Umunyamakuru Ntawuyirushamaboko arishinganisha nyuma yo gutukirwa mu biro na Gitifu

13

Umunyamakuru wa Radio One na TV1 Ntawuyirushamabako Celestin, yatangaje ko afite impungenge z’umutekano we kubera amagambo yabwiwe n’Umunyamabanga Nshingwabikorwa w’Umurenge wa Runda, mu Karere ka Kamonyi.

Aganira na Makuruki, Ntawuyirushamaboko yavuze ko byatangiye ubwo yari agiye gutara inkuru y’umugambo watemwe na mugenzi we akamuca ukuboko muri uwo murenge.

Ubwo Ntawuyirushamaboko hamwe n’umufasha gufata amashusho (cameraman) bageraga muri Runda, ngo babanje kujya aho umuturage yatemewe ngo babanze bavugane n’abaturage.

Nyuma yo kuvugana n’abaturage, bagiye ku biro by’Umurenge kureba umuyobozi wabaha andi makuru ajyanye n’uwo muntu watemwe, dore ko ari uwatemwe yari yajyanywe kwa muganga , abamutemye bo bakaba bataramenyekana.

Yagiz ati “Twabanje gutuma customer care ngo atubwirire ko dushaka gitifu, atubwira ko hari ibyo arimo bitararangira…nyuma twaje gutuma Etat civil dore ko yatubwiraga ko gitifu ari we wabikurikiranye kandi akaba ari na we muvugizi w’Umurenge…yaje kwemera , tukicara, aradutuka.”

Uyu munyamakuru unasanzwe atuye mu Murenge wa Runda, yakomeje avuga ko bakigera mu biro Gitifu yababwiye amagambo mabi.

Ati “Yatangiye kutubwira nabi, ngo uburyo mukora nibyo nshaka guca, ngo uwo muntu yaba yapfuye mwe mwamuzura.Naraye mbikurikirana ijoro ryose ndananiwe ngo muzaze ikindi gihe ngiye kuruhuka, cyangwa mujye gutangaza bimwe byanyu ko mwabuze amakuru, muvuge ibyo mushaka uzambaza nzisobanura.”

Ubwo ngo aba banyamakuru basohotse mu biro, bageze hanze basanga hari akuma ka camera bibagiriwemo basubira kukaza.

Ntawuyirushamaboko avuga ko ubwo yasubiraga kuzana ako kuma aribwo gitifu yamubwiye amagambo akomeye.

Ati “Nagiye gufata ako kuma kari kasigayemo arambwira ngo uri Umunyerunda nkaba undi, ntabwo uzahambana.Nabihaye uburemere kuko yavuze ko ntazahamubana.”

Nyirandayisabye Christine, Umunyamabanga Nshingwabikorwa w’Umurenge wa Runda aganira na Makuruki yavuze ko nta magambo mabi yabwiye abo banyamakuru.Yavuze ko yabasobanuriye ko ananiwe kubera kurara ijoro, abasaba kuzagaruka undi munsi akabaha amakuru.

Yagize ati “Ariko se kuki bakabya,ubwo afite ibimenyetso koko!Nababwiye ko nakoze amanywa n’ijoro kuri kiriya kibazo, mbabwira ko naniwe kandi ko ari inkuru idasaza bashobora kuzagaruka nkabaha amakuru…ahubwo ashobora kuba yifitemo ikibazo, ntabyo navuze.”

Ntawuyirushamaboko avuga ko intandaro yabyo ishobora kuba ari inkuru yigeze gukora ku bayobozi b’Imirenge muri ako karere bangaga kwitaba itangazamakuru bavuga ko bari muri konji, ijwi ry’uwo gitifu rikaba rimwe muyo yakoresheje.

Ngo nyuma y’aho bahuriye ku Ruyenzi, gitifu amubwira ko aho bazahurira hose atazongera kumusuhuza ngo kuko yamusebeje amucisha kuri televiziyo.

Yisangize Inshuti.

Ibitekerezo 13

  1. Ntitwabitindaho abayobozi baho ngaho bakunze kugira imyitwarire itari myiza nibareke bavuge ibitagenda ubundi babikosore ariko bareke kuba babandi bakunda kuvugwa neza gusa.

  2. Hari icyo nibaza ubundi ba executive bashyirwaho hashingiwe kuki ! mbona ari aba polities kurenza uko arabakozi babo bayobora meme nabakagari nuko bazunguza umuturage ukibaza niba bazi inshingano zabo bikanyobora urugero: ugasanga ikintu kibaye 5 ans gitif ntabyo azi excellence yaza ugasanga umuturage avuze ibintu nawe atazi !bahora muri conge,munama ,bananiwe,rapport,akazi ninama ni rapport hari abana bimfubyi batotezwa nabo baturanye
    barahinga abaturanyi bagasarura birabababaje bikozwe ibyo imyaka 5 gitif abwira abobana ngomwihangane hariho inzara habe nokuhapanga irondo batuye mukagali ka rwinyanyana ,umugududu : rugarama, umurenge: bweramana ,akarere: Ruhango mumuryango waho bita kwamunyandekwe wakwibaza uti umunyamakuru ataye iyonkuru uzasanga ugiyeyo abaye umwanzi wa gitif

  3. abo bagitifu bakora batyo bazajye babakuraho hari abanyarwanda bacyene akazi benshi kandi babifitiye ubushobozi.abo baba bahaze

  4. abo bagitifu bakora batyo bazajye babakuraho hari abanyarwanda bacyene akazi benshi kandi babifitiye ubushobozi.abo baba bahaze

  5. abo bagitifu bakora batyo bazajye babakuraho hari abanyarwanda bacyene akazi benshi kandi babifitiye ubushobozi.abo baba bahaze

  6. Umunyamakuru agira uburenganzira mu gutara inkuru kandi umuyobozi nawe hari indangagaciro akwiye kugaragarize abaje bamugana abo aribo bose, Aramutse yarabivuze ntibikwiye nkumuyobozi kuruyu munyamakuruwe nahumure twizeyeko igihugu cyacu gitekanye ntacyo yaba.

  7. Ariko ubwo mwagiye mumenyako umuntu ari nkudi ibyo uhimba ni ibiki kweli umuyobozi wacu ari honette rekeraho kutuvangira hari umuturage se wari wumva abwira nabi erega uko ubajije umuntu niko agusubiza.nabyo ntiwabitindaho

  8. Andika Igitekerezo Hano Ni hatali ibaze niba gitifu w,umurenge atinyuka akavuga amagambo akarishye atyo imbere y,umunyamakuru ubwo abaturage abasubiza ate? ahaaa!!! ntabwo bizoroha pe!

  9. Ubundi iyo abantu bavuganiye ahihereye ntakimenyetso cyapfa kuboneka ariko igihe cyose ijambo ribi ntirisaza. Céléstin agira inkuru ziri balanced kandi zikoze kinyamwuga. Abakora nabi nyine ntibaba bashaka ko rubanda tubamenya. Ubyihanganire ni risque du metier ntacyo azagutwara u Rwanda ni igihugu gikomeye kuburyo nubwi utuye mu murenge ayobora mbona ko ntacyo azagutwara.

  10. 1 | 2

Tanga Igitekerezo