Amacenga y’urukundo:Igice cya Gatanu

4

Mu gice giheruka Parfait yari asize Slyvie wenyine na ba Charlotte agenda avuga ko atameze neza, ese yari abaye iki?

Iminsi yaragiye ihita ari myinshi ariko atari myinshi yo gutuma abantu bibagirwa abandi,ariko kandi niba ijoro rimwe ribaga imfizi,iminsi yaciye mo ni myinshi kugirango Jesca na Slyvie babone amafaranga y’inguzanyo yo gutangira umushinga wabo.

Nuko abo bakobwa bombi bashinga Papeterie bayita"DORUNUKU"iryo zina ryatumaga abantu benshi baturuka imihanda yose baza kuyireba.Yaciye ibintu uhereye ku izina ryayo ukageza kuri serivise(service) nziza zihatangirwa.

Byari byiza cyane kuko aho hantu bari batuye nta Papeterie nyinshi zari zihari kandi nk’abakobwa b’icyerekezo bagombaga gukora ibishoboka byose kugirango ibikorwa byabo bibabyarire inyungu bashobore kwishyura inguzanyo ndetse na bo ubwabo biteze imbere.

Kandi muri iyo minsi hari igitaramo cyari kirimo kwitegurwa kandi cyari cyateguwe n’abasore batatu maze muri iyo myiteguro abari bateraniye aho Eddy akorera batangira kuganira bati:Parfait azavuga imivugo,Eddy azaririmba na ho wowe Alex uzacuranga mbese uzanadushakira ikipe izadufasha”.Bageze kuri MC babura uzabikora maze Parfait aravuga ati:"Genda shyiga ry’inyuma twakubuze tukigukeneye,ariko ni ugihe gito urugamba rukarangira ukagaruka mu ruhando rw’abandi tuzakwishimira ugarutse ariko uduteje irungu kuko twakubuze mu itsinda !

Maze Eddy amarira amubunga mu maso ati:"reka intwari itivuga imyato yahoraga iririmbwa igahora ari indahangarwa none amaherere yayikuye mu rungano,iduteje irungu duhindutse urwirungu twarahoze turi ibyamamare mubitaramo bya gihungu" ariko mpamya ko ntacyagize itangiriro cyabuze iherezo!" kandi nagaruka tuzamwishimira kandi tuzongera dufatanye kusa ikivi twateruye"

Nuko Alex ati:"ibyo nimubireke,twabaye nk’inzu itagira mwamba ariko igihe ni iki kugirango twiheshe agaciro twereke uwaduciyemo igikubako natwe hari icyo dushoboye,ngaho nimureke dushake umuntu watubera umushyushyarugamba(MC) maze dukomeze igitaramo cyacu”

Nuko Eddy arababwira ati:"ariko sinzi niba igtekerezo mfite cyahuza n’ibyanuyu, mwaretse tugakakoresha umukobwa kuri uwo mwanya maze tukareba ko nabyo byashoboka ?” maze bagenzi be bati:"None se hari uwo waba uzi ubishoboye?"
Eddy arababwira ati:"hano hajya haza abakobwa babiri,mbona babishobora,ariko uwitwa Slyvie ni we mbona ubizi cyane!,maze baramusubiza bati:"None se niba ubona abishoboye ni iki cyatuma tumwima umwanya wo gukuza impanoye na cyane ko natwe igitaramo cyacu ari icyo kwerekana impano?"

Nuko Eddy ahita ahamagara Slyvie ati:"Gira vuba banguka hano nkorera urakenewe cyane "Slyvie ati:uranshakira iki se?

Eddy aramubwira ati:"Siripurize”nuko Slyvie ati:"ngaho reka mbanze nsabe uruhushya Jesca atamenya ko turikumwe akanyikuriramo ijisho!,nuko Eddy amusubiza aseka ati:"byihorere iby’urukundo ni amabanga na ho intambara n’urugamaba bisibanira mumitima yacu byo ntibigira ingano!" ntacyo mubwire ariko ubanguke"

Nuko Slyvie abwira Jesca ati"Cherie wawe arampamagaye ngo aranshaka byihutirwa!" nuko Jesca asubiza Slyvie ati:"ariko na n’ubu nturumva ibyo mpora nkubwira ko Eddy asa na cherie wanjye na ho cherie wanjye namubuze by’amaherere !,ariko ntacyo genda wumve ibyo akubwira.

Nuko Slyvie ahita atega moto ageze yo atungurwa no kuhasanga Parfait maze aho kugirango yumve icyo Eddy yamuhamagariye ahita afata Parfait nk’ucakiye igisambo amwitegereza mu maso nk’ureba ifoto y’uwo bamaze igihe batandukanye,maze arangije aravuga ati:"Umuntu udakunda ameze nk’igiti kitera imbuto”

Nuko Parfait aravuga ati"Ninjye musore w’umunyamahirwe kuko meze nk’uwitwaje ikigega cy’amazi mu butayu kandi meze nk’uwifitiye umuriro mu bukonje ubu meze nk’uwambaye inkweto mu mahwa y’imishubi kuko nifitiye Slyvie unyitaho uko bukeye n’uko bwije"

Akomeza ati:"Mutubabarire ntitwasaze ahubwo hari imbaraga itandukanye n’izindi ni yo yatumye duhusha ya ntego ya mbere none twagiye mu yacu ariko reka mpe umwanya Eddy akubwire icyo aguhamagariye"

Nuko Eddy arababwira ati"Erega nta kindi twashakaga ko wowe Slyvie wazatubera umushyushyarugamba(MC) mu gitaramo turi gutegura" nuko Slyvie abyemera atazuyaje maze ibyo birangiye bemeza ko bagiye gusohokera ahantu bagafata kamwe murwego rwo kwishimira ko hari icyo bagezeho.

Nta handi bihutiye kujya bahise berekeza ha handi Parfait yigeze kujyana Slyvie nuko n’ubundi bagezeyo mu gihe bari bari kuryoshya, bakina udukino ndetse banitoza uko ibikorwa bizakurikirana Slyvie yumvise ijwi ry’umuntu uri kwivugisha agira ati"Kuri mama.. kuri mama wambyaye, ntewe agahinda n’ukuntu uhora umpamgayikiye kandi ubuzima bubi mbayemo ntacyo wabuhinduraho,gusa ndi muzima komeza ukomere kendi unkomereze umuvandimwe nzi neza ko igihe nikigera nzagaruka mu rugo nkareka kuba ruvumwa." aka kajwi ntikagutungure ahubwo ubike aka ka memory card nujya unkumbura ukumve urabeho.”

Slyvie yegereye imbere agana aho uwo muntu yavugiraga ahageze asanga ni wa muhungu urwaye mu mutwe,ariko Slyvie akomeza kumwitegereza no kumwumva,gusa uko amwitegereza ari nako amwumva akarushaho kwicwa n’agahinda,ndetse agashengurwa n’amagambo uwo musore yavugaga anayarikodinga kuri telephone.

Uko uwo musore yakomezaga kuvuga amagambo ateye agahinda ameze nk’uyabwira mama we ni nako agahinda karushagaho gushengura umutima wa Slyvie, uwo muhungu akomeza agira ati:"...................None rero mama wambyaye ndagirango nkumenyeshe ko uko na wa mukobwa wankururiye ibibazo,iwabo bagiye kumushyingira abakire bene wabo ndetse hanze y’u Rwanda".urabeho mama kandi ndacyagukunda wowe n’umuvandimwe wanjye mudahwema kwihanganira imibereho mbayeho"

Nuko uwo muhungu arebye hirya gato ahuza amaso na Slyvie maze ahita afata ya telefoni yakoreshaga ayijugunya hirya mu mazi aravuga ati:"urakoze kagezi gatemba ngaho nshyirira mama wambuze unamumporeze amarira aterwa no kutambona"
Slyvie yari yatangiye kumva ko uwo musore atari umusazi ariko atungurwa no kumva avuga ko iyo memory card iratwarwa n’amazi ikagera kuri nyina, nuko uwo musore arisetsaho gake maze abwira Slvie ati:"mukobwa mwiza inyuma ntazi uko imbere hasa, nawe waje ahantu ukeka ko ari ahantu heza,ariko wayobye kuko aha hantu niho habi hambere habaho kuko nta cyiza cyaho nabonye kandi hampindukiye ah’amateka none rero nawe ngiye kugusigira ikimenyetso kiratuma utazahagaruka wenyine cyangwa ngo uhibagirwe kuko nanjye kuhahora si uko niyanze"

Simeon Ndayisaba

Yisangize Inshuti.

Ibitekerezo 4

  1. Byizacyanee. mutugezeko agakuricyira vuba.kandi ndabashimira kamusigaye mukagira karekare

  2. Mbega byiza ariko c kuki Jesca ataza hano hantu koko ngo abone uwo yakundaga kowenda yagarura ubuzima njye ndabona uyu musore anteye agahinda pe.None c agiye gukorera iki Sylvie koko?Birabe ibyuya ntibibe amaraso da

Tanga Igitekerezo