Havumbuwe impeta ishyirwa mu gitsina cy’abagore izajya irinda abari gukora imibonano mpuzabitsina kwandura Sida

7

Harimo gukorwa isuzumwa rya nyuma ku mpeta yavumbuwe n’abahanga bo muri Leta Zunze Ubumwe za Amerika, iyo mpeta ikaba izajya ishyirwa mu gitsina cy’umugore ikamufasha kwirinda gusama atabishaka ndetse no igafasha no mu kurinda kwandura agakoko gatera SIDA mu gihe hakozwe imibonano mpuzabitsina idakingiye.

Nk’uko ikinyamakuru cyandika ibijyanye n’ubuhanga mu ikoranabuhanga cyitwa Plos One cyabitangaje, iyi mpeta idasanzwe izaba ari igisubizo ku bagore batinyaga gufata ibinini biringaniza urubyaro, ikajya ibaha kuba bamara iminsi igera kuri 90 badashobora gusama mu gihe baba bakoze imibonano mpuzabitsina idakingiye.

Si ukuringaniza imbyaro gusa ariko kuko nk’uko amakuru dukesha Francetvinfo abivuga, abahanga n’abandi bantu batandukanye bafite kurwanya SIDA n’izindi ndwara z’ibyorezo mu nshingano zabo bamaze igihe bashaka impeta nk’iyi yabasha gutanga icyizere ku guhashya icyo cyago, iyi mpeta rero ikaba igiye kuba igisubizo gikomeye mu guhashya icyorezo cya SIDA.

Rowena Johnston; umuyobozi wungirije w’umuryango w’Abanyamerika ushinzwe kurwanya SIDA yatangaje ko kuboneka kw’uburyo bwo kwirinda by’igihe kirekire abaryamana bakabikora badahora buri gihe bafite impungenge ari ibintu byiza cyane.

Iyi mpeta irimo imiti y’ubwoko bubiri, urinda gusama n’ukingira kwandura agakoko gatera SIDA, yatangiye gukoreshwa, umuti urinda ikwirakwizwa rya SIDA wo ukaba warahawe abantu basaga miliyoni eshatu n’igihe bawuhawe mu buryo bw’imiti inywebwa biciye mu kanwa, ariko kugirango uwo muti urusheho kwizerwa ukaba kugeza ubu wafatwaga buri munsi mu buryo bw’ikinini.

Kugeza ubu amahirwe yatanzwe cyane cyane ku bihugu bikennye, ni ikoreshwa ry’impeta izajya ishyirwa mu gitsina cy’umugore ikamufasha kwirinda gusama atabiteganyije ndetse ikanabasha kurinda kwandura agakoko gatera SIDA mu gihe hakozwe imibonano mpuzabitsinda idakingiye kandi iyo mpeta ikajya ibasha gukora mu gihe kingana n’amezi atatu yose.

Yisangize Inshuti.

Ibitekerezo 7

  1. Ubu ni uburyo bwo gushaka cash,gusa bashatse umuti urambye nawo bawubona,ariko baba bahomba. baragira bakomeze badusarure.
    Ikindi ubu ntihabuze ikindi cyorezo bashaka kutubibamo bifashishije iriya mpeta,kugirango isoko ryabo ryiyongere.Imana niyo yo kuturinda

  2. Ndumva ari igisubizo gisumba no gukoresha agakingirizo,iciza nuko boyisuzuma kuburyo itazagira ingaruka mbi kumagara y abazoyikoresha bompi.

Tanga Igitekerezo