Kwamamaza

UMUTEKANO

Umuryango urangwamo amakimbirane ntushobora gutera imbere: CSP Kabasha

Yanditswe

kuya

na

Makuruki
Umuryango urangwamo amakimbirane ntushobora gutera imbere: CSP Kabasha

Abatuye umurenge wa Cyanika, mu karere ka Burera basabwe kwirinda amakimbirane y’uburyo bwose no gutanga amakuru ku gihe y’abayafitanye kugira ngo bagirwe inama y’uburyo bayakemura.

Ubu butumwa babuhawe mu mpera z’icyumweru gishize ku itariki 26 Kanama mu kiganiro bagiranye n’Umuyobozi wa Polisi y’u Rwanda mu Ntara y’Amajyaruguru, Chief Superintendent of Police (CSP) Eugene Kabasha; ibi byabaye nyuma y’umuganda wabereye mu kagari ka Kamanyana aho Polisi yafatanyije n’abahatuye kuwukora.

CSP Kabasha yabwiye abo baturage ko mu bitera amakimbirane mu miryango harimo gusasegura imitungo, ubusinzi, ubuharike, kutubahana, kunywa ibiyobyabwenge, gucana inyuma no kutuzuza inshingano ku bashakanye.

Yagize ati,"Kwirinda amakimbirane ni ishingiro ry’amahoro mu muryango n’iterambere ryawo. Iyo adakemuwe mu maguru mashya ateza umutekano muke mu muryango; kandi uko kumvikana guke kw’abawugize guhungabanya ituze ry’abaturanyi babo. Ni byiza rero kuyirinda; kandi igihe habaye ibibazo; dore ko nta zibana zidakomanya amahembe, bigashakirwa umuti mu bwumvikane."

Yagiriye inama abari aho yo kwitabira umugoroba w’ababyeyi agira ati,"Ni urubuga rwiza rwo kumviramo ibibazo abantu bafitanye no kubishakira umutu urambye. Ntureba gusa abagore, abafite ubushobozi buke cyangwa abatari intiti nk’uko bamwe babitekereza; ahubwo ufitiye akamaro buri wese kubera ko ibibazo bishobora kuvuka hagati y’abantu b’ibyiciro byose n’ingeri zose."

CSP Kabasha yagarutse ku ngaruka z’amakimbirane agira ati," Umuryango urangwamo amakimbirane ntushobora gutera imbere kubera ko nta mahoro no kujya inama biwubarizwamo. Igihe abantu bagiranye ibibazo, bakwiye kubiganiraho mu mutuzo bagamije kubishakira umuti urambye, byabananira, bakagana inzego zibishinzwe kugira ngo zibakiranure ."

Yakomoje kandi ku bubi bw’ibiyobyabwenge agira ati," Bigabanya ubushobozi bw’umubiri no gutekereza by’umuntu ubinywa ku buryo nta cyo yimaririra. Bimutera kandi gukora ibyaha birimo gukubita no gukomeretsa, gufata ku ngufu no gusambanya abana. Murasabwa rero kwirinda kubyishoramo no kugira uruhare mu kurwanya ikoreshwa n’icuruzwa ryabyo mutungire agatoki Polisi y’u Rwanda ababikora."

Umuyobozi wa Polisi y’u Rwanda muri iyi Ntara yibukije abo baturage ko umutekano ari inkingi ya mwamba y’iterambere rirambye; hanyuma abasaba kwirinda ikintu cyose kinyuranyije n’amategeko no guha Polisi amakuru atuma gikumirwa.

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza