AMAHIRWE ABONEKA RIMWE (Igice cya Karindwi)

21

Mu gice giheruka twasize Simeo amaze gushwana na Sabine ndetse asiga barakaranyije arigendera ariko Sabine amwirukaho, kurikirana uko byaje kugenda.

Ubwo nahise ninjira muri getho yanjye ndikingirana kugirango atavaho anansangamo,doreko numvaga namwanze, Sabine yabonye ntashobora kumukingurira yisubirira inyuma, ubwo nanjye mpita mfata telephone mpamagara Ephrem (mukuru wanjye) ndamubwira nti:"muvandi, sinari nzi ko nakundanye n’umwicanyi!" ariko Ephrem yisekera ahita ansubiza ati:"ariko sha watabaye uvuga ko umugore wawe agutabaje ngo muhurire i Kigali burya yari yasaze none nawe yakwanduje ibisazi?"

Ariko ndamubwira nti:"Ephrem gabanya urwenya!" nkomeza mubwira nti :"kandi burya wowe urakina mubikomeye!" ahita amabaza ati:"byagenze bite se?" nuko ndamusubiza nti:"wari uzi ko Rugira wafatanyije na Dr.Ngabo guca akaguru papa ari musaza wa Sabine!" ubwo Ephrem yahise ambaza uwabimbwiye nuko ndamusubiza nti:"nyine cyagihe yampamagaye aribyo ashaka kunyigambaho ngo uwo Rutindi Rugira banamufunze!"ubwo Ephrem yahise ambaza ati:"ubwose urakora iki?" nahise musubiza nti:"ntakindi nyine nabanje kubwira ako gakobwa ko ntagikeneye urukundo cyangwa umubano wanjye na ko,kandi ubu ngiye guhambira mu gitondo ndashaka aho nimukira sinakomeza guturana n’uyu mugizi wa nabi atazavaho anyirenza ntiwamenya!"

Nkiri muri ibyo nagiye kumva numva umuntu arakomanze maze mumutima ntangira kwibaza nti:"yaba ari Sabine unkurikiye cyangwa?" ariko ndavuga nti:"natavuga ngo numve ijwi rye ntabwo nkingura!" ubwo yakomeje gukomanga ariko ndamwihorera ariko aho bigeze nkingura buhoro ariko sinakuraho urugi,nuko ngiye kubona mbona rurakingutse ndebye mbona ni Nkusi.ubwo namuhaye kalibu dukomeza kuganira mubaza uburyo akazi k’itangazamakuru kameze ansubiza ko kameze neza,ariko aho bigeze arambaza ati:"Sabine ameze ate se?" nuko ndicecekera nanga kugira icyo musubiza,yongera kumbwira ati:"ariko ndabona utameze neza!" nuko ndamusubiza nti:"Nkusi niba umushaka umusange aho ari kandi ndakwiyamye ntiwongere kumbaza iby’uwo mukobwa!"

Umunsi wakurikiyeho nazindutse mpambira nitegura kwimuka kuko numvaga ntashaka kuguma hafi ya Sabine kuko numvaga kumubona bituma ntekereza uruhare rwa musazawe mukuba papa yaragize ubumuga,kandi nkumva nongeye kugira impuhwe kubw’urukundo namukundaga mbere yaho! Nkumva ngomba kujya aho ntakimubona

Ubwo Nkusi yakanguwe n’igikapu nafungaga nuko arambaza ati:"ariko Simeon ubwo koko ubyutse irijoro ujya hehe?" nuko ndamusubiza nti:"urabiziko ibyo nakubwiye ntakinaga kuko ubu nabonye abandi bajama tugomba kubana muri getho kuko Sabine yanteye igikomere ntazigera nibagirwa mubuzima bwanjye!" ariko Nkusi agerageza kungira inama ambwira ati:"nukuri wafashe icyemezo kigayitse cyo gushwana n’umukunzi wawe kuko ibyabaye byose ntaruhare yabigizemo"
Nuko ndamubaza nti:"nonese njyewe ibyabaye cyera hari uruhare nabigizemo? nonese gucika ukuguru kwa papa ugiye kumbwirako ntangaruka byangizeho kandi bizakomeza kungiraho?" ariko aransubiza ati:"ndahamya ntashidikanya ko usibye ingaruka nemeza ko byagukomerekeje,ariko uburyo bwiza bwo gukira igikomere ni ukubabarira!" sinatinze naramusubije nti:"nanjye naramubabariye niyo mpamvu ngomba kuva muri iki gipangu nkajya aho ntakimubona wenda ahari byatuma nibagirwa ibijyanye n’urukundo aho biva bikagera!"

Ubwo Nkusi yabaye nk’uguye mukantu abonye umujinya navuganaga,ariko yari amenyereyeho gutebya nuko ahita ambwira ati:"ariko urambwirango niba mushaka aho uwamushaka ntiwamukuramo iyo kotsa?" ariko ndamusubiza nti:"Erega singikunda ukundi mugani wa wa musizi!" nuko Nkusi arambaza ati:"nonese byagenze gute?" ndamusubiza nti:" nakubwiye nti:"aho aba urahazi ubwo rero niba ukeneye kumenya byinshi ugende umubaze kandi ikindi ni uko ntazakomeza kuba muri iki gipangu!"

Ubwo Nkusi yabonye namaramaje kandi narakaye maze arambaza ati:"nonese ibyo nari ngiye kukubwira urabyakira ute kandi mbona wamaze kugera muyindi mood?" ndamusubiza nti:"Nkusi niba wumva wazanywe no gukomeza kumbwira ibya Sabine umbwire nisohokere uyisigaremo wenyine!" ariko Nkusi arambwira ati:"Simeon ngufitiye inkuru nziza!"

Ubwo Nkusi yahise ambwira ati:"nyamara wagakwiye kwibaza kubyo nkubwira maze ugafata icyemezo gikwiye" akomeza ambaza ati:"nonese ko utambajije amakuru meza nashakaga kukubwira?" ubwo nahise mubwira nti:"ngaho nyibwirira iby’ayo makuru meza!" yahise ambaza ati:"Harya ntiwibuka hahandi twasabye akazi ?" ndamusubiza nti:"nonese ko twagiye tugasaba henshi namenya ari hehe koko?"

Nuko aransubiza ati:"nakubwiye hahandi twasabye akazi ko gukora security (gucunga umutekano) dukoresheje kamera zicunga umutekano (CCTV cameras)" naramusubije nti:"aho ndahibuka cyane !" maze arambwira ati:"bahuje amanota twagize mukizamini cyanditse bayahuje n’ayo twagize mucy’imirimo y’amaboko (platique) basanga waraturushije ndetse urebye wanabisanga kuri webusayite (website) y’iriya kampani (company) kandi ngo nta enteriviyu (enterview) ahubwo ngo ugomba kujya ukora utaha mu macumbi yaho!"

Ubwo numvise ibyishimo bindenze niko kuvuga nti:"ni ukuri Imana igira neza cyane gusa mbabajwe no kubona akazi mubihe mfite umubabaro nk’ibi!" ariko Nkusi arambwira ati:"ariko amazi ntararenga inkombe wagakwiye kwegera Sabine ukamusaba imbabazi kuko wamukomerekeje cyane!" ariko ibyo Nkusi yambwiraga sinari nkibyitayeho nahise mubwira nti:"ahubwo ubu nyine mpise ntaha nzava murugo ejobundi mpitira kukazi!"

Ubwo naratashye ngeze mu rugo ntangira kubabwira uko byangendekeye n’uburyo Rugira yahaye uburozi mushikiwe kugirango aturoge ariko we akabwanga,nuko papa yumvise ayomagambo ahita ambaza ati:"ubwose wakoze iki?" ndamusubiza nti:"nyine numvise ngomba gutandukana na we!" ariko muzehe arambaza ati:"arikose ubwo koko wumva ufite ubwenge?" ndamusubiza nti:"ubwose nabwirwa n’iki ko ibyo atabikoze ashaka ko mbanza kumwiyumvamo akazabona uko aturangiza yitonze?"

Nuko mama ahita ambaza ati:"ariko uwo Sabine si wamwana w’umukobwa nasanze yahangayikiye kwa muganga igihe mwari mwasuye papa wanyu?" nuko Ephrem aramusubiza ati:"wabimenye!" nuko mama aramubaza ati:"nonese ni iki gituma wirengagiza ineza yakugiriye ukubakira kubibazo atagizemo uruhare?"

Ubwo twahise twumva umuntu ukomanga kurugi nuko Papa aravuga ati:"uwose ni inde udusuye kandi mbona bwije?" nuko nkinguye mbona ni umuyobozi w’itorero twasengeragamo,nuko muha kalibu,arinjira nkuko bisanzwe ageze munzu turasenga hanyuma abwira muzehe ati :"ubu rero sintinda mumagambo kuko ndihuta!"nuko muzehe aramubaza ati:"nonese ni makuruki wari unzaniye?" nuko uwo muyobozi aramusubiza ati:"ubu tumaze igihe munama urabizi, ubwo rero twigaga uburyo bw’ivugabutumwa mumagereza none twemejeko nawe uzafatanya n’abandi mumurimo!" nuko papa aramusubiza ati:"ntacyambuza kujyana n’abandi ahubwo mupange neza uko gahunda zizagenda maze murebe ngo turavuga ubutumwa n’aho naba nshumbagira Imana izambashisha!"

Murugo ubwo bari bicaye maze Papa abwira Ephrem ati:"ariko nkawe uri igiki?" akomeza agira ati:"koko murumuna wawe agende ikubagahu mugitondo none nanubu nturamuhamagara ngo umubaze uko urugendo rumeze?" nuko Ephrem ababwira uko byangendekeye ntanakimwe aciye iruhande,nuko bakiri muri ibyo ya numero yajyaga ihamagara muzehe yongera kumuhamagara, ayitabye yumva baramubwiyengo:" ni Dr.Anasthase muvugana nagiraga ngo nkumenyesheko abakoze icyaha cyo kugucisha ukuguru ubu bari mumaboko y’ubutabera kandi ntugire ikibazo kuko ibimenyetso birahari!"

Iminsi yaragiye irahita indi irataha ntangira kuryoherwa n’akazi gusa nkibuka gusura umuryango wanjye nkareba uko bameze,nkishimira kuganira nabo,maze nkumva muzehe yishimira ukuntu umurimo w’ivugabutumwa umeze n’uburyo abantu bari kwihana abandi bakatura ibyaha byabo ndetse bakabireka maze nanjye nkumva binkoze ahantu,maze yambaza aho ibyanjye na Sabine bigeze nkicecekera ndetse ngashaka ukuntu nahindura ikiganiro kuko kwakira ko avukana na Rugira maze ngakomeza gukundana na we numvaga bingoye!

Umunsi umwe nazindukiye mukazi nkibisanzwe nuko ntashye nambara neza kuko wikendi (weekend) yari yageze maze ninjira mumodoka yanjye ntangira gutwara,nagendaga ndirimba kuko narebaga izuba rirenga nkumva ndanyuzwe ariko nakwibukako Sabine wari ibyishimo byanjye tutakirikumwe nkumva ndashenguwe!

Gusa uko nakomeje kuririmba nshuranga n’akaziki mumodoka naje gutwarwa nikanga nataye umuhanda ngonga umuntu w’umukobwa nabonaga avirirana cyane ndetse ntiyavugaga bishobokeko yari ari muri koma. Ubwo nahise mpagarara nk’uko amategeko abiteganya kugirango mushyire mumodoka maze ngeze hanze mbona ni Sabine.

NTUZACIKWE N"IGICE KIZAKURIKIRA

KANDA HANO USOME IGICE CYABANJE

YANDITSWE NA NDAYISABA SIMEON

Yisangize Inshuti.

Ibitekerezo 21

  1. 1 | 2 | 3

Tanga Igitekerezo