Nyamirambo: Impanuka y’imodoka ihitanye 4 abandi barakomereka

2

Impanuka y’imodoka yo mu bwoko bwa Hiace ibereye i Nyamirambo ihitanye abantu bane abandi icyenda barakomereka, polisi ikavuga ko umushoferi wayo ari we nyirabayazana w’iyi mpanuka

Iyi mpanuka yabereye mu muhanda Nyamirambo - Mageragere, abantu bane bari bari muri iyi modoka nibo bahise bapfa abandi icyenda barakomereka bajyanwa mu bitaro bya Kigali( CHUK)

Umuvugizi wa polisi ishinzwe umutekano wo mu muhanda SP Ndushabandi Jean Marie Vianney yabwiye Makuruki ko iperereza rikiri gukorwa ngo harebwe icyateye iyi mpanuka.

SP Ndushabandi ariko avuga ko abari bari aho iyi mpanuka yabereye batavuga rumwe ku cyateye iyi mpanuka kuko hari abavuga ubusinzi bw’umushoferi abandi bakavuga ko yarwaniye vola n’umugenzi.

SP Ndushabandi yagize ati:” Hiace RAC 251 yagonze kubera kwihuta n’imiterere y’umuhanda, Umushoferi yananiwe, ayikubita mu muhanda hapfamo bane hakomereka icyenda bajyanwe mu bitaro bya CHUK "

Ku cyateye iyi mpanuka yavuze ko kitavugwaho rumwe agira ati:” Turacyakora iperereza ngo turebe kuko amakuru atangwa n’abari bahari aratandukanye, hari abavuga ko yari yanyoye, hari abavuga ko yashyiragamo vitese ntijyemo, hari abavuga ko hari umugenzi bari bicaranye barwaniye vola muri uko kugenda nabi, turacyakora iperereza ngo turebe icyateye iyo mpanuka ariko turacyakora iperereza ngo turebe ikigaragara ni uko ashobora kuba yananiwe kuyikontorora kuko haramanuka.”

Iyi mpanuka ibaye nyuma y’indi ikomeye iherutse kubera mu karere ka Kicukiro yahitanye ubuzima bwa benshi ndetse igasigira ubumuga abatari bake.

Yisangize Inshuti.

Ibitekerezo 2

Tanga Igitekerezo