Nyabihu: Umugore akurikiranweho kwica umugabo we akamushyingura mu nzu babanagamo

2

Umugore witwa Mbarushimana Charlette wo mu Mudugudu wa Kajyejye mu Kagari ka Gisizi umurenge wa Jomba mu karere ka Nyabihu yishe umugabo we amushyingura mu nzu babanagamo.

Ibi uyu Mbarushimana w’imyaka 20 y’amavuko yabikoze tariki ya 13 Gicurasi 2017 sasaba z’ijoro aho yishe umugabowe Twahirwa Theoneste w’imyaka 23 y’amavuko arangije amushyingura mu nzu bari batuyemo. Aba bombi bari bafitanye umwana umwe ufite umwaka umwe w’Amavuko.

Uyu mugore yivuganye umugabowe nyuma yo kumukekaho ko yaba yarashatse undi mugore dore ko aba bombi babanaga batarasezeranye byemewe n’Amategeko.

Umuvugizi wa Polisi mu Ntara y’iburengerazuba SP Kanamugire Theobald yavuze ko bamenye ayo makuru biturutse ku kuba uyu mugore yagiye iwabo akabibaganirira. Ati: “umugore yagiye iwabo ajya kubiganiriza ababyeyibe, ariko na mbere yaho twari twatangiye kumenya amakuru duhawe n’Abaturage.”

Birakekwa ko uyu mugore yishe umugabo we amukubise ikintu mu mutwe. Ipererezwa ryakomeje gukorwa rigaragazako aba bombi bari basanzwe bafitanye amakimbirane ariko ntabwo yari yakagejeje ku rwego rwo kwicana .

Kugeza ubu umurambo wa nyakwigendera wajyanwe gusuzumwa n’abaganga mu gihe Mbarushimana wamwishe we afungiye kuri sitasiyo ya Police ya Jomba.
Ingingo ya 140 yo mu gitabo cy’Amategeko ahana ibyaha mu Rwanda ivuga ko umuntu wese wishe undi abisha aba akoze icyaha cy’ubwicanyi gihanishwa igihano cy’igifungo cya burundu.

SP Kanamugire yavuze ko abashakanye mu gihe icyo ari cyo cyose bagiranye amakimbiranye bakwiye kugana inzego z’umutekano bakabafasha kubikemura aho kubyihererana bikaba byabaviramo kwicana bagamije kwihorera.”

Kugeza ubu uwo mwana ufite umaka umwe w’amavuko bamujyanye muri bamwe mu bagize imiryango ye dore ko nyuma yo kubura se umubyara nyina na we ashobora gufungwa burundu akazakomeza kurerwa n’abo banyamuryango.

Ndayishimiye Thierry

Yisangize Inshuti.

Ibitekerezo 2

  1. Mbega ibibyo birarenze ndumva bikabije gusa nsigaye mbona abantu basigaye barushwa urukundo ninyamaswa kuko ntanyamaswa ipfa kwica iyo kurwego rumwe nayo nkurugero ntankende yica indi cyangwa ingagi ngo yice indi numuntu rero ntiyagakwiye kwica mugenzi we sinzi icyo leta itarakora izakora ngo igabanye ibyaha byubwicanyi mbona byiyongera kurusha ariko rwose abasenga nibarusheho kandi babikore babyumva. Kuko turi muminsi yimperuka

Tanga Igitekerezo