Kuba RDF ifite amateka n’inkomoko yihariye bituma n’inshingano zitagarukira ku kurinda igihugu gusa- Perezida KAGAME

4

Kuri uyu wa kane tariki ya 23 Gashyantare 2017, Perezida wa Repuburika y’u Rwanda Paul Kagame yasoje amahugurwa ya gisirikire y’inkumi n’abasore basaga 478, bashyizwe mu rwego rwa ba ofisiye ku ipeti rya Sous Lieutenant., aho Perezida Kagame yibukije abasore n’inkumi barangije aya mahugurwa ko Inshingano za RDF zitagarukira ku kurinda umutekano w’igihugu gusa kubera amateka yihariye n’inkomoko yayo, ahubwo ko bafite n’ishingano yo kurinda ibyagezweho no kugira uruhare mu iterambere ry’igihugu.

Uyu muhango wabereye mu kigo cy’amahugurwa cya gisirikare I Gako, aho Perezida yashimiye abasirikare barangije barangije aya amahugurwa abashyira ku rwego rw’abafosiye, aho yabibukije ko ibyo bize muri aya mahugurwa harimo inshingano yo kurinda umutekano ari nacyo igihugu kibitezeho.

Perezida Kagame Paul ageza ijambo ku basirikare basoje amahugurwa.

Perezida Kagame yibukije aba basore n’inkumi ko u Rwanda rufite umwihariko utuma bagira n’inshingano zihariye kubera amateka y’igihugu cyacu.

Perezida Kagame ati ‘…igihe tugezemo, isi yose igenda itera imbere hafi mu bintu byose;..Mu by’ubukungu mu by’igisirikare, mu ikoranabuhanga, ikoranabuhanga ry’ingeri zose. Mu Rwanda rero dufite amateka yacu ari yo twihariye hari n’ao dusangiye n’abandi. Amateka dusangiye n’akarere n’intara y’Afurika ndetse n’ahandi ku isi. Hagati y’ibyo ni ho dusanga rero n’iby’umwihariko dufite nk’igihugu cyacu. Niho haba ubwo buryo bwo gushaka kwiteza imbere muri byose. Ingabo z’igihugu cyacu RDF, zifite amateka, zifite aho zikomoka muri ayo mateka, ni ho dusanga umurongo dusanzwe tugenderaho. RDF ingabo z’igihugu cyacu, ntabwo zigarukira ku ruhare rwo kurinda igihugu gusa mu buryo bwa gisirikare…., RDF kubera ayo mateka igira uruhare rw’amajyambere, gukorera abaturage ndetse RDF ni abaturage b’u Rwanda ikomokamo. Ni ukuvuga ngo ibibazo byose bakwiye kuba bahangana nabyo, no ukuvuga ngo imbaraga zo gushaka ibisubizo by’ibabazo igihugu gifite bikwiye kuba bibaturukamo

Perezida Kagame asanga aya mahugurwa nkaya ibiyatangirwamo bidakwiye gufatwa nko kwiga ibyo gukoresha intwaro gusa, n’bikoresho bya igisirikare, ahubwo no kurinda ibigezweho byubakwa bikomoka mu mateka yihariye y’u Rwanda.

Mu majwi yabo abasirikare barangije barahiriye kuzuza neza inshino bagiye gukora ziriko gukorana neza n’abaturage nk’uko babisabwe n’umukuru w’igihugu.

Bambikana amapeti

Abasore n’inkumi 478 basoje amahugurwa ya gisirikare i Gako harimo abategarugori 68

Perezida yibukije ko aba basore bagizwe abafosiye ba RDF hafi ya bose bavutse nyuma ya Jenoside yakorewe abatutsi ko benshi amateka ya Jenoside u Rwanda rwanyuzemo batayazi, bityo Perezida Kagame asanga ari ibyongera uburemere bw’ inshingano abarangije aya mahugurwa bafite, kuko bagomba kurinda ubusungire bw’igihugu n’ibimaze kugerwaho kuko amateka ari ayabo ndetse n’abo abakomokaho.

Mu basirikare basoje aya mahugurwa harimo abaherewe ubumenyi bwihariye baje gusoreza amahugurwa yabo i Gako




Abasirikare barangije amasomo mu karasisi imbere y’abayobozi bakuru barimo na Perezida wa Repubulika.
Alexis Musabirema/ Makuruki.rw i Gako

Yisangize Inshuti.

Ibitekerezo 4

  1. Twishimiye izombaraga zamaraso mashya ziyongereye muri RDF nange nuko ndengeje imyaka iriya 2rd Lieutenant ndayikunda iyomba ntafite 27yrs mpfite nka 21 cg 22 nakabaye ngenda nange

  2. turashima izo mbaraga ziyongereye mu RDF ariko akarasisi ntikakiryoshye nka ka mukotanyi nabonye aha mbere simbizi wenda niba ari ishyaka ryagabanutse cyangwa iterambere turi kwinjiramo .

  3. Andika Igitekerezo Hanonibyiza kongera imbaraga ndetse namaraso mashya mugisirikare cyacu nkuko babirahiriye ntibazatatire iriyandahiro bakomeze babungabunge umutekano kinyamwuga bagamije guhesha igihugu cyacu ishema muruhando mpuzamahanga.

  4. Turashimira abo bana burwanda uburyo bitanze bakaba bashoje abasomo yabo neza, na discipline Ibaranga bagira, nibaze bafatanye nabandi mugukomeza kubungabunga ibyagezweho, hamwe ni intore izirusha intambwe nyakubahwa perezida wa Republic.

Tanga Igitekerezo