifoto ya Pius n’undi mukobwa bameze nk’abaryamye gusa hagaragaraga igice cyo hejuru gusa.

Samilla kwihangana byaramunaniye asubira mu buriri yiruka atangira kurira cyane.Mu bigaragara Clarisse yari agiye kugera ku mugambi we kuko yaba Pius yari afashe amakuru y’ikinyoma kuri Samilla kandi na Samilla nawe yari abonye amahano akomeye yakozwe na Pius. Buri umwe wese yari afite impamvu ikomeye yo guhagarika ubukwe kuko yaba Pius yari yamenye ko Samilla ashobora kuba afite undi bakundana yakekaga ko ari na we waba yaranamwanduje Sida kandi na Samilla nawe yari amenye neza ko Pius yiherera akaryamana n’abandi bagore kandi azi neza ko benda gusezerana.

Ibi byose byabayeho mu gihe haburaga ibyumweru bibiri ngo ubukwe bube.

Nyuma y’ibi hashize icyumweru Samilla atongeye kwakira telephone ya Pius , na Pius atongeye kumuhamagara, mbese buri umwe yari yararakariye undi bikomeye,.Samilla abonye ko bigeze kure yafashe umugambi wo guhamagara Pius ngo amenye ikijya mbere kuko hari hasigaye icyumweru kimwe gusa ngo ubukwe bube. ariko Samilla yaratunguwe ubwo yahamagaraga Pius inshuro zitabarika akanga kumwitaba.

Kwihangana byaramunaniye ahita ajya kureba Pius iwabo mu rugo ku bw’amahirwe amusangayo.

Murenzi Sixbert

Yisangize Inshuti.

Ibitekerezo 13

  1. ntimubizi mwebwe .. ahubwo c uyumuntu ninde wamubwiye ibyanjye njye sinanduye ariko wagirarango nibyanjye bamubwiye narazinutswe pe

  2. 1 | 2

Tanga Igitekerezo