AMAHIRWE ABONEKA RIMWE (Igice cya Cumi na Kimwe)

3

Mu gice giheruka twasize Papa wa Brenda (Dr.Anasthase) atunguwe no kubonana na Simeon ahita asubira muri gereza yirukanka. Kurikirana uko inkuru yakomeje kygenda.

Ubwo Brenda yarandebye ahita ambwira n’amarira menshi ati:"ndakeka ibyanjye ubizi kundusha ahubwo ahita ambwira ati:"uri umugome!"
Nakomeje kumwinginga musobanurira ko ntari nziko ari uwo kwa Dr.Anasthase ariko arahaguruka arambwira ati:"mperekeza dutahe kuko ibyanjye byo niba utari ubizi urabisobanukiwe!" yateze imodoka tutavugana ariko nkomeza kugenda mwumvishako ntari nigeze ibye.

Kuko nabonaga ameze nk’uwahungabanye naribwiye nti:"ntabwo namureka wenyine reka mujyane mugeze iwabo ataza kugira ikibazo agirira mu nzira nuko turagenda tukigera iwabo ntungurwa no gusanga nyina ari wamugore waje iwacu gusaba imbabazi nuko na we akinkubita amaso atangira kurira abwira umukobwa we ati:"mwana wanjye wakoze amahano!"

Ubwo nakomeje kumwinginga mubwira nti:"wa mubyeyi wanjye we mbabarira wimbuza ibyishimo nari ntegereje ariko mbona na Brenda atangiye kurira cyane ambwira ati:"Simeon wakunze umwana w’umuganga wananiwe umurimo!" akomeza ambwira ati:"umuntu wananiwe guha agaciro ikiremwa muntu akagaha amafaranga!" ubwo nakomeje kwibaza icyo nakora kuko nari nananiwe guhoza umwana na nyina ariko ngiye kubona mbona nyina yirukiye mu cyumba nuko arikingirana nuko numva ubwoba burantashye nanjye nsohoka niruka ntanasezeye ndataha!

....Nkimara kubona nyina yikingiranye mucyumba natangiye kwibaza nti:"none wasanga agiye gushaka ikintu kingirira nabi nabigenza nte ko nafatwa nk’uwateye urugo rw’abandi?" kurundi ruhande nkibaza nti:"nonese ahubwo abaye agiye kwiyahura ko bishobora kuvugwa ko nabigizemo uruhare nabigenza nte?"

Ubwo nakomeje kwiruka kugirango ngere aho ntegera moto maze ndayitega siniriwe njya aho natahaga ahubwo nihutiye kujya mu rugo iwacu kuko numvaga ntameze neza kandi nkumva mfite ubwoba!, ubwo naratashye ngera mu rugo butangiye kugoroba maze nihutira kujya mu cyumba ndasenga nti:["Mana yanjye urabizi ko nkwizera amanywa n’ijoro ninayo mpamvu mbanje kugusaba imbabazi ku bicumuro byose nagucumuyeho kandi nkaba nkwinginze ngo uriya mubyeyi ataza kugira icyo aba maze ndavuga nti:"Amen!]

Ubwo nasohotse mu cyumba nsanga papa na mama bahagaze ku muryango w’icyumba basa n’abumiwe maze bakinkubita amaso numva papa aravuze ati:"Imana ishimwe!" nuko nanjye ndababaza nti:"nonese kuki mbona wagirango mufite ikibazo?" maze mama amfata ukuboko anjyana muntebe maze aranyicaza nuko aranyitegereza mbona azunguje umutwe ariko njye nabonaga ari nka film kuko ntamenyaga ibiri kuba.

Ubwo papa yarambajije ati:"Simeon uvuye he?" maze ndamusubiza nti:"kuri gereza yayindi wabwirijemo ubutumwa bwiza bwa Yesu!" maze na we aransubiza ati:"ariko Simeon ko mperuka uri umwana mwiza izo ngeso nkizo wazigiyehe?" maze mpita mubaza nti:"izihe se kandi?" maze mama arambaza ati:"ntuhoze usengase?’ maze nanjye mbasubiza mbabaza nti:"nonese gusenga nizo ngeso mbi?"

Ubwo papa yarambajije ati:"nonese umubyeyi wavugaga ngo ntagire icyo aba ni inde kandi byagenze bite?" noneho natangiye kumva ndi kugenda nsobanukirwa icyabateye ihungabana maze nanjye ntatinze mumagambo mbaza papa nti:"nonese papa icyo nkubaza uransubiza?" nuko aransubiza ati:"Mwana wanjye ndagusubiza!"

Nuko ndamubaza nti:"wamugore waramubabariye?" maze ahita ambaza ati :"uwuhe ?" ndamusubiza nti:"wawundi waje kugusaba imbabazi?" ataragira icyo ansubiza twumva abantu barakomanze maze mama ahita avuga ati:"ubanza abo ari babashyitsi ba Eprem!" nuko njya gukingura ndebye mbona ni umwana w’umuhungu ntazi maze ntungurwa no kubona amfitiye igikapu nari nirirwanye umunsi wose!

Ubwo nakomeje kwibaza aho yaba yagikuye ariko ndahabura ariko nkomeje gutekereza nibukako nagisize iwabo wa Brenda nuko uwo mwana arambwira ati:"ndihuta nari nkuzaniye igikapu cyawe " maze ndamubaza nti:"ugikuyehese?" aransubiza ati:"ni mama umbwiyengo nkikuzanire!" yongeraho ati:"nitwa Patrick ndi musaza wa Brenda ahita yigendera kuko bwari butangiye kwira.

Nahagaze umwanya munini nibaza kubiri kumbaho ariko mbura igisubiza mugihe nari meze nk’uwashobewe nibwo nabonye Tax voiture iparika ku irembo iwacu nuko Ephrem asohoka mbere mbona akinguye undi muryango ngiye kubona mbona hasohotsemo Sabine ubwo nyine nihagazeho ndabasuhuza maze mbwira abo munzu nti:"nimwegereyo kandi mwigizeyo ibishobora kubera i nkomyi abagenzi kuko umwamikazi atashye mu rugo iwacu!"

Ubwo Ephrem na Sabine ndetse na Honolyne barinjiye batari bicara mbona na Nkusi araje maze baricara dutangira kuganira maze Ephrem aravuga ati:"Babyeyi, bavandimwe namwe nshuti zanjye muteraniye aha ndagirango mbabwirize ijambo ry’Imana!" ubwo abari aho munzu twarebaniye rimwe maze bamwe turaseka duti :"kuva ryarise Ephrem usigaye uvuga ubuumwa?"

Ephrem ntiyabyitayeho ahubwo yahise avuga ati:"Imana yaremye umugabo maze iravuga iti:"sibyiza ko uyumuntu aba wenyine,reka muremere umufasha umukwiriye,.." yongeraho ati:"none rero ayo magambo asohotse mu kanwa kanjye kugirango ababere igihamya ko uyu witwa Sabine ambereye umugore nyuma yo kurahirira imbere yanyu n’imbere y’Imana nyagasani ko ari we mugore wanjye w’ibihe byose!!

Twese twamuhaye amashyi maze Honolyne na we aravuga ati:"ibi ni iby’agaciro kandi turabyishimiye, kuko twese tuzi uko byagenze kugirango aba tureba bakundane ninayo mpamvu mboneyeho no kubifuriza ishya n’ihirwe murugendo rwabo!" nuko Papa ahita avuga ati:"nibyiza kandi birakwiye ko umuntu ashaka uwo babana kandi bigaca mu mucyo kandi turabishyigikiye!"

Maze mama arambaza ati:"Simeon urabivugho iki?" maze nanjye ndababwira nti:"erega burya ntawutanya............"ntarakomeza numva telephone yanjye irasonnye maze ndebye mbona ni Brenda umpamagaye maze ndababwira nti:"munyihanganire ndaje!" nuko ndasohoka njya kwitaba phone.

..............Ubwo nitabye telephone ye mfite ubwoba nibaza icyo agiye kumbwira nuko atangira kumbaza ati:"Honey umeze neza?" ndamusubiza nti:"neza cyane!" nuko ndamubaza nti:"mama wawe ameze neza?" nuko na we aransubiza ati :"ahubwo niwe unsabye kuguhamagara kuko yabonye watashye uhangayitse!"

Akomeza agira ati:"burya cyagihe yirukiye mu cyumba agiye gushima Imana kubona wabashije kugera mu rugo iwacu nyuma y’ibyabaye hagati y’imiryango yacu!" ndamusubiza nti:"Icyambere ni urukundo kandi nzi neza ko iyo ariyo nzira imwe rukumbi ishobora kuzatuma imiryango yacu yiyunga!" maze na we arongera arambwira ati:"uzi ukuntu ngo yakubonye ikiniga kikamufata maze yakwibuka ukuntu papa wawe yamubwiya ati:"namaze kubabarira umuryango wanyu" maze amarira akamuzenga mumaso maze akajya kwiherera ashima Imana, burya yirindaga gukomeza kuriraimbere y’umukwe!

Ubwo nakomeje kwiganirira na Brenda dusa n’abibagiwe iby’ama inite dukoresha nuko ndamubaza nti:"noneho ushobora kunyemera ko nzakubera uwambere n’uwanyuma kandi nkazishimira kukuba iruhande kugirango udahungabana?" aransubiza ati:"Simeon urabizi ko nkigukubita amaso cyagihe wakoze impanuka numvise ntazi ibinkurura bikambuza gutambuka, ubwo rero niba wemeye kumfata ukuboko,nanjye nzemera unjyane aho ushaka!"

nuko ndamubaza nti:"none se Rukundo rwanjye ngukorere iki ko unejeje nkabura uko nifata!" maze na we aransubiza ati:"nyemerera ejo uzansure mu rugo mbwire mama ko ngukunda kandi noneho azakwishimira ntazongera kwikingirana mu cyumba!" Ntaramusubiza numva arakupye muhamagaye nsanga telephone ye ntiri no kumurongo.

NTUZACIKWE N’IGICE KIZAKURIKIRA

KANDA HANO USOME IGICE CYABANJE
Yanditswe na Ndayisaba Simeon

Yisangize Inshuti.

Ibitekerezo 3

  1. Inkuru ni ndende kandi iraryoshye ikibazo nuko muyitinza.Nanone igice tugezeho ni 10 ntabwari 11 kuko ica datandatu ntacyo twashoboye kubona.Komeza turi gushima.

Tanga Igitekerezo