Mu mafoto: Umuhango wo gutangiza ’Police Week’ mu mujyi wa Kigali

Umuyobozi w’Umujyi n’uwa Polisi ubwo bari bagiye gutangizq igikorwa cyo gusibura’ Zebra Crossing

Kuri iki cyumeru tariki ya 12 Kamena 2016 mu Mujyi wa Kigali Polisi y’igihugu yatangije icyumweru ngarukamwaka cyahariwe ibikorwa bya Polisi ’Police Week’ ku nsanganyamatiko yo kurinda no kurengera abana

Police week y’uyu mwaka ifite insanganyamatsiko igira iti"Duhagurukire kurinda no kurengera abana."

Ni igikorwa cyatangijwe ku mugaragaro n’Umuyobozi w’umujyi wa Kigali Monique Mukaruliza ndetse n’Umuyobozi wa polisi y’u Rwanda IGP Emmanuel Gasana aho basigaga amarangi mu muhanda basibura imirongo yagenewe kwambukirwamo n’abanyamaguru izwi mu ndimi z’amahanga nka ’Zebra Crossing’.

SP Jean Marie Vianney Ndushabandi Umuyobozi wa polisi y’igihugu Ishami rishinzwe umutekano wo mu muhanda yatangaje ko iki cyumweru kizibanda kubikorwa byo kurinda no kurengera abanyamaguru bambukiranya umuhanda, hasiburwa ndetse hashyirwaho imirongo mishya yagenewe kwambukirwamo n’abanyamaguru by’umwihariko abana nk’u Rwanda rw’ejo hazaza kandi banakoresha umuhanda buri munsi bajya ku ishuri.

SP Ndushabandi yanagarutse kukijyanye n’abashoferi baca cyangwa babangamira uburenganzira bw’abanyamaguru avuga hagikenewe kubakangurira kubahiriza uburenganzira bw’abanyamaguru.

Ati"ubukangurambaga burakomeje, tuzagira umunsi wo kuganira na bo tubakangurire kubahiriza uburenganzira bw’abanyamaguru by’umwihariko abana igihe bambukiranya imihanda."

Iki cyumweru kizasonzwa tariki ya 16 Kamena 2016 ubwo Polisi y’igihugu izaba inizihiza imyaka 16 imaze ishinzwe.

Mu mafoto dore uko byari bimeze:


Abana nk’abazitabwaho muri iki cyumweru bari bitabiriye uyu muhango

Urwego rw’igihu rushunzwe imfungwa n’abagororwa na bo bitabiriye uyu muhango


Abana nk’abazazirikanwa muri iki cyumweru nibo bayobaraga imodoka n’abanyamaguru.

Umuyobozi w’umujyi n’uwa polisi bagiye gutangizi igikorwa cyo gusibura’Zebra Crossing’

Umuyobozi w’umujyi wa Kigali Mukaruriza Monique atangiza igikorwa cyo gusibura imiringo icibwamo n’abanyamaguru.

Umuyobozi wa polisi IGP Emmanuel Gasana na we yari ahari

Ingabo z’igihugu na zo zari zihagarariwe

World Vision na yo yifatanyije na polisi y’igihugu

Urwego rw’imfungwa n’abagororwa na bo batangije imirimo yo kubaka’Zebra Crossing’

Nyuma yo gutangiza iki gikorwa cyo gusiga ’Zebra Crossing’ hafashwe ifoto y’urwibutso.

Yisangize Inshuti.

Ibitekerezo

Tanga Igitekerezo