Nyuma y’ikibazo cy’amafunguro mu nama iheruka, Umuyobozi wa RAB yaba afunzwe, Polisi igahakana ko imufite

14

Amakuru agera kuri Makuruki.rw aravuga ko Umuyobozi Mukuru w’Ikigo gishinzwe Iterambere ry’Ubuhinzi n’Ubworozi mu Rwanda (RAB) Dr Butare Louis afunzwe kuva mu cyumweru gishize, aho bivugwa ko afungiye kuri Station ya polisi ya Kicukiro, mu gihe ariko Umuvugizi wa Polisi y’Iguhugu avuga ko uyu muyobozi adafitwe na Polisi.

Mu kiganiro kigufi Makuruki.rw yagiranye n’Umuvugizi wa Polisi y’u Rwanda ACP Twahirwa Celestin yavuze ko uyu muyobozi ntawe bafite mu maboko yabo nka Polisi.

Mu gitondo Umunyamakuru wa Makuruki.rw ubwo yageraga ku kigo cya RAB yatangarijwe ko uyu muyobozi yagiye gusoza imurikagurisha ku buhinzi bityo ko ataboneka. Gusa umunyamakuru wageze ahasorezwaga iri murikagurisha yatubwiye ko uyu muyobozi atari ahari.

Bamwe mu bakozi b’iki kigo twaganiriye bavuga ko kuva ku wa gatatu bumva na bo ko umuyobozi wabo yaba afunzwe kubera ibibazo byagaragaye mu migendekere y’iriya nama iheruka kubera I Kigali.

Amakuru avuga ko uyu muyobozi hamwe n’undi mukozi ushinzwe ubushakashatsi witwa Patrick baba baratawe muri yombi mu mpera z’icyumweru gishize nyuma y’ikibazo cy’imigendekere mibi mu itegurwa ry’Inama mpuzamahanga yigaga ku buhinzi yaberaga I Kigali hagati ya tariki 13 na 16 Kamena 2016, aho bamwe mu bayitabiriye batashye bijujutira ibitaragenze neza, birimo no kubura amafunguro kubera umubare w’abayitabiriye warenze uwari uteganyijwe, aho ngo ku munsi wa mbere ngo bagaburiye abagera ku 1400 mu gihe RAB yari iri ku isonga mu gutegura iyi nama yari yagaragarije Hotel Gorilla ko bazagaburira abantu 600 ari na yo bon de commande bari bafite.

Twagerageje kuvugisha ku murongo wa telefoni Ushinzwe itumanaho muri RAB witwa Gloria ariko ntiyafataga telefoni kugeza ubwo twandikaga iyi nkuru.

Iki kibazo cyaje gutuma Minisitiri w’Ubuhinzi n’Ubworozi ari na we ukuriye Minisiteri yari ku isonga ku itegurwa ry’iyi nama mpuzamahanga, mu kuyisoza asaba imbabazi mu izina ry’abari bashinzwe gutegura iyi nama, ndetse avuga ko birengereye amakosa y’ibitaragenze neza mu mitegurire yayo.

Iki kibazo kandi cyaje nyuma gato yaho umukuru w’Igihugu Perezida Kagame yari yagaye abicishije abantu inzara mu nama yabereye I Kigali muri Gicurasi ya World Economic Forum, aho bamwe mu bari bayitabiriye bahabwaga amafunguro adahagije.

Turakomeza gukurikirana iyi nkuru.

Yisangize Inshuti.

Ibitekerezo 14

  1. Uwavuze ko byabazwa minister ntabeshya. Bityo asobanure ukuntu yatanze ibyangombwa byuzuye wenda bikaza gukoreshwa nabi bityo Abe umwere. Ari ino i burayi ahita yegura. Akazi kaba kamunaniye.

  2. Mbega inkotanyi?mwishe igihugu .ntanundi muzabona ukora nka Dr.louis,uriyamugabo ninyanga mugayo ararengana ahubwo team bakorana niyo idashobotse.

  3. Dr Louis ararengana ahubwo bibazwe minister kuko afite akavuyo kenshi mu miyoborere ye, ubwo se DG ahurira he nibiryo? minister abibazwe kuko nuwe washyizeho akanama gategura inama.

  4. ariko nakumiro pe. ubwose ko ko dg ahurirahe nibiryo? ubwo nyine gahakwa na nyirasangwa bara.................///// erega ntamuntu uzashobora rab igihe cyose gahakwa na nyirasangwa bakicaye hariya, ko aribo bica bagakiza se. habeho ubushishozi kuko uriya mugabo ararengana pe. umurava yarazanye mu kazi ntabwo bariya bagore barikureka kumutobera nyine, niko bakora. Imana imube hafi

  5. Andika Igitekerezo Hano: haaaa ntibyoroshye pe . HE yabivuzeho vubaha kukibazo cykwicisha abantu inzara. buriya sugusha gusagura ra!!!!!!!!! nugushishoza.

  6. Andika Igitekerezo Hano: haaaa ntibyoroshye pe . HE yabivuzeho vubaha kukibazo cykwicisha abantu inzara. buriya sugusha gusagura ra!!!!!!!!! nugushishoza.

  7. Inama yateguwe na MINAGRI ndumva Atari RAB yagombaga kubibazw.mushakiye igisubizo aho kitali, gusa mushishoze kuko uyumugabo jye ndamuzi numukozi,inyangamugayo ntago yakora amabi!

  8. Inama yateguwe na MINAGRI ndumva Atari RAB yagombaga kubibazw.mushakiye igisubizo aho kitali, gusa mushishoze kuko uyumugabo jye ndamuzi numukozi,inyangamugayo ntago yakora amabi!

  9. Erega burya urunva impamvu ruhinduranya amatara nuko ruba rigamije kwinfuranya ngo hatagira urubona,ibya RAB nabyo niko bimeze murabona se Dr koko yahurirahe na turiya dutendo twurukozasoni?Nonese munshingano ze harubwo ashinzwe kwakira no gusohora amafaranga yo guhaha ibyo kurya? Yafungirwa ibyo kurya se ate ntaho ahurije nabyo? Bariya arazira uriya mwanya we hari umukada wamaze kuwutegurirwa nyamara muzaba Mureba.gufungwa kwe kwavuye ibuharankakara nyamara, polisi se mwumva yaba ihuriyehe kutagaburira umuntu se nabyo bahindutse icyaha cyahanishwa igifungo? Akaje karemerwa nkamenyo yaruguru niyihangane ahubwo asengera cyane.

  10. 1 | 2

Tanga Igitekerezo