Dore icyo abahanga bita ipfundo ry’urukundo rudasaza hagati y’umuhungu n’umukobwa

4

Gutanga no kwakira urukundo bishobora gukorwa mu buryo butandukanye binyuze mu byo abahanga mu rukundo bise amahame 5 y’urukundo.

Kumenya uburyo bwo gutanga no kwakira urukundo ni bintu by’ingenzi mu kubaka urukundo ruhamye ruzira amakemwa, bizafasha mugenzi wawe kumva akunzwe cyane kurenza abandi bose ku isi, buri muntu agira uburyo atanga akanakira urukundo, ni ingenzi rero kumenya uburyo bworohera mugenzi wawe kumenya uko umugaragariza iby’urukundo, Kuko buri muntu afite uburyo bwe yakira akanatanga urukundo bitandukanye na mugenzi we.

Kumenya gukoresha neza izi ndimi 5 cyangwa uburyo 5 bwo gutanga urukundo bizagufasha ubwawe kumenya gukunda bya nyabyo no kutabangamira mugenzi wawe mu rukundo kuko uzaba usobanukiwe ururimi yumva cyane kurenza izindi , bigufashe kumuhundagazaho urukundo nkuko bikwiye abakundana, ibi bizanafasha kandi mugenzi wawe kumenya uko akwitaho by’umwihariko.

1. Amagambo meza kandi yubaka

Umushakashatsi akaba n’umuganga w’indwara zo mu mutwe Gary Chapman yaravuze ati : ihame rikomeye ry’ikiremwamuntu n’inyota yo gukundwa no kwitabwaho.
Amagambo meza ni uburyo butaziguye bwo kugaragariza mugenzi wawe ko umukunze kandi umwitayeho, ushobora gukoresha amagambo meza atandukanye nk’: Amagambo asubizamo umuntu icyizere n’imbaraga, Amagambo amutakaAmagambo agaragaza ko umwishimiye

Ubu ni uburyo bugufasha kuzuza ububiko bw’urukundo bwa mugenzi wawe, ni byiza gushimira inshuti yawe cyangwa umugore iyo amaze kukugaburira, bwira umugore wawe uti wambaye neza, uti uzi guteka n’ibindi nkibyo bizagufasha kumwubakamo ikizere n’urukundo ruramba.

2. Impano

Impano ni ikintu cy’ingenzi kigaragariza umuntu ko umutekereza cyane ku buryo iyo uzaniye umuntu impano ntiyita kureba agaciro kayo ahubwo atekereza ku gihe cyawe wafashe umutekerezaho.

Ni byiza rero kubanza kumenya icyo umuntu akunda akaba aricyo umuhaho impano ariko kirazira kikaziririzwa gukoresha impano nk’ikiguzi cy’ibyo wakagombye gukorera umuntu ukabura umwanya wo kugikora, reka impano ibe ikintu cy’umwihariko wafatiye umwanya wo kugitekerezaho, impano ni ikinyabiziga gikomeye cyo gutwara urukundo aho rugomba kujya.

3. Gufashanya (service rendus)

Kenshi abagabo bakoresha ubu buryo nk’iturufu yo kugaragaza urukundo rwabo, ibi nibyo kandi ni uburyo bwiza bufatika kandi butabangamye bwo kubigaragaza, gusa rimwe na rimwe ibi ntibiba bihagije kugaragariza umugore cyangwa umukobwa ko umukunda binyuze mu kumufasha no kumukorera ibyo yari gukora. Ashobora kubifata nk’inshingano zawe ni yo mpamvu hakenerwa umwanya wihariye wo kubana na we.

4. Umwanya wihariye kandi uhagije wo kuganira (Moments de qualité)

Umwanya uhagije wo kubana n’uwawe muri mwenyine ni ingezi cyane mu rukundo, abagore benshi bakunda kuba hamwe n’abakunzi babo, bagatemberana, bagasangira cyane cyane bagafata umwanya wo kuganira byimbitse, bakabwizanya ukuri, bagaseka n’ibindi byinshi byo kunezerzwa n’urukundo. Uru ni rwo rurimi rwa mbere abagore bumva kurusha izindi ndimi twavuze haruguru.

Birakwiye rero wowe mugabo cyangwa wa musore we kumenya ibi kuko bizagufasha kubaka urukundo rwanyu ku buryo burambye. Ibi bikunze guteza ikibazo kuko abagabo benshi ntibabona umwanya wo kubana n’abakunzi babo, ahubwo usanga umwanya babona ari uwo kwigira gukina cyangwa kureba umupira n’ibindi nk’ibyo.

5. Gukoranaho (Toucher physique)

Gukubita mugenzi wawe agashyi mu mugongo, gufatana ibiganza, guhoberana cyangwa gusoma mugenzi wawe bishobora kugaragaza urukundo umufitiye, ubu ni uburyo busaba ubuhanga bwinshi mu kugaragaza niba ubikoreshejwe n’urukundo cyangwa niba ubikoreshejwe n’irari ry’umubiri.

Uzirinde gukoresha ubu buryo cyane ku muntu utaramenya neza, ibi biherekezwa na caresse ndetse no gutera akabariro ku bantu barushinze, umuntu wese utararushinga ubu buryo bwa 5 ntibumureba kuko bushobora kubyara ingaruka mbi zirimo kurwara SIDA n’izindi ndwara zandurira mu mibonano mpuzabitsina!

Yisangize Inshuti.

Ibitekerezo 4

  1. yewe ni byiza ariko kubona,ubigukorera,nicyo kibazo abagabo ntibita kuribyo cyane nko kuganira impano.nkubu ndubatse tumaranye imyaka 7 muriyo nyaka yose naragerageje kumunsi wabakundanye nkamushakira impano,kuri Noël bonne,umunsi We wamavuko,umunsi twasezeraniyeho ariko nabuze na rimwe yanzanira na bombon,rero harigihe ncika intege ariko nkongera nkagerageza,Ubu nabyikuyemo KO yampa impano ariko njye nzajya nzimuha kuko mukunda.

  2. Andika Igi.tekerezo Hanon.nukuri.usangamuricyigihe.urukundo.arirukeya.kubeshyanya.gucaninyanibinbi

Tanga Igitekerezo