’Ntabwo tuzigera dupfumbatana n’umwanzi wacu hano’ Lt Col Mutembe

5

Umuyobozi w’Ingabo mu Karere ka Gasabo Lt Col Frank Mutembe avuga ko u Rwanda nta mwanya rufite wo kwihanganira abashaka guhungabanya umutekano w’ warwo bitwaje amatwara y’idini runaka, kandi ko rutazigera rurebera izuba abashaka guhungabanya umutekano w’ u Rwanda.

Mu minsi ishize mu Karere ka Gasabo Nyarutarama Polisi y’igihugu yaharasiye umusore wakekwagaho iterabwoba, bukeye bwaho abandi barasirwa i Rusizi mu Bugarama.

Aba bose Polisi yavuze ko bari bagamije guhungabanya umutekano w’igihugu babicishije mu butagondwa n’iterabwoba.

Umuyobozi w’ingabo mu Karere ka Gasabo Lit Col Mutembe Frank avuga ko aba bose bagamije guhungabanya umutekano w’igihugu kandi bazacibwa intenge kuko umutekano w’u Rwanda ariwo mutungo rufite.

ubwo yifatanya n’abaturage b’Umurenge wa Kimihurura mu muganda rusange kuri uyu wa Gatandatu, Lt Col Mutembe yagize ati: "Mu Rwanda ni bishya ntabwo twari tubimenyereye, twari tuzi ko biriya bintu biba za Siriya cyangwa se biriya bintu byabaye za Uganda cyangwa Kenya ariko bitari hano mu Rwanda. Ntitwumvaga ko Abanyarwanda bashobora kwiturikirizaho ibisasu, ariko iyo urebye amateka y’abanyarwanda ukareba ukuntu jenoside yabaye mu Rwanda mu gihe gitoya miliyoni irenga igapfa, biguha kubona ko bishoboka."

Yakomeje agira ati: "... rero ni ukubica intege, kubica intege ni ukubica. Umutekano w’u Rwanda munyumve neza ni zahabu y’u Rwanda, ni petelori y’u Rwanda rero ushatse kuwukinisha urabizira”

Mutembe yavuze ko abitwikira amadini bakambura abandi ubumuntu nta mwanya bafite mu Rwanda.

Ati:”Hari ibintu ahangaha byari bihari byitwa ngo madarasa, izi ntagondwa zitwaza idini ya Isilamu zishaka urubyiruko rutoya rw’abana babigisha ubutagondwa kugirango bakwize ya myumvire yo kumva ko abantu bose ari abakafiri. Bariya twarashe ejobundi Bugarama bavugaga ko abantu ari abakafiri, ngo nibo bakirisitu babaho. Abantu nk’abo rero bumva ko aribo bazima bakavutsa abandi ubuzima ntabwo twabemera”

Yakomeje agira ati "Iyo mubona twakira inama nk’izi zikagenda neza hari abandi babigiramo ishyari, abo rero tugomba kubaca intege, ntabwo twareka abo banyarwanda baba ibikoresho by’abanzi bacu ngo tubyemere tubihe intebe “


Lt Col Mutembe Frank aganira n’abaturage b’Umurenge wa Kimihurura mu muganda rusange

Abiyahuzi Polisi iherutse kurasa bose bari bihishe mu mazu kandi baturanye n’abaturage, Afande Mutembe yabwiye abaturage n’abayobozi b’inzego z’ibanze kureba ibipangu bidafunguka ikibyihishamo.

Ati:”Nagirango rero mudufashe ndetse no mu nama zindi n’umuganda dukora twajya tureba ibi bipangu bidafunguka birimo iki? Bavandimwe ibi bipangu bidafunguka birimo iki? Muyobozi w’Umudugudu udafungura iki gipangu wowe uri muyobozi ki? Ibi bipangu tugomba kubifungura icyo dushaka twebwe ni amakuru, muyobozi w’Umudugudu itangire amakuru maze ibindi wigaramire, rubyiruko muri aha mutange amakuru ….. u Rwanda baturashe igisasu kimwe hano cyavugwa kurenza n’ibyabaye ahandi tugomba kubimira rero tubarasa. Ntabwo tuzigera dupfumbatana n’umwanzi wacu hano”

Yisangize Inshuti.

Ibitekerezo 5

  1. Mwiriweho neza !!!ntananuwabyemera rwose kuko urwanda uretse abo nundi wese ubitekereza nabyibagirwe turashaka amahoro gusa Banyarwanda icyambere nugutanga amakuru kugihe

  2. Afande nibyo babisa.abaginga bita abandi ngo ni cafiri nibo ba cafiri tugomba kubarasa mbere yo kurasa abaturage bacu.bitiranya RDF.

Tanga Igitekerezo