Amacenga y’urukundo: igice cya karindwi

9

Mu gice giherutse yari ari kwerekana agapapuro yasigiwe n’umusore umezi nk’umurwayi wo mu mu mutwe, ese byaje kugenda gute?

…abo bakobwa bombi batangiye gusomera hamwe ako gapapuro kari kditseho umuvugo ariko ubimburiwe n’aya magambo:

UMUVUGO:UMURINGA WABUZE
Nabuze ibyanjye mpera ubwo ngenda
Nabuze iwanjye nyoba ubwo n’ubu nkiyoba
Nahize hose ndaheba rwose
Nakunze kenshi ntibyampira
Natsikiye rimwe mvunika wese
Najyanye n’abandi ngaruka njyenyine
Nahize ibyanjye mbona iby’abandi
Naraye ishyamba mpera n’ishyanga
Nararirimbye ndirirwa ibyanjye
Naracuruje ndacumbagira
Ariko ndacyafite icyizere
Ko nzabona iteka gutuza.

Nyuma y’ayo magambo hari handitseho ngo “Reka ngucire umugani ibindi bongeraho ubyishyirireho kuko n’ubundi narasaze,wanasanga nayobye gusa n’ubundi sinakwepa ntakubwiye icyo ngambiriye kuvuga”

Cyera habayeho inyoni yo mu muryango w’inuma,muziko inuma zivuka ari ebyiri,zikabana zikanasazana,ariko kuri izo siko byagenze kuko aho zabaga hateye inzara maze imwe ica iburyo indi ica ibumoso,zisezerana igihe cyo kuzagaruka buri yose izanye ibyo yahashye ariko mu kugaruka haje iy’ingore kuko ingabo yageze iyo ijya iranezerwa,ishima ubushyitsi,maze ihabona indi y’ingore yapfushije ingabo yayo maze ziribanira.

Igihe cyarageze inuma zo muri ako gace zirakarira iyo y’ingabo kuko yazirushaga kuguruka no kuguguza zishaka kuyica,ariko zikayitinya,nuko ziyigambanira kugaca kari gatuye hafi aho,maze agaca kayirukaho kagiye kuyifata irahunga ariko kayikurikirana mubuhungiro umunsi umwe karayikubita ariko ntikayihamya,ibaba ryayo rirangirika,ariko ishobora kugacika maze ibonye biyigoye ihitamo kwisubirira kw’ivuko ariko itahana ikimwaro kuko yishe amasezerano.

Nuko igeze mu gace yari ituyemo mbere isanga harongeye haba neza ariko irungu rigiye guhitana ya yindi y’ingore maze itangira
..... ibindi ntubimbaze kuko ntari inuma sinjye wahera hahera umugani,
Nuko Slyvie arebye ibyanditse kuri urwo rwandiko abaza Jesca ati "ariko uzi ko ibyo nsanze abantu bavuga aribyo!" Jesca ati:"ibiki se" na we aramusubiza ati:"bavugaga ko wasuwe n’umusazi akagusigira n’impano,none ahubwo si impano gusa yanagusigiye kubyo akora!"

Jesca ati:"ubwose ibyo umbwira ni ibiki?"
Slyvie aramusubiza ati:"Nonese ibi nibyo byari byagutwayee,erega nagize ngo ni ibintu bizima na ho…Reka ibyo tubivemo ahubwo mbwira ejo ntabwo uzaza mu gitaramo cyacu?"
Maze Jesca aramusubiza ati:"urumva nahabura?" ahubwo reka dutahe ejo uzabone uko witegura neza!"

Bukeye rero umunsi w’igitaramo nyir’izina uragera,ikirori kiratangira,abantu bari benshi bishimiye kureba icyo gitaramo cyayobowe n’umushyushyarugamba w’umukobwa dore ko batari babimenyereye. Nuko iryo tsinda ribamurikira ibyo ryateguye byose birangiye hajyaho umwanya wo kwerekana impano ku bantu bazifite.

Maze ku rubyiniro podium hajyayo umusore wirabura muremure,ufite inkovu ku munwa maze agezeyo abantu batangira kuryana inzara bati:"uriya si wa musazi ra?" ariko arikomereza,maze avuga umuvugo umeze neza nk’umwe Jesca yahawe. Akimara kuwuvuga ahita asohoka yiruka maze Jesca na we asohoka amwirukaho avuga ati:"Namwiboneye ni we "

Jesca yakomeje kwirukanka inyuma y’uwo musore umeze nk’umusazi ,nuko bageze imbere gato wa musore arakebuka,areba Jesca hanyuma arakebuka areba Jesca,maze Jesca aramwitegereza cyane maze ashaka guhindukira ngo yigendere ariko uwo musore aramuhamagara ati:"Umva ye muko garuka nkubwire!)

Yisangize Inshuti.

Ibitekerezo 9

  1. Murakoze,ese uyumuhungu numusazikoko ?, njye mbona arimuzima kbsa ,ubwose yamugaruye amubwira gwikira?. Ahaaaa nahejo , kandi ndabemera kbsa.

  2. Murakoze,ese uyumuhungu numusazikoko ?, njye mbona arimuzima kbsa ,ubwose yamugaruye amubwira gwikira?. Ahaaaa nahejo , kandi ndabemera kbsa.

  3. Murakoze,ese uyumuhungu numusazikoko ?, njye mbona arimuzima kbsa ,ubwose yamugaruye amubwira gwikira?. Ahaaaa nahejo , kandi ndabemera kbsa.

  4. Nabisabiraga kujya mutugezaho episode mugitomdo kare cyane ko ntayo twari twabonye ejo muri make mwatwicishije amatsiko

  5. nonese uyu musore? yasanze jesca ari WO muringa yataye? kabaye kagufi kabsa ariko kararyoshye pe.

Tanga Igitekerezo