Karamaga wahishe umurambo wa Uwiringiyimana Agathe yatangiye kurindirwa umutekano

2

Karamaga Thadee,wahoze mu ngabo za kera (EX –FAR) yatangiye kurindirwa umutekano nyuma y’iminsi mike atangaje ko hari abantu bamuhamagara kuri telefone bakamutera ubwoba.

Ubwo Jenoside yatangiraga, Karamaga yari afite ipeti rya kapolari , ashinzwe uburuhukiro bw’ibitaro bya gisirikare i Kanombe.

Avuga ko tariki 7 Mata ubwo Uwiringiyimana Agathe wari Minisitiri w’Intebe yari amaze kwicwa, yazaniwe umurambo we ategekwa kuwushyingura.

Karamaga ntabwo yawushyinguye nkuko yari abisabwe n’uwari umukuriye, ahubwo yahishe uwo murambo kugeza igihe ingabo za FPR Inkotanyi zibohoreje igihugu arawuziha ngo ziwushyingure mu cyubahiro.

Mu cyumweru gishize ubwo hibukwaga abanyapolitiki bashyinguye i Nyanza ya Kicukiro bishwe muri Jenoside yakorewe Abatutsi, Karamaga yatangaje ko amaze iminsi aterwa ubwoba n’abantu bamuhamagara kuri telefone.

Yavuze ko a amaze guhamagarwa inshuro eshatu harimo n’abamubwira ko bazamwica kuko ngo yabagambaniye.

Perezida wa Sena Bernard Makuza yamwijeje ko ntacyo abo bantu bazamutwara
KTpress dukesha iyi nkuru yanditse ko kuri ubu Karamaga ubu yahawe abashinzwe kumurindira umutekano, bakunze kuba hafi y’iwe.

Umuvugizi wa Polisi y’u Rwanda ACP Theos Badege, yabwiye Ktpress ko bishimiye ko noneho Karamaga afite umutekano.

Yavuze ko umutangabuhamya wese ugaragaje impungenge z’umutekano we bafite inshingano zo kumurinda byihariye, nubwo bashinzwe no kurinda abanyarwanda bose muri rusange.

Uretse guhisha umurambo wa Uwiringiyimana, Karamaga yanahishe bamwe mu batutsi bahigwaga muri Jenoside yakorewe Abatutsi.

Inkuru bijyanye:Uwahishe umurambo wa Uwiringiyimana Agatha afite impungenge z’umutekano we

Yisangize Inshuti.

Ibitekerezo 2

  1. iyo umuntu yapfuye Aba yapfuye,ubonye iyo umurindaa ari muzima,abandi barashimirwa ko harabo barokoye naho wowe ukivugi bigwi ngo warinze umurambo. njye ndashima umugabo Gisimba,Sinzi,nizindi ntwari zagerageje kurokora abantu,naho wowe rwose umva,uri kwivuga ibigwi byamafuti,ngo

  2. Karamanga we waragize nenza nshyira umutima hamwe abo banyarwa ntacyo bazakugira icyiza wakoze lmana nti yabyemerako harikibi cyakubaho.

Tanga Igitekerezo