Kwamamaza

UMUTEKANO

Uzagusaba icyumba cyo kuraranamo n’umwana, uzabyange-SP Thomas Twahirwa abwira abafite amacumbi

Yanditswe

kuya

na

Editor1
Uzagusaba icyumba cyo kuraranamo n’umwana, uzabyange-SP Thomas Twahirwa abwira abafite amacumbi

Aba ni abana baherutse gufatwa na Polisi bari mu tubari

Umuyobozi wa Polisi y’u Rwanda mu karere ka Nyarugenge, Superintendent of Police (SP) Thomas Twahirwa, ku itariki 24 z’uku Kwezi yagiranye inama na ba nyiri amahoteri, resitora n’utubare bafite ibi bikorwa by’ubucuruzi mu murenge wa Nyarugenge bagera ku 150; abasaba kudakoresha abana no kutemerera abantu kuhabahera ibisindisha birimo inzoga z’amoko atandukanye.

Iyo nama yabereye mu cyumba cy’inama cy’Umurenge wa Nyarugenge. Mu bandi bayitabiriye harimo abafite amazu y’amacumbi na ba nyiri amagaraji.

Mu butumwa yabagejejeho, SP Twahirwa yababwiye ati," Umwana ni umuntu ufite munsi y’imyaka 18 y’amavuko. Ntimuzigere na rimwe mwemerera umuntu kumuhera ibinyobwa bisindisha mu nzu zanyu kuko bitemewe n’amategeko."

Yagize kandi ati,"Nihagira umuntu ubabwira ko ashaka icyumba cyo gukodesha kugira ngo akiraranemo n’umwana; mugomba kubyanga; kandi mugahita mubimenyesha Polisi kugira ngo ibikurikirane mu maguru mashya."

Yabibukije kandi kujya bandika neza imyirondoro y’abo bacumbikira; kandi bakagenzura ko iyo myirondoro ari ukuri kugira ngo niba bahakoreye ibyaha; igenzwa ryabyo ryorohe.

Umuyobozi wa Polisi muri aka karere yabwiye kandi abo bacuruzi ati,"Mwirinde kandi ko inzu zanyu ziba urunywero rw’ibiyobyabwenge nk’urumogi cyangwa ahategurirwa ibindi bikorwa binyuranyije n’amategeko. Nihagira umukiriya mubikekaho; musabwa guhita mubimenyesha Polisi cyangwa izindi nzego z’umutekano zibari hafi."

Yabasabye kandi gushyira ahantu habonwa n’ababagana ubutumwa bubaburira ko bibujijwe guha abana ibisindisha kugira ngo n’uwari ufite umugambi wo kubikora abireke.

SP Twahirwa yababwiye na none ati,"U Rwanda ruzwiho kugira isuku n’umutekano . Inyubako zanyu zigomba rero kurangwamo isuku. Abakozi banyu bakwiye gutanga serivisi nziza no kuba abanyesuku ."

Yabagiriye kandi inama yo gushyira ku (mu) nyubako zabo ibyuma by’ikoranabuhanga bifotora, bikanabika amakuru y’ibizikorerwamo kugira ngo igihe hari uhakoreye , cyangwa uzikoreyemo icyaha byorohe kumushaka no kumufata.

Yasoje ikiganiro yagiranye n’abo bacuruzi abasaba kuba abafatanyabikorwa ba Polisi mu gukumira ibyaha aho biva bikagera.

Ubu butumwa bwahawe kandi (kuri uwo munsi) abafite utubare na resitora bo mu karere ka Bugesera bakorera ubwo bucuruzi mu kagari ka NyamataVille, ho mu murenge wa Nyamata.

IBITEKEREZO

  • kagabe Yanditse:

    nibyo rwose uyu numuco mubi

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza